Pilipus 3:3 - Manobo Western Bukidnon

³ Iyan kiw kes tutuu he menge sakup te Megbevayà, ne kenà iyan sikandan, su pinaag̵i te Wag̵as he Mulin-ulin ed-azap kiw te Megbevayà ne edlipey kiw tenged te upakat tew ki Jesu Kristu. Ne kenè tew iyan edserig̵an is kelibutanen he ulaula iring te kebpesirkunsidar.

Pilipus 3:3 Кръстосани препратки

Ruma 1:9

Tenged te Megbevayà, edhimuwen ku is taman te egkehimu ku wey ku ikesangyew is Meupiya he Tudtulanen mehitenged te Anak din. Ne iyan sikandin nesayud wey ebpeketistig̵us he layun ku sikiyu id-ampù diyà te kandin.

Ruma 15:17

Ne tenged te kedtevangi kediey ni Jesu Kristu kenà a egkeeled te kebpenudtul kayi te langun he nehimu ku te sulug̵uen te Megbevayà.

Ruma 7:6

Ne hein nemeketuu kiw ki Jesus, nelibri kiw te Megbevayà ne wazè en kinahanglan he iyan tew pa edserig̵an is kedtuman te kesug̵uan, su zutun te kebpatey ni Jesus minatey kiw zaan ne nevelukasan kiw te kegkeuripen kenitew te salà. Ne g̵untaan beg̵u en is paag̵i te ked-ul-ulaha tew te egkesuatan te Megbevayà su pinaag̵i heini te kedtavang te Wag̵as he Mulin-ulin, ne kenè en pinaag̵i te zaan he paag̵i he iyan is kenitew he kedtumana te insurat he kesug̵uan.

Ruma 8:15

Su is Wag̵as he Mulin-ulin he imbeg̵ey kenitew te Megbevayà, ne wazè kiw zin himuwa he menge uripen he utew egkengehandek te Megbevayà, kekenà, midhimu kiw zin he menge anak te Megbevayà. Ne pinaag̵i te g̵ehem te Wag̵as he Mulin-ulin egkehimu en he egkeamey tew is Megbevayà.

Ruma 9:6

Ne kenè ku iyan egkeg̵iyen he wazà tumana te Megbevayà is penaad din kandan, kekenà, iyan egkeg̵iyen ku he zuen duma te menge kevuwazan ni Israyil he kenà sikandan tutuu he menge sakup te Megbevayà.

2 Kurintu 11:18

Ne g̵eina te zuen mezakel he idantal zan is menge ulaula zan dini te kelibutan egkehimu vuwa taman te meg̵aan dà ke idantal ku zaan is kedì.

Gelasya 5:25

Ne is Wag̵as he Mulin-ulin, geina te mibeg̵ayan ki zin te veg̵u en he untung, kinahanglan he ebpevayàbayè ki zaan kandin.

Gelasya 6:16

Is minsan hentei he ed-ikul kayi te ibayà he impenurù ku pinaag̵i kayi te surat, berakat he mehizuwi te Megbevayà wey veg̵ayi te melinawen he kebpekesavuk, ne kenà iyan dà sikandin, kekenà, elin daan is langun he menge tutuu he tumutuu te Megbevayà.

Ipisu 6:18

Pekezesen kew ampù te minsan hengkey he timpu sumalà is ked-uwita keniyu te Wag̵as he Mulin-ulin. Buyù kew te tavang te Megbevayà ne layun kew andam ne peniguduwi niw layun te ked-ampù is langun he menge tumutuu.

Pilipus 1:1

Surat heini ni Pablo wey ni Timoteo te menge sulug̵uen ni Jesu Kristu. Ibpeuwit heini is surat diyan te keniyu te langun he menge tumutuu ki Jesu Kristu he menge meg̵inged diyan te inged he Pilipus wey te menge ebmeg̵urangen niw wey menge diyekunu.

Pilipus 3:12

Kenè ku iyan ibpesavut kayi he netuman en dini te kedì heini is langun wey ke nehimu e en he etew he wazè en duen igkesawey, kekenà, ebpenigudu a wey heini metuman su iyan heini tuyù ni Jesu Kristu zutun te kedhimuwa zin kedì he sakup din.

Pilipus 3:14

Ebpenigudu e pa wey ku mekuwa is suhul te Megbevayà su iyan heini ketezengan ke maan is mid-umew kiw zin te ked-angken te untung he wazà pidtemanan pinaag̵i te kebpekidsevaha tew ki Jesu Kristu.

Kulusas 2:11

Ne tenged kayi, minsan kenè kew menge Hudiyu, is midhimu keniyu te Megbevayà, ne iring duen te kedsirkunsidara zengan te menge Hudiyu su nehimu kew en he menge g̵aked te Megbevayà pinaag̵i te kebpekidsevaha niw ki Kristu. Iyan, selakew heini, su kenà pinaag̵i te kebpelii te lawa zà duen, kekenà, in-awà ni Kristu is gehem te mezaat he kebayà te lawa niw.

Hudas 1:20

Ne sikiyu mulà, menge minahal ku he suled, peniguduwi niw is kebpetebtevangè niw su wey meheg̵et is kedtuu niw te tuluuwen he impetuuwan kenitew te Megbevayà. Pekezesen kew ampù pinaag̵i te g̵ehem he ibeg̵ey te Wag̵as he Mulin-ulin.