Pilipus 4:15 - Manobo Western Bukidnon

¹⁵ Sikiyu is menge tigPilipus, netuenan niw he zutun te kedhipanew ku puun diyan te prubinsya he Mesidunya hein aney ku en ipenudtul ziyan is Meupiya he Tudtulanen, iyan kew zà menge tumutuu he midtavang kedì. Wazà duma he gurupu te menge tumutuu he nehimu he menge timbang ku su iyan kew zà nekeveg̵ey kedì te selapì.

Pilipus 4:15 Кръстосани препратки

Nengeulaula 16:40

Ne mid-awà si Pablo wey si Silas dutun te pirisuwan ne midhendiyè dan te valey ni Lydia. Midlelag̵an dan is menge tumutuu ne midsembag̵an dan wey meheg̵et is kedtuu zan. Ne zutun midlaus dan te hipanew zan.

Ruma 15:26

Su is menge tumutuu zini te prubinsya he Mesidunya, wey te prubinsya he Gerisya, neisip dan he meupiya ke ebeg̵ey zan te tavang diyà te menge tumutuu he egkengeayuayu ziyà te inged he Hiruselim.

Pilipus 1:12

Menge suled, egkesuatan ku he mesavut niw he is langun he mereg̵en he nehitavù kediey, ne kenà mezaat, kekenà, meupiya, su neketavang kedì te kedsengyawa te Meupiya he Tudtulanen.

Pilipus 1:16

Ebpenudtul zan tenged te mahal a ziyà te g̵ehinawa zan su netuenan dan he mibpilì a te Megbevayà wey ku metavak is menge kuntada te Meupiya he Tudtulanen.

Pilipus 1:5

su egketenuzan ku is kedtevangi niw kediey te kedsengyawa ku te Meupiya he Tudtulanen puun pa te timpu zengan te kebpeketuu niw taman en guntaan.

Pilipus 1:7

Hustu iyan is ked-isipa ku keniyu te iring kayi su minsan ke pinirisu a wey ke kenà a pinirisu wey ke edsangyew a te Meupiya he Tudtulanen wey ke edtevaken ku is menge kuntada te Lalag te Megbevayà, mahal kew layun dini te g̵ehinawa ku su pudu kiw ingkeg̵ag̵ew te Megbevayà.

Pilipus 2:12

Ne umba, menge suled, iring te layun kew ebpememineg te menge sug̵ù ku, ne kenà dutun dà te kebpekiduma ku keniyu, kekenà, minsan te wazà a ziyan te keniyu, ne iring din ded daan guntaan kinahanglan is uman sevaha keniyu, ne himuwa zin is taman te egkehimu zin he edumahan te kegkehandek te Megbevayà su wey mepasad haazà is nepuunan en te Megbevayà te kedlibriya zin keniyu te silut.