Ruma 1:17 - Manobo Western Bukidnon

¹⁷ Su pinaag̵i te Meupiya he Tudtulanen ibpetuenan kenitew te Megbevayà is paag̵i wey kiw zin meisip he metazeng. Ne heini is paag̵i, ne pinaag̵i te kedtuu zà. Su zuen insurat he Lalag te Megbevayà he edhenduen te, “Is etew he nehimu he metazeng pinaag̵i te kedtuu zin, ne iyan ebeg̵ayan te untung he wazè din pidtemanan.”

Ruma 1:17 Кръстосани препратки

Juan 3:36

Is minsan hentei he edtuu te Anak te Megbevayà, ebeg̵ayan sikandin te untung he wazà pidtemanan; is minsan hentei he kenà ebpemineg te menge sug̵ù te Anak te Megbevayà, kenà egkeveg̵ayan te untung he wazà pidtemanan, kekenà, wazà pidtemanan te kegkepeuki kandin te Megbevayà.

Ruma 10:3

Su wazè dan dewata is paag̵i te Megbevayà te kebpeketerenga zin kandan. Ne iyan dan migamit is keugelingen dan he paag̵i he iyan is kedtumana te kesug̵uan ne wazè dan medsunud te paag̵i te Megbevayà te kebpeketerenga zin kandan.

Ruma 3:21

Ne g̵untaan, impezayag kenitew te Megbevayà is paag̵i wey kiw zin meisip he metazeng. Ne kenà heini pinaag̵i te kedtumana te kesug̵uan, asal migkag̵i heini is paag̵i zutun te insurat dengan he Lalag te Megbevayà.

Ruma 3:22

Ed-isipen kiw te Megbevayà he metazeng emun edtuuwan tew si Jesu Kristu. Is minsan hentei he etew, ne ed-isipen te Megbevayà he metazeng emun edtuuwan din si Jesu Kristu su wazà ibpelavi te Megbevayà te minsan hentei he etew.

Ruma 3:3

Ne minsan pa te zuen menge zuma zey te menge Hudiyu he wazà mebpemineg te Lalag te Megbevayà, kenà egkehimu he kenà edtumanen te Megbevayà is impenaad din dengan.

Ruma 9:30

Ne iyan ibpesavut ku kayi is: is menge etew he kenà menge Hudiyu, minsan pa te wazà metag̵ù diyà te isip dan he egkehimu he meisip sikandan he metazeng te Megbevayà, duen menge zuma kandan he pinaag̵i te kedtuu zan mid-isip sikandan gihapun he metazeng.

2 Kurintu 3:9

Emun dekelà is gehem te kesug̵uan he iyan idsiluti te menusiyà, iyan pe be kenà dekelà pa utew is gehem te paag̵i he iyan ebpekehimu he mebmetazeng is menusiyà.

2 Kurintu 5:21

Wazà minsan hengkey he mezaat he ulaula ni Kristu, iyan, midhimu te Megbevayà he iyan sikandin midsilutan tenged te salè tew su wey pinaag̵i te kebpekidsevaha tew kandin, egkehimu he ed-isipen kiw he metazeng te Megbevayà.

Gelasya 3:11

Ne emun iyan haazà, ne egkesavut ta he wazà minsan hentei he metazeng is ked-isipa kandin te Megbevayà pinaag̵i te kedtumana te kesug̵uan su zuen insurat he Lalag te Megbevayà he edhenduen te, “Is minsan hentei he metazeng is ked-isipa kandin te Megbevayà pinaag̵i te kedtuu zin te Lalag te Megbevayà, iyan sikandin ebeg̵ayan te untung he wazè din pidtemanan,” ke sikandin.

Pilipus 3:9

su wey a zaan meisip te Megbevayà he metazeng tenged ki Kristu. Wazà a meisip he metazeng pinaag̵i te kediey zà he ulaula te kedtumana te kesug̵uan, su mibpeketazeng a te Megbevayà pinaag̵i te kedtuu ku ki Kristu. Heini is kebmetazeng, ne idtuvad kenita te Megbevayà emun edtuu ki ki Kristu.

Hibriyuhanen 10:38

Ne haazà is menge sakup ku he nengehimu en he metazeng tenged te kedtuu zan kedì, ebeg̵ayan ku sikandan te untung he wazè din pidtemanan. Iyan, ke zuen minsan hentei kandan he edsuwey tenged te kegkehandek, utew ku igkeepes,” ke sikandin.