Ruma 1:8 - Manobo Western Bukidnon

⁸ Iyan idhuna ku keniyu te ebpenudtul is: pinaag̵i ki Jesu Kristu ebpeselematan ku is Megbevayè tew tenged keniyu su nepenudtul ziyà te minsan hendei is kedtuu niw ki Jesu Kristu.

Ruma 1:8 Кръстосани препратки

Mateo 24:14

Ne idsangyew ziyà te tivuuk he kelibutan heini is Meupiya he Tudtulanen te keag̵i te kedhadì te Megbevayà wey metueni heini te tivuuk he menusiyà. Ne emun egkepasad en haazà ne iyan en ketepusan.

Lucas 2:1

Ne hein iyan pa si Augusto hadì diyà te inged he Ruma, mibaal sikandin te velaud he mebpesinsus is langun he menge etew te seled te menge g̵inhedian he sakup din.

Nengeulaula 11:28

Is sevaha zutun he migngezanan ki Egebu, ne mid-ulinan te Megbevayà, ne midhitindeg sikandin ne midtagnè din is utew zekelà he vitil he ebpekeeneb te tivuuk he kelibutan. (Ne nehitavù heini hein iyan pa hadì diyà te Ruma si Claudio.)

Nengeulaula 28:22

Egkesuatan dey te ebpemineg is menge penurù nu wey zey mesusi su netuenan dey he is menge tumutuu kayi te tuluuwen he ibpenurù nu, egkuntedahan te menge etew ziyà te minsan hendei.”

Ruma 10:18

Ne siguradu zuen egkag̵i he umba ves wazà meketuu is menge Hudiyu su wazè dan mezineg heini is kebpesavut, iyan, kenà egkehimu he wazè dan mezineg, su zuen insurat he Lalag te Megbevayà he edhenduen te, “Heini is lalag, ne nekeeneb is kebpenudtula kayi te tivuuk he menusiyà ne wazà taman te kedsengyawa kayi,” ke sikandin.

Ruma 16:19

Nevantug en is tudtul te kedtumana niw te menge sug̵ù te Megbevayà, ne utew ku heini igkelipey. Egkesuatan ku he zekelà is ketau niw te ked-ulaula te meupiya ne egkesuatan ku zaan he kenè kew metau te ked-ulaula te mezaat.

Ruma 6:17

Dengan iring te nengeuripen kew te mezaat he kebayà, iyan, guntaan utew zekelà is kebpeselemati ku te Megbevayà su mibpurungan niw te edtuman is tutuu he tuluuwen he impenurù keniyu.

1 Kurintu 1:4

Layun dekelà is kebpeselemati ku te Megbevayà tenged te g̵ag̵ew zin keniyu pinaag̵i te kebpekidsevaha niw ki Jesu Kristu.

2 Kurintu 2:14

Ne minsan pa zutun utew zekelà is kebpeselemati ku te Megbevayà su tenged te kebpekidsevaha tew ki Kristu, iring kiw te menge vihag ni Kristu he ibpeehè din diyà te minsan hentei. Ne pinaag̵i kenitew ibpesavut din diyà te menge etew ke hentei sikandin diyà te minsan hendei.

Ipisu 1:15

Ne tenged kayi, menge suled, geina te netudtulan a he mezesen is kedtuu niw te Nengazen tew he si Jesus wey zekelà is gag̵ew niw te minsan hentei he tumutuu kandin,

Ipisu 1:16

kenà egkeamin is kebpeselemati ku te Megbevayà tenged keniyu. Layun ku sikiyu id-ampù.

Ipisu 3:21

Berakat he zelig̵a sikandin pinaag̵i kenitew te langun he menge tumutuu zin wey pinaag̵i ki Jesu Kristu g̵untaan he timpu wey te wazè din pidtemanan.

Ipisu 5:20

Peselemati niw layun te Amey tew he Megbevayà is langun he tuvad din keniyu tenged te kedsundan niw te Nengazen tew he si Jesu Kristu.

Pilipus 1:11

Ne zutun egkeveelan niw is minsan hengkey he metazeng he ulaula tenged te g̵ehem he ibeg̵ey ni Jesu Kristu su wey mezalig wey mevantug is Megbevayà.

Pilipus 1:3

Dekelà utew is kebpeselemati ku te Megbevayà tew tenged keniyu emun egkeisip ku sikiyu.

Kulusas 1:3

Sikami, emun id-ampù dey sikiyu, layun key ebpeselemat diyà te Megbevayà he Amey te Nengazen tew he si Jesus tenged keniyu,

1 Tiselunika 1:2

Dekelà layun is kebpeselemati zey te Megbevayà tenged keniyu ne layun dey sikiyu id-ampù.

1 Tiselunika 2:13

Ne elin daan layun dey ibpeselemati te Megbevayà is: hein impesavut dey keniyu is Lalag te Megbevayà, midawat niw su nesavut niw he Lalag te Megbevayà ne kenà lalag te etew zà duen. Su pinaag̵i te lalag din egkelig-enan is kedtuu tew te nemeketuu kandin.

2 Tiselunika 1:3

Menge suled, kinahanglan he layun dekelà is kebpeselemati zey te Megbevayà tenged keniyu. Ne hustu heini su layun dekelà is ked-uswag te kedtuu niw wey layun daan ed-iseg is kebmahala niw te uman sevaha he menge zuma niw ziyà te g̵ehinawa niw.

2 Timoteo 1:3

Iring te nengeulaula te menge kepuun ku hustu is tuyù ku te ked-ezapa ku te Megbevayà, ne utew zekelà is kebpeselemati ku kandin dutun te layun ku kenikew ked-empua ziyà te kandin te maandew wey mezukilem.

Pilimun 1:4

Sikew, suled, layun dekelà is kebpeselemati ku te Megbevayà tenged kenikew te kada ku ked-ampù;

Hibriyuhanen 13:15

Ne tenged dutun kinahanglan he pinaag̵i ki Jesus he memumuhat tew, iyan tew layun ibpemuhat diyà te Megbevayà is kedelig̵a tew kandin. Layun tew ibpaahà diyà te Megbevayà is kebpeselamati tew kandin.

1 Pedro 2:5

Ne sikitew zaan is mibeg̵ayan te untung he wazà pidtemanan, ebpevayàbayè kiw kandin wey kiw zaan mehimu he iring te menge vatu he pengawid te valey he zutun ed-ezapa is Megbevayà. Ne zutun te valey zin edhimuwen kiw zin en he menge memumuhat he mibpilì din. Ne zutun, pinaag̵i te kedtavang ni Jesu Kristu, ebpekepemuhat kiw ne iyan pemuhat he egkesuatan din is: ed-ezapen tew sikandin pinaag̵i te Wag̵as he Mulin-ulin.

1 Pedro 4:11

Sikita is edwali, kinahanglan he is kedwali ta, ne utew hustu he iring te iyan en edwali is Megbevayà. Sikita is edtavang, ne kinahanglan he kenè ta edlipatan he is idtavang ta, ne ziyà ebpuun te Megbevayà su wey pinaag̵i te g̵ehem ni Jesu Kristu iyan mevantug is Megbevayà te minsan keenu su iyan dait he edelig̵en wey zait he ebayàbayà te wazà pidtemanan.