Ruma 1:7 - Manobo Western Bukidnon

⁷ Ne tenged kayi, ebpesuratan ku sikiyu is langun diyan te inged he Ruma he mahal ziyà te g̵ehinawa te Megbevayà he midhimu zin he menge sakup din. Is Amey tew he Megbevayà wey is Nengazen tew he si Jesu Kristu, berakat he ikeg̵ag̵ew kew zan wey iveg̵ey keniyu is melinawen he kebpekesavuk.

Ruma 1:7 Кръстосани препратки

Mateo 5:16

Ne iring din ded daan is menge ulaula niw he meupiya; kinahanglan he kenè niw ieles. Ipeehè niw te menge etew is menge ulaula niw he meupiya ne tenged kayi ebpekezalig dan te Amey tew he Megbevayà he ziyà te langit.

Juan 20:17

Ne migkag̵i kandin si Jesus te, “Kenè ka kepkep dini su wazè e pa vetuna pehendiyà te Amey ku. Beyai nu is menge suled ku ne keg̵iya nu te, ‘Edhendiyà a te Amey ku, diyà te Megbevayè ku. Iyan daan sikandin Amey niw wey Megbevayè niw.’ ”

Nengeulaula 15:23

Ne impeuwit dan kandan is surat he edhenduen te, “Sikami is menge suled niw he epustul wey ebmeg̵urangen te menge tumutuu he menge Hudiyu kayi, ebpengemusta key keniyu te langun he kenà menge Hudiyu he menge suled dey te kedtuu ziyan te inged he Entiyukya wey ziyan te menge prubinsya he Sirya wey Silisya.

Nengeulaula 9:13

Ne midtavak si Eneniyas te, “Nengazen, netuenan ku pinaag̵i te mezakel he etew is utew memezaat he mid-ulaula zin diyà te menge sumusundan nu ziyà te Hiruselim.

Ruma 1:6

Ne sikiyu is diyan te inged he Ruma, inragkes kew zaan kayi te menge etew su midhimu te Megbevayà is paag̵i wey kew meketuu ne wey kew mehimu he menge sakup ni Jesu Kristu.

Ruma 5:1

Guntaan, tenged te midtuu ki en ki Jesus, mid-isip ki en te Megbevayà he metazeng he iring te wazè ki keenu mekesalà, ne tenged kayi pinaag̵i te mid-ulaula te Nengazen tew he si Jesu Kristu melinew en is kedepitè tew te Megbevayà.

Ruma 5:5

Ne umba kenà egkehimu he kenè tew egkekuwa keuzemà is impenaad kenitew te Megbevayà su pinaag̵i te Wag̵as he Mulin-ulin he imbeg̵ey zin kenitew, egketuusan ta he ingkeg̵ag̵ew ki te Megbevayà.

Ruma 8:28

Sikitew is langun he mahal is Megbevayà diyà te g̵ehinawa zin, sikitew is midhimu zin he meketuu sumalà is tuyù diyà te isip din, netuenan tew he pinaag̵i te minsan hengkey he egkehitavù kenitew, edtuvazan kiw zin gihapun te meupiya.

Ruma 9:25

Su ziyà te libru he insurat ni Oseas duen Lalag te Megbevayà he edhenduen te, “Is menge etew he kenè ku menge sakup, edhimuwen ku he menge sakup ku. Ne sikandan is kenà mahal zengan dini te g̵ehinawa ku, ebmahalen ku en guntaan.”

1 Kurintu 1:24

Iyan, is minsan hentei, Hudiyu se Gerisyahanen, emun ebpemineg dan te Megbevayà dutun te kebpetuuwa zin kandan, netuenan dan he pinaag̵i te kedrensanga ki Kristu impezayag te Megbevayà is gehem din wey ketau zin.

1 Kurintu 16:23

Tuvazi kew is langun te Nengazen tew he si Jesus.

2 Kurintu 13:14

Berakat he ikeg̵ag̵ew kew te Nengazen tew he si Jesu Kristu wey verakat he ipeehè keniyu te Megbevayà he mahal kew ziyà te g̵ehinawa zin wey verakat daan he meheg̵et is upakat niw te Wag̵as he Mulin-ulin. Iyan a si Pablo.

Gelasya 6:18

Menge suled, berakat he ikeg̵ag̵ew kew is langun te Nengazen tew he si Jesu Kristu. Iyan a si Pablo.

Ipisu 1:2

Is Amey tew he Megbevayà wey is Nengazen tew he si Jesu Kristu, berakat he ikeg̵ag̵ew kew zan wey tuvazi kew zan te melinawen he kebpekesavuk.

Ipisu 6:23

Is Amey tew he Megbevayà wey is Nengazen tew he si Jesus, berakat he sikiyu is menge suled dey, tuvazi kew zan te melinawen he kebpekesavuk, wey ipeehè dan keniyu is kebmahala zan keniyu ziyà te g̵ehinawa zan wey heg̵eta zan is kedtuu niw kandan.

