Pilipus 4:5 - Manobo Western Bukidnon

⁵ Kinahanglan he peketulanged kew te minsan hentei su meg̵aan en edlikù is Nengazen.

Pilipus 4:5 Кръстосани препратки

Mateo 6:25

Ne tenged kayi, egkeg̵iyen ku keniyu te menge sumusundan ku he kenè kew meseeng te egkeenen wey ed-inumen he igkeuyag niw. Kenè kew zaan meseeng te ugelingen he idsun-ud te lawa niw. Su mibeg̵ayan kew te Megbevayà te g̵ehinawa niw wey lawa niw he mahal utew; ne wey pe be kenà mehimu he ebeg̵ayan kew zin daan te egkeenen wey ugelingen?

Mateo 6:34

Kenè kew meseeng ke hengkey is menge mereg̵en he egkeulaula niw te huziyan he andew su wey niw en heeyan isipa zutun te andew he egkehitavù en. Iyan dà isipa niw is guntaan en he egkehitavù keniyu.”

Lucas 21:34

Ne ke si Jesus te, “Uram kew wey kew kenà kayi zà egketaman te kegkebibu wey kebpemenginum wey te kedlag̵ud niw te menge kelibutanen he menge kinahanglan niw. Su emun kenè kew ed-uram ne egketik-awan kew egkesaut te andew te kedlimasa te Megbevayà te menusiyà. Ne egkeiring kew te egketelebpì he rumat.

1 Kurintu 16:22

Ke zuen minsan hentei he wazà diyà te g̵ehinawa zin si Jesus, ne verakat he siluti sikandin te Megbevayà. “Maran ata,” he ke và dà egkeg̵iya, meg̵aan ka, Jesus, medlikù.

1 Kurintu 6:7

Ne heini is kebpesumsumbungè niw, wazè niw ve metueni he tuus heini he utew zekelà is kurang te kedsunud niw te Nengazen? Deyzey ke kenè kew medsukul ke zuen ebpesipala keniyu. Deyzey ke ed-eg̵awan kew te menge azen niw, kenà te idsumbung niw is duma niw he tumutuu.

1 Kurintu 8:13

Ne emun egkehimu he egkepenulayan is duma ku he tumutuu pinaag̵i te kegkaan ku te usa, ne kenà ad maan te minsan keenu egkaan te usa.

1 Kurintu 9:25

Ne sikan is idlumbà, edhag̵ù sikandin su wey melumbad is lawa zin. Iyan id-ul-ulaha zin kayi su wey zin mezawat is suhul he melemu egkeawà is pulus din. Ne sikitew is tumutuu, edhag̵ù kiw zaan kayi te kedsundan tew te Nengazen su wey tew mezawat is suhul he kenà mulà egkeawà is pulus din te wazà pidtemanan.

2 Kurintu 10:1

Duen egkag̵i he siak, si Pablo, telawen a emun diyan a te keniyu, iyan, memeg̵arang kun is menge lalag ku keniyu emun edlelag̵an ku sikiyu pinaag̵i te surat. Iyan, guntaan, kenà meg̵arang is menge lalag ku, kekenà, edhangyù a keniyu pinaag̵i te menayù he menge lalag iring te menayù wey velig̵eg̵awen si Kristu.

2 Tiselunika 2:2

Edhengyuan dey sikiyu he kenè kew petuluy meliveg wey mahandek emun egkezineg niw is tudtul he neuma en is andew te kedlimasa te Megbevayà te menusiyà. Kenè kew meliveg kayi minsan ke lalag he ibpinted kun, wey ke tudtul zey kun be, wey minsan surat he zini kun ebpuun te kenami.

Tito 3:2

Keg̵iya nu kandan he kenè dan med-ituk te minsan hentei, kekenà, melinawen is kedepitè dan te langun, mebpekid-emig̵u zan te langun, wey kenè dan mepelevawen.

Hibriyuhanen 10:25

Kenè tew ed-engkezan is kedtig̵um tew te ked-azap te Megbevayà; kenè tew ed-iringan is duma he menge tumutuu he mid-engkezan dan en is kedsimba, kekenà, edtig̵um kiw su wey kiw mekepesemsembag̵à. Utew heini kinahanglan, lavew en emun egketuusan ta he meg̵aan en is kedlikù te Nengazen tew he si Jesus.

Hibriyuhanen 10:37

Su zuen insurat he Lalag te Megbevayà he edhenduen te, “Meg̵aan en is kebpekeuma te edteg̵azan niw ne kenà egkehimu he ebpekelimpas sikandin.

1 Pedro 1:11

Mid-istudyuwan dan ke keenu wey ke egkemenumenu is kegketuman kayi, su in-ulin heini kandan te Wag̵as he Mulin-ulin he ebpuun diyà te ki Kristu. Impesavut din kandan he zuen menge kemeresayan he egkeantus ni Kristu zini te kelibutan ne emun egketapus haazà edhimuwen sikandin he utew lavew.

1 Pedro 4:7

Kenè en utew egkeug̵et is ketepusan te kelibutan. Ne tenged dutun, kinahanglan he hustu is ked-isip-isip niw. Kinahanglan daan he purungi niw is menge ulaula niw su wey mehustu is ked-ampù niw ziyà te Megbevayà.

Impezayag 22:20

Si Jesus he iyan ebpirma kayi te langun, ke sikandin te, “Benar iyan he meg̵aan e en ebpekeuma!” Ne ke siak te, “Uya, Jesus he Nengazen dey, hendini ke en!”

Impezayag 22:7

Ne egkag̵i si Jesus te, “Meg̵aan e en ebpekeuma! Utew egkengelipey is langun he edtuman te menge lalag ku he impezayag keniyu kayi te libru.”