Pilipus 2:18 - Manobo Western Bukidnon

¹⁸ Ne iring din ded daan, kinahanglan he igkelipey niw zaan is kebpatey ku emun egkehitavù kediey.

Pilipus 2:18 Кръстосани препратки

Ipisu 3:13

Ne tenged kayi te langun, kinahanglan, menge suled, he kenà igkeawà te kedsarig niw heini is kemereg̵enan he egkeantus ku tenged keniyu, kekenà, lipey kew su iyan ibmeupiya niw.

Pilipus 2:17

Is kedtuu niw te Megbevayà, ne iring te pemuhat he edewaten din. Ne emun egkesuatan din pa he id-uman is kebpatey ku kayi te pemuhat, igkelipey ku pa. Ne igkelipey ku zaan is kedtuu niw iring te nelipey kew.

Pilipus 2:19

Dekelà is kedsarig ku te Nengazen tew he si Jesus he meg̵aan ku en egkesug̵ù diyan te keniyu si Timoteo. Ne emun ebpekelikù en dini, egketuenan ku ke hengkey is kebpekesavuk niw. Ne utew heini ibmeupiya te g̵ehinawa ku.

Pilipus 3:1

Na, menge suled, ketepusan heini he sambag ku keniyu. Lipey kew tenged te upakat niw te Nengazen. Maambe ke idsublì ku keniyu is daan he sambag ku su melemu zà heini, ne kela ke egkehimu he pinaag̵i kayi egkelig-enan is isip niw.

Pilipus 4:4

Egkeg̵iyan ku sikiyu he sigudu kew lipey tenged te kebpekidsevaha niw te Nengazen, su meupiya ke zekelà layun is kelipey niw.