Ruma 1:19 - Manobo Western Bukidnon

¹⁹ Kinahanglan he edsilutan sikandan su melemu zan pezem ebpekesavut te hustu mehitenged te Megbevayà su midhimu heini te Megbevayà he utew keladu.

Ruma 1:19 Кръстосани препратки

Juan 1:9

Ne zutun he timpu nekeuma zini te kelibutan si Kristu, sikan is tutuu he kerayag. Iyan sikandin sikan is ebpeketayew te isip te tivuuk he menusiyà.

Ruma 1:20

Su is Megbevayà, minsan te kenà sikandin egkeahà, puun pa te kedlimbag̵a zin te kelibutan, egketuusan sikandin gihapun pinaag̵i te langun he midlimbag din, pinaag̵i te utew zekelà he g̵ehem din he wazè din pidtemanan, wey pinaag̵i te nekag̵i he kegkemegbevayè din. Ne tenged dutun kenà ebpekevarew is minsan hentei he kenè dan egketuenan he zuen Megbevayà.

Ruma 2:14

Is menge etew he kenà menge Hudiyu, wazà sikandan mesayud te kesug̵uan he imbilinbilin ni Moises, iyan, duen timpu he egketuman dan is insug̵ù dutun te kesug̵uan su minsan pa te kenè dan egketuenan is kesug̵uan, duen diyà te g̵ehinawa zan ebpekepenurù kandan ke hengkey is meupiya he ed-ul-ulahan. Ne tenged dutun ebpekekag̵i ki he zuen kesug̵uan diyà te g̵ehinawa zan.