Pilipus 2:29 - Manobo Western Bukidnon

²⁹ Umba, kinahanglan he meg̵alew kew te kebpekeuma zin su suled tew sikandin tenged te kedtuu zin te Nengazen. Is langun he iring kayi he etew, tehuza niw

Pilipus 2:29 Кръстосани препратки

Lucas 9:5

Ne emun duen inged he wazà dutun etew he egalewg̵alew keniyu, ne ewai niw ne penektaka niw is menge eliyavuk diyà te menge paa niw he iyan lag̵uy he edsilutan sikandan te Megbevayà.”

Juan 13:20

Utew venar is egkeg̵iyen ku keniyu he ke zuen etew he edewaten din is edsug̵uen ku, edewaten e zin daan, ne is edawat kediey, edewaten din daan is Amey ku he midsug̵ù kediey.”

Nengeulaula 2:46

Ne kada andew edtig̵um is langun he menge tumutuu zuen te zekelà he simbahan he egngezanan te Valey te Megbevayà. Ne egkesevaha zan daan he utew melipayen te kegkaan dan dutun te menge valey zan wey kebpevegbeg̵ayè dan.

Nengeulaula 28:10

Mezakel is menge vutang he inggasa zan kenami, ne hein mid-untud key en maan te selakew en he barku, ingkarga zan daan dutun te barku is minsan hengkey he egkinehenglanen dey.

Nengeulaula 8:8

Ne utew nengelipey is menge etew zutun he inged.

Ruma 10:15

Ne wey zà egkehimu is ebpenudtul ke edsug̵uen sikandin te Megbevayà. Ne zuen iyan midsug̵ù te Megbevayà su iring te migkag̵i ziyà te insurat he Lalag te Megbevayà he “Utew igkeg̵alew is kebpekeuma te menge etew he edsangyew te Meupiya he Tudtulanen.”

Ruma 16:2

Gelg̵elawa niw sikandin tenged te kedtuu zin te Nengazen tew su iyan heini ulaula he zait te menge tumutuu. Ne ke zuen menge keel-elangan din, ne tevangi niw sikandin su utew mezakel is midtevangan din daan he menge tumutuu ne midtevangan e zin daan.

1 Kurintu 16:10

Ne emun ebpekeuma ziyan si Timoteo ne purungi niw sikandin su sulug̵uen daan sikandin te Nengazen he iring kediey.

1 Kurintu 16:18

Inmeupiya sikandan te g̵ehinawa ku iring te inmeupiya zaan sikandan te g̵ehinawa niw. Tehuza niw is menge iring kayi he etew.

2 Kurintu 10:18

Su emun edelig̵en ta is kenita he menge vaal, kenà heini egkesuatan te Megbevayà, iyan, emun duen igkezelig̵i kenita te Megbevayà iyan heini egkesuatan te Megbevayà.

2 Kurintu 7:2

Mahala key keniyu ziyan te g̵ehinawa niw su wazè dey salà te minsan hentei ziyan; wazà minsan hentei ziyan he nezeetan dey is kedtuu zin. Wazà minsan hentei ziyan he midlimbungan dey.

Pilipus 2:28

Umba utew ku egkesuati heini is ked-ulì din diyan su wey kew melipey te kebpekeuma zin ne pinaag̵i kayi egkeawà daan is kedì he kegkeseeng.

Kulusas 4:10

Ebpengemusta keniyu si Eristarku he zuma ku he pirisu. Si Marcos, is id-ag̵ew ni Bernabe, ne ebpengemusta zaan keniyu. Gelg̵elawa niw sikandin emun ebpekeuma ziyan. Netuenan niw en is intelaan ku keniyu mehitenged kandin.

1 Tiselunika 5:12

Ne menge suled, sikan is edhag̵ù te ked-uwit dan keniyu, kes menge eg̵alen niw he mibpilì te Nengazen wey sikandan is ebpenurù keniyu, edhengyuan dey sikiyu he tehuza niw sikandan.

1 Timoteo 5:17

Is menge ebmeg̵urangen he meupiya is ked-uwita zan te menge tumutuu, kinahanglan he isipa niw sikandan he zait he edtekepen is suhul kandan, lavew en sikandan is dekelà is baal zan te kedwali wey kebpenurù.

Hibriyuhanen 13:17

Tumana niw is sug̵ù te menge egalen niw te menge tumutuu ne ipeehè niw is kedtehuza niw kandan su iyan sikandan ed-elima keniyu te edtuu, ne zuen timpu keuzemà he edsusiyen te Megbevayà ke metinumanen dan be is ed-elima keniyu. Emun ebpemineg̵en niw is sug̵ù dan, utew ibmeupiya te g̵ehinawa zan is baal zan. Ne emun kenè kew ebpemineg, utew mereg̵en is baal zan ne egkehimu zaan heini he idlised niw.

3 Juan 1:10

Emun ebpekehendiyan a, edseyseyen ku keniyu is langun he mezaat he ed-ul-ulahan din, su kenà tutuu is menge memezaat he lalag din he ebpemekesug̵at kenami. Ne kenà duen dà taman su kenè din ed-elimahan is menge zuma ta he tumutuu ke ebpekeuma zan. Ne kenè din daan idtug̵ut he ed-elimahan sikandan te menge zuma zin he tumutuu ziyan. Is ed-elima mulà kandan, kenè din idtug̵ut he edtampu zan te kedsimba niw.