Pilipus 1:2

Berakat he ikeg̵ag̵ew kew te Amey tew he Megbevayà wey te Nengazen tew he si Jesu Kristu, ne veg̵ayi kew zan te melinawen he kebpekesavuk.

Pilipus 4:13

Egkehimu ku is minsan hengkey he ibpeulaula kedì tenged te tavang ni Kristu he iyan edlig-en kedì.

Pilipus 4:20

Berakat he zelig̵a is Amey tew he Megbevayà te wazà pidtemanan.

Pilipus 4:23

Berakat he ikeg̵ag̵ew kew is langun te Nengazen tew he si Jesu Kristu. Iyan a si Pablo.

Kulusas 1:2

Ebpesuratan ku sikiyu is menge g̵aked te Megbevayà diyan te inged he Kulusas he menge metinumanen te lalag ni Kristu. Berakat he ikeg̵ag̵ew kew te Amey tew he Megbevayà wey veg̵ayi kew zin te melinawen he kebpekesavuk.

Kulusas 3:12

Ne, menge suled, geina te mibpilì kiw te Megbevayà, ne midhimu kiw zin he menge g̵aked din, wey g̵eina te mahal kiw ziyà te g̵ehinawa zin, kinahanglan he zekelà is hizu ta wey g̵ag̵ew ta ziyà te minsan hentei. Ebpurungan ta is menge zuma ta ne kenè ki ebpelavew. Kinahanglan he mepelevayen ki layun.

Kulusas 3:15

Ne kinahanglan daan, he iyan niw ipelavi ziyà te g̵ehinawa niw is kelinew he ibeg̵ey ni Kristu su umba midhimu kiw he tumutuu te Megbevayà su wey kiw mebmelinawen su nesevaha kiw is menge tumutuu. Ne layun niw peselemati te Megbevayà is gag̵ew zin keniyu.

1 Tiselunika 1:1

Sikami si Pablo, si Silas, wey si Timoteo, ebpesuratan dey sikiyu is menge tumutuu he menge tigTiselunika he g̵aked te Amey tew he Megbevayà wey g̵aked te Nengazen tew he si Jesu Kristu. Berakat he ikeg̵ag̵ew kew te Megbevayà ne veg̵ayi kew zin te melinawen he kebpekesavuk.

1 Tiselunika 1:3

Su emun ed-ampù key te Megbevayà he Amey tew kenè dey egkelipatan is kedtuu niw, wey is kebmahala niw, wey is kebperateng niw te Nengazen tew he si Jesu Kristu. Su egketuusan is kedtuu niw kandin pinaag̵i te ulaula niw, ne pinaag̵i te kedhag̵ù niw egketuusan daan is kebmahala niw kandin diyà te g̵ehinawa niw. Ne egketuusan daan is kebperateng niw kandin pinaag̵i te kebmeinentusen niw.

1 Tiselunika 1:4

Ne menge suled he minahal te Megbevayà, netuenan dey he pinilì kew zin

1 Tiselunika 4:7

Su nehimu kiw te Megbevayà he menge tumutuu kandin su wey mehimu is menge ulaula tew he zait te etew he g̵aked din. Kenà iyan din egkesuatan he meremerik is menge ulaula tew.

1 Tiselunika 5:28

Ikeg̵eg̵awi kew te Nengazen tew he si Jesu Kristu.

2 Tiselunika 1:2

Berakat he ikeg̵ag̵ew kew te Amey tew he Megbevayà wey te Nengazen tew he si Jesu Kristu, ne veg̵ayi kew zan te melinawen he kebpekesavuk.

2 Tiselunika 3:16

Berakat he iveg̵ey keniyu te Nengazen is melinawen he g̵ehinawa te minsan keenu he timpu wey te minsan hengkey is kebpekesavuk niw. Iyan sikandin ebeg̵ey te kelinew. Dumahi kew is langun te Nengazen.

2 Tiselunika 3:18

Sikiyu is langun, ikeg̵ag̵ew kew te Nengazen tew he si Jesu Kristu.

1 Timoteo 6:2

Ke tumutuu ki Kristu is egalen, kinahanglan he kenà maawà is kedtahud kandin te sulug̵uen din he tumutuu tenged te telesuled dan pinaag̵i ki Kristu. Kinahanglan he tuwas pa he meupiya is baal te sulug̵uen din tenged te tumutuu wey minahal te Megbevayà sikan is egketevangan dan pinaag̵i te vaal zan. Iyan heini ipenurù nu wey ipesavut nu ziyà te menge tumutuu.

2 Timoteo 4:22

Berakat he zumahi kew te Nengazen. Ikeg̵ag̵ew kew zin is langun. Iyan a si Pablo.

Pilimun 1:25

Berakat he ikeg̵ag̵ew kew is langun te Nengazen tew he si Jesu Kristu.

