Ruma 1:11 - Manobo Western Bukidnon

¹¹ Su utew ku igkesuat is kedhendiyan ku te keniyu, ne egkesuatan ku he ibpenurù ku keniyu is impenurù kediey te Wag̵as he Mulin-ulin su wey meheg̵et is kedtuu niw te Megbevayà.

Ruma 1:11 Кръстосани препратки

Nengeulaula 16:5

Ne tenged dutun neheg̵et is kedtuu te menge tumutuu ne mid-iseg te kada andew is kezakel te nemeketuu.

Nengeulaula 19:21

Ne zutun, neisip ni Pablo is edhipanew he ziyà ebayà te menge prubinsya he Mesidunya wey Gerisya pehendiyà te Hiruselim. Ke sikandin te, “Emun ebpekehendiyà a te Hiruselim, ebpekelaus e pa ziyà te inged he Ruma.”

Nengeulaula 19:6

Ne zutun mibpendepenetan ni Pablo te velad din is menge purù dan, ne mid-ulinan sikandan te Wag̵as he Mulin-ulin ne netekewtekew zan mekekag̵i te menge kineg̵iyan he kenè dan egkesavut. Ne midtudtul zan is impesavut kandan te Megbevayà.

Ruma 1:12

Ne iyan ibpesavut ku is ebpein-iniyatè kiw te kedtuu.

Ruma 15:23

Ne g̵untaan te netapus ku en is baal ku kayi te menge inged, wey g̵eina te neug̵et en utew is ked-isipa ku he edhendiyan a,

Ruma 15:29

Ne netuenan ku he ke ebpekeuma a ziyan, utew zekelà is kedtuvazi kenitew ni Kristu pinaag̵i kayi te kebpehendiyan ku.

Ruma 15:32

Ne emun egketapus heini, wey ke egkesuatan te Megbevayà, ebpekehendiyan a te keniyu he utew zekelà is kelipey ku ne egkehimu he ebmelinawen is ked-isip-isip ku pinaag̵i te kebpenumbaley ku ziyan te keniyu.

Ruma 16:25

Edelig̵en tew is Megbevayà! Pinaag̵i te Meupiya he Tudtulanen he ibpenudtul ku he iyan is mehitenged ki Jesu Kristu, wey pinaag̵i te tuluuwen he neug̵et he timpu is ked-elesa zuen te Megbevayà, egkehimu he edheg̵eten din is kedtuu niw.

2 Kurintu 1:15

Ne g̵eina te netuenan ku he siguradu nesavut niw en heini, neisip ku he edhuna a ebpenumbaley ziyan te keniyu su wey kezezuwa ku sikiyu metevangi

2 Kurintu 1:21

Su is Megbevayà, ne iyan edheg̵et te kedtuu tew ki Jesu Kristu ne iyan sikandin mibpilì kenitew

2 Kurintu 11:4

Umba egkeipeng a su ke zuen ebpekeuma ziyan he selakew is ibpesavut dan mehitenged ki Jesus, ne selakew is mulin-ulin he ibpenurù dan, ne kenè dan iyan ibpesavut is tutuu he tuluuwen he impesavut dey, kekenà, selakew is ibpenurù dan, ne ed-entusen niw mulà is kandan he kebpenurù ne kenà duen dà taman su utew niw egkesuati te ebpemineg.

2 Kurintu 9:14

Ne zutun id-ampù kew zan, ne egkehimu he utew kew mahal ziyà te g̵ehinawa zan tenged te zekelà he g̵agew niw kandan he imbeg̵ey keniyu te Megbevayà.

Pilipus 1:8

Ebpeketistig̵us is Megbevayà he utew zekelà is kebulunga ku keniyu su is kezekelà te g̵ehinawa ku keniyu, ne iring te kezekelà te g̵ehinawa ni Jesu Kristu keniyu.

Pilipus 2:26

Umba ibpehendiyan ku su utew sikandin ebulunga keniyu ne utew inmezaat te g̵ehinawa zin is nezineg niw he tudtul he nezeruwan sikandin.

Pilipus 4:1

Umba menge minahal ku he menge suled, heg̵eta niw is kedtumana niw te menge sug̵ù te Nengazen. Utew a mibulung keniyu. Igkelipey ku sikiyu wey ibmeupiya kew te g̵ehinawa ku.

1 Tiselunika 3:13

Berekati zin daan he mebmelig-en kew te kedtuu niw su wey wazà igkesewayi keniyu te menge g̵aked te Megbevayà emun diyè kew ed-etuvang te Amey tew he Megbevayà dutun te kebpekeuma te Nengazen tew he si Jesus he edumahan te langun he tumutuu kandin.

1 Tiselunika 3:2

Ne zutun midsug̵ù dey ziyan si Timoteo he suled tew wey sulug̵uen daan te Megbevayà te kegkesengyawa te Meupiya he Tudtulanen mehitenged ki Kristu. Iyan insug̵ua zey kandin su wey zin meheg̵eti is kedtuu niw ne wey kew zin mesembag̵i

2 Tiselunika 3:3

Iyan, metinumanen mulà is Nengazen te lalag din, ne iyan sikandin ebantey wey edlig-en keniyu wey kew kenà mekeizi ni Setanas.

Hibriyuhanen 13:9

Umba, kenè niw tuuwi is menge selakew he tuluuwen he kenà iyan kes tutuu he impenurù keniyu. Iyan hustu he ibmelig-en te kedtuu tew is kedtevangi kenitew te Megbevayà, ne kenà iyan is kedlikayi te menge egkeenen he indawey te kesug̵uan su wazà heini ikezeyzey te menge etew he ebantey kayi.

1 Pedro 5:10

Mevavè dà is ked-antus niw ne edheg̵eten te Megbevayà is kedsarig niw kandin. Ebig̵eran kew zin, edlig-enan kew zin wey ebeg̵ayan kew zin te zesen. Iyan sikandin puunà te minsan hengkey he tavang kenitew. Midhimu kiw zin he tumutuu su wey pinaag̵i te kebpekidsevaha tew ki Kristu mekeambit kiw te wazà pidtemanan he utew kegkelavew zin.

1 Pedro 5:12

Mid-ug̵upan a ni Silvanu te edsurat kayi. Suled tew sikandin he utew egkeserig̵i. Iyan insurati ku keniyu kayi su wey ku meheg̵et is kedtuu niw. Ibpesavut ku keniyu he impenurù ku en keniyu he tutuu is gag̵ew te Megbevayà keniyu. Ne kenè niw heini lipati.

2 Pedro 1:12

Minsan pa te nesavut niw en heini is langun wey meheg̵et en is kedtuu niw te tutuu he tuluuwen, kinahanglan he layun ku heini ibpezineg keniyu.