Ruma 1:18 - Manobo Western Bukidnon

¹⁸ Is Megbevayà diyà te langit, impeehè din en he utew zin igkepauk is langun he menge mezaat he ulaula te menge etew wey is kenè dan kedtahud kandin. Su pinaag̵i te kelelalung dan egkesanggen is kebpesevuta te tutuu he tuluuwen.

Ruma 1:18 Кръстосани препратки

Ruma 1:19

Kinahanglan he edsilutan sikandan su melemu zan pezem ebpekesavut te hustu mehitenged te Megbevayà su midhimu heini te Megbevayà he utew keladu.

Ruma 1:28

Ne g̵eina te egkeg̵iyen dan he wazè en pulus te kedtuuwi te Megbevayà, mid-iniyug̵an sikandan te Megbevayà ne tenged kayi iyan ebayàbayà kandan is kelelalung he netag̵ù diyà te isip dan ne ed-ul-ulahan dan is kenà hustu.

Ruma 1:32

Netuenan dan pezem he ke ed-ul-ulahan dan is menge iring kayi, edsilutan sikandan te kemetayen he wazè din pidtemanan, iyan ebpeniguduwan dan gihapun, ne kenà duen dà taman, su utew zan egkesuat emun egkeehè dan is ulaula te zuma he iring ded te kandan.

Ruma 2:3

Ne emun edsilutan te Megbevayà is ed-ulaula te mezaat, sikew is ed-ulaula zaan te mezaat, ne edsudì ka te menge zuma nu, iyan ke pe be kenà siluti zin daan.

Ruma 3:9

Ne sikami is menge Hudiyu, kunaan niw vuwa ke utew key zeyzey, kenà is menge etew he kenà menge Hudiyu, iyan, kenà heini venar. Daan ku en impesavut keniyu he is tivuuk he menusiyà, Hudiyu se kenà Hudiyu, ne pudu ebpemekeulaula te mezaat.

Ruma 4:15

Ne kenè kiw egkezeyzey pinaag̵i te kesug̵uan, su is kesug̵uan, ne iyan mulà igkepeuki kenitew te Megbevayà su kenè tew egketuman. Angin ke wazà kesug̵uan su kenà egkehimu he zuen egkesupak ta.

Ruma 5:6

Isipa nu is gag̵ew kenita te Megbevayà. Su zutun te timpu he intelaan te Megbevayà, hein wazà minsan hengkey he egkeulaula ta he ebpekehimu he melibri ki te silut, mibpehimatey si Kristu he elili kenita te mesinupaken.

Ruma 5:9

Ne emun pinaag̵i te kedtig̵is te lengesa ni Kristu mid-isip kiw en te Megbevayà he metazeng, wey kiw pe be kenà melibri tenged ki Kristu te silut keuzemà te Megbevayà.

Ruma 6:13

Kenè ta egemiten is minsan hengkey he vahin te lawa ta te ked-ulaula te mezaat, kekenà, idtug̵ut ta he iyan ebayàbayà kenita is Megbevayà su zait heini kenita te nelibri en te kemetayen ne mibeg̵ayan te veg̵u en he untung. Ne idtug̵ut ta he iyan egamit te lawa ta is Megbevayà wey ta meulaula is metazeng.

Ipisu 5:6

Su tenged kayi he menge ulaula, utew egkepeuki te Megbevayà keuzemà is menge etew he kenà ebpemineg te menge sug̵ù din. Ne tenged dutun, kenè niw itug̵ut he meketuu kew te tarù he penurù te minsan hentei he etew pinaag̵i te menge ketezengan dan he kenà tutuu.

Kulusas 3:6

Ne siguradu edsilutan te Megbevayà is menge etew he kenà ebpemineg su layun dan ed-ulaula te menge iring kayi.

2 Tiselunika 2:10

Edterteruan din te minsan hengkey he kelelalung he paag̵i sikan is menge etew he kenà ebpekelikey te silut. Umba kenè dan ebpekelikey te silut su wazè dan medawat te tutuu he tuluuwen he iyan ebpekeveg̵ey kandan te untung he wazà pidtemanan.

2 Tiselunika 2:6

Netuenan niw ke hengkey is ed-eg̵en dutun te utew mesinupaken he etew su wey kenè pa sikandin mekepeg̵awag̵awa te kenè pa hustu he timpu.