Pilipus 2:5 - Manobo Western Bukidnon

⁵ Kinahanglan he iring is isip niw te isip ni Jesu Kristu.

Pilipus 2:5 Кръстосани препратки

Mateo 11:29

Beeli niw is idsug̵ù ku keniyu ne pepenurù kew kedì ne ebpekehimeley kew su kenà a eengeren ne kenà a ebpenlupig te minsan hentei.

Lucas 22:27

Ne penenglitan, hentei is lavew? Iyan be is ebpinuu su egkaan wey ke iyan be haazà is sulug̵uen he edtangel kandin? Ne siguradu iyan lavew is ebpinuu, ne minsan pa zutun, siak is egalen niw, ne iring a te edtangel keniyu.”

Nengeulaula 10:38

Si Jesus he tigNeserit, mibpeulinan sikandin te Megbevayà te Wag̵as he Mulin-ulin ne mibeg̵ayan sikandin te zekelà he g̵ehem. Ne mid-eneb din is menge inged ne meupiya is baal zin diyà te menge etew ne nengeulian din is langun he edlelungen ni Setanas. Neveelan din heini su kenà edsuwey kandin is Megbevayà.

Nengeulaula 20:35

Ne pinaag̵i kayi te langun, impeehè ku keniyu he kinahanglan he pinaag̵i te kebpenigudu tew egketevangan tew is egkengeayuayu su egketenuzan tew is menge lalag dengan te Nengazen tew he si Jesus su ke sikandin te, ‘Dekelà is kelipey ta ke ebeg̵ey ki, kenà ke iyan ki edawat.’ ”

Ruma 14:15

Ne emun egkeenen niw haazà is kunaan din ke indawey, utew ibmesakit haazà te g̵ehinawa zin ne iring te wazè kew megeg̵awi. Ne kenà meupiya, emun egkepenulayan haazà is etew pinaag̵i te kegkaan niw zutun su zuma niw man he tumutuu ne mibpehimatey si Kristu he elili zaan kandin.

Ruma 15:3

Su si Kristu, wazè din isipa is kandin he egkesuatan su insurat dengan is midtagnà he menge lalag din diyà te Megbevayà he edhenduen te, “Is menge mezaat he lalag te menge etew he insulè dan kenikew, ne iyan daan kedsulaa zan kediey.”

Ruma 15:5

Is Megbevayà, ne iyan edsambag kenitew wey ebeg̵ey kenitew te kebmeinentusen te kemeresayan. Berakat he himuwa zin he mesevaha is gehinawa niw wey isip niw kayi te kedsundani niw ki Jesu Kristu.

1 Kurintu 10:33

Siak, ebpen-ahaan ku layun is paag̵i su wey meketavang te minsan hentei is menge ulaula ku. Kenè ku iyan ebpen-ahaan is kediey he igkezeyzey, kekenà, iyan is igkezeyzey te langun he menge zuma he etew. Umba ebeelan ku heini su wey meketuu sikandan ne melibri sikandan te silut.

Ipisu 5:2

Kinahanglan he ipeehè niw layun he mahal ziyà te g̵ehinawa niw is menge zuma niw iring te mahal kiw ziyà te g̵ehinawa ni Kristu. Mibpehimatey sikandin he elili kenitew wey kiw zin melibri. Nehimu heini he pemuhat he utew mehemut, he ke và dà egkeg̵iya, utew egkesuati te Megbevayà.

Pilipus 1:1

Surat heini ni Pablo wey ni Timoteo te menge sulug̵uen ni Jesu Kristu. Ibpeuwit heini is surat diyan te keniyu te langun he menge tumutuu ki Jesu Kristu he menge meg̵inged diyan te inged he Pilipus wey te menge ebmeg̵urangen niw wey menge diyekunu.

1 Pedro 2:21

Nekeantus si Kristu te merasey wey ki melibri te silut. Ne nehimu sikandin he petug-iringan he kinahanglan he edsunuzen ta. Umba mibpetuu kenitew is Megbevayà su wey tew si Kristu meiringi.

1 Pedro 4:1

Ne netuenan ta he si Kristu, hein dini pa te kelibutan, nekeantus sikandin te merasey. Tenged dutun kinahanglan he andam kew zaan te ked-antus te merasey su is etew he ebpekeantus te merasey, egkeawè en diyà te kandin is suat din te ked-ulaula te mezaat.