Ruma 1:15 - Manobo Western Bukidnon

¹⁵ Tenged kayi, utew ku zaan egkesuati he ibpenudtul ku is Meupiya he Tudtulanen diyan te keniyu he ziyan te inged he Ruma.

Ruma 1:15 Кръстосани препратки

Mateo 9:38

Iampù niw ziyà te Nengazen he sug̵ua zin pa zini te kamet din is duma pa he ebpekelegtey.”

Marcos 14:8

Sumalà is egkehimu kayi te vahi ne midhimu zin en dini te kedì. Mid-egwahan e zin he zaan wey meteg̵ana is lawa ku te kedlevenga kedì.

Juan 4:34

“Iring te egkekaan ku,” ke si Jesus, “is kedtumana ku te egkesuatan te Megbevayà he midsug̵ù kediey wey is kedhimesaza ku te impeveelan din kediey su iyan ibmezesen ku.

Nengeulaula 21:13

Iyan, midtavak si Pablo te, “Maan is edhimuwen niw he utew a meseeng pinaag̵i te kedsineg̵ew niw? Su emun intug̵ut en te Nengazen tew he si Jesus he iyan heeyan egkehitavù kedì, andam ad, kenà te kebpepirisu zà, kekenà, minsan te kebpehimatey ziyà te Hiruselim.”

Ruma 10:15

Ne wey zà egkehimu is ebpenudtul ke edsug̵uen sikandin te Megbevayà. Ne zuen iyan midsug̵ù te Megbevayà su iring te migkag̵i ziyà te insurat he Lalag te Megbevayà he “Utew igkeg̵alew is kebpekeuma te menge etew he edsangyew te Meupiya he Tudtulanen.”

Ruma 12:18

Himuwa niw is taman te egkehimu niw su wey melinawen is kebpekesavuk niw, ne wazà igkepeuki keniyu te minsan hentei.

Ruma 15:20

Ne egkesuatan ku layun he mepenudtul ku is Meupiya he Tudtulanen diyà te menge inged he wazè pa zutun mezineg is ngazan ni Kristu. Umba ed-ul-ulahan ku heini su wey ku kenà mesublì te ebpenudtul te Meupiya he Tudtulanen is menge etew he netudtulan en te zuma.

1 Kurintu 9:17

Emun kediey zà he isip is kedsengyawa ku, ne egkehimu he edsuhulan a, iyan, geina te intelaan kedì te Megbevayà tenged te sulug̵uen e zin dà ne kinahanglan he edtumanen ku tenged dà te insarig din heini kediey.

2 Kurintu 8:12

Su emun dekelà is gustu niw te kebeg̵aya te tavang sumalà is egkehimu niw, iyan heini igkesuat te Megbevayà su kenè din ebuyuen kenita is kenè ta igkeveg̵ey, kekenà, iyan ebuyuen din haazà is egkehimu ta he ibeg̵ey kandin.