Pilimun 1:3

Berakat he ikeg̵ag̵ew kew te Amey tew he Megbevayà wey te Nengazen tew he si Jesu Kristu wey veg̵ayi kew zan te melinawen he kebpekesavuk.

Santiago 1:1

Iyan a si Santiago is teg̵isurat kayi. Sulug̵uen a te Megbevayà wey te Nengazen tew he si Jesu Kristu. Kemusta kew is langun he menge g̵aked te Megbevayà he nekedsusuwey zini te tungkup te kelibutan.

1 Pedro 1:15

Ne g̵untaan kinahanglan he wazà igkesewayi te menge ulaula tew iring te wazà igkesewayi te menge ulaula te Megbevayà he iyan nengelintau wey kiw meketuu.

1 Juan 3:1

Utew kiw mahal ziyà te g̵ehinawa te Amey tew he Megbevayà su ahaa niw man migngezanan kiw zin en he menge anak din ne menge anak kiw zin en iyan. Is menge etew zini te kelibutan he kuntada te Megbevayà, kenè kiw zan egkekilala he menge anak kiw te Megbevayà su kenè dan daan egkekilala ke hentei sikandin.

2 Juan 1:3

Is Amey tew he Megbevayà wey si Jesu Kristu he Anak din, berakat he meg̵eg̵awi zan kenitew, ikehizu kiw zan, ne veg̵ayi kiw zan te melinawen he kebpekesavuk. Egkehimu heini su midhamen kiw te tutuu he tuluuwen wey ebmahalen tew is menge zuma tew.

Impezayag 2:1

Ne impelaus din is lalag din te, “Pesurati nu is belinsug̵uen te Megbevayà he ebantey te menge tumutuu he ziyà te inged he Ipisu, ne isurat nu is menge lalag ku ziyà, ke sikew te, ‘Siak si Jesus is egawed te pitu he vituen diyà te kewanan ku he velad ne iyan a zaan edhipanew kayi te teliwazà te pitu he sulù.

Impezayag 2:12

Ne ke sikandin maan te, “Pesurati nu is belinsug̵uen he impevantey te Megbevayà diyà te menge tumutuu he ziyà te inged he Pirgemu, ke sikew te, ‘Siak si Jesus is egkag̵i; iyan a sikan is duen din sundang he zezuwa is gerangan din he meg̵arang utew.

Impezayag 2:18

Ne ke sikandin maan te, “Pesurati nu is belinsug̵uen he impevantey te Megbevayà diyà te menge tumutuu he ziyà te inged he Tiyetira. Ke sikew te, ‘Siak is egkag̵i, ne Anak a te Megbevayà; is menge mata ku, ne henduen be te egkeregreg, ne is menge paa ku, ne henduen be te g̵alang he midlimbasan.

Impezayag 2:29

Is minsan hentei keniyu, mebpemineg kayi te egkeg̵iyen te Wag̵as he Mulin-ulin diyan te keniyu te menge tumutuu.’ ”

Impezayag 2:8

Ne ke sikandin maan te, “Pesurati nu is belinsug̵uen te Megbevayà he ebantey te menge tumutuu ziyà te inged he Ismirna, ke sikew te, ‘Iyan heini menge lalag ku te puunà te langun ne egkepengkusan daan te langun. Minatey a ne nevanhew.

Impezayag 22:21

Sikiyu is langun he menge g̵aked te Megbevayà, ikeg̵ag̵ew kew te Nengazen tew he si Jesus.

Impezayag 3:14

Ne ke sikandin maan te, “Pesurati nu is belinsug̵uen te Megbevayà he ebantey te menge tumutuu ziyà te inged he Leudisiya, ne ke sikew te, ‘Siak si Jesus is egkag̵i; migeraran a te Metinumanen wey Egkeserig̵an su venar is egkeg̵iyen ku. Pinaag̵i kedì midlimbag te Megbevayà is minsan hengkey.

Impezayag 3:22

Is minsan hentei keniyu, mebpemineg te egkeg̵iyen te Wag̵as he Mulin-ulin diyan te menge tumutuu,’ ” ke sikandin.

Impezayag 3:7

Ne ke sikandin en maan te, “Pesurati nu is belinsug̵uen te Megbevayà he ebantey te menge tumutuu ziyan te inged he Piledilpya. Ne ke sikew te, ‘Siak si Jesus is egkag̵i; iyan a sikan is egkeserig̵an he mibpilì te Megbevayà. Imbeg̵ey kedì is keg̵ehem te kedhadì te g̵inhedian ku iring te kedhadì dengan ni Hadì David. Ne emun duen ebpuwasan ku wey mekeseled dutun te g̵inhedian ku, kenè en egkelekevan te minsan hentei. Ne emun duen etew he edlekevan ku, kenè en daan egkepuwasan te minsan hentei.