Pilipus 2:15 - Manobo Western Bukidnon

¹⁵ Ne zutun, wazà mezaat diyan te keniyu su meupiya is ulaula niw su menge anak kew te Megbevayà he wazà igkesewayi zin keniyu, minsan te zini kew pa mekeubpà te kelibutan te teliwazà te lalung he menge etew he kenà memetazeng is menge ulaula. Iring kew te menge sulù

Pilipus 2:15 Кръстосани препратки

Mateo 10:16

Pemineg kew; edsug̵uen ku en sikiyu ziyà te menge etew he kumekaid. Iyan, sikiyu, kenè kew mulà ebpekekaid. Iring kew te menge kerehidu ne sikandan iring te menge erimaung. Kinahanglan he med-andam kew, iyan, kenè kew mebpesipala te minsan hentei.

Mateo 17:17

Ne zutun migkag̵i si Jesus te, “Sikiyu is menge etew g̵untaan, utew zekelà is menge sayep niw! Wazè niw iyan kedtuu! Utew ves egkeug̵et is kebpekiduma ku keniyu! Utew ves egkeug̵et is kebpekeantus ku keniyu ne human kew edtuu! Ihengkayi niw heeyan is batà.”

Mateo 5:45

Ne emun ebeelan niw heini ebpekeiring kew te Amey tew he Megbevayà he ziyà te langit. Su is Megbevayà, kenà iyan dà ebpesilaan din te andew is menge metazeng he menge etew, kekenà, elin daan is menge kenà metazeng. Ne kenà iyan dà is meupiya is ulaula zin ebeg̵ayan din te uzan, kekenà, elin daan is mezaat is ulaula zin.

Mateo 5:48

Kinahanglan he meheg̵et is kebpurungi niw te minsan hentei. Su kes Amey tew ziyà te langit, utew meheg̵et is kebpurungi zin te menusiyà.”

Lucas 1:6

Si Zacarias wey haazà is esawa zin, metazeng sikandan he etew su wazà igkesawey zutun te kebpurungi zan te edtuman te langun he menge tulumanen wey menge sug̵ù te Megbevayà.

Lucas 6:35

Iyan penurù ku keniyu is: kenà imezaat te g̵ehinawa niw is menge kuntada niw, kekenà, meupiya is ul-ulaha niw ziyà te kandan. Ke zuen etew he ed-utang keniyu, kenè niw itag̵ù diyà te g̵ehinawa niw he kinahanglan he beyazi kew zin. Emun edtumanen niw heini, igkepeehè niw he menge anak kew te utew lavew he Megbevayà. Ne utew zekelà is suhul zin keniyu su minsan is menge etew he memezaat is ulaula wey is menge kenà ebpeselamat kandin, egkehizuwan din sikandan gihapun.

Juan 5:35

Su si Juan, iring sikandin te sulù he merayag is sig̵a zin, ne meg̵aan dà utew is kelipey niw te kedteyawi zin keniyu, he ke và dà egkeg̵iya, seled te meg̵aan dà utew kew nesuat te penurù din he tutuu.

Nengeulaula 2:40

Ne mezakel he menge ketezengan is insambag ni Pedro kandan, ke sikandin te, “Likayi niw is limas te Megbevayà kayi te menge etew g̵untaan he memezaat is ulaula.”

Nengeulaula 20:30

Ne egkeulaula keuzemà he ebpengag̵i te tarù is minsan menge zuma niw su wey zan meuwit is menge tumutuu su wey mekesundan kandan.

Ruma 16:19

Nevantug en is tudtul te kedtumana niw te menge sug̵ù te Megbevayà, ne utew ku heini igkelipey. Egkesuatan ku he zekelà is ketau niw te ked-ulaula te meupiya ne egkesuatan ku zaan he kenè kew metau te ked-ulaula te mezaat.

1 Kurintu 1:8

Iyan sikandin edlig-en keniyu taman te ketepusan he timpu su wey wazà igkesewayi keniyu zutun te andew keuzemà te kedlikù din.

2 Kurintu 6:17

Ne tenged kayi migkag̵i zaan is Megbevayà te, “Suwayi niw is ebpemen-azap te kenà tutuu he ed-ezapen ne sivey kew kandan. Engkezi niw is minsan hengkey he meremerik he ulaula ne edewaten ku sikiyu.

Ipisu 5:27

Elin daan idhimuwa zin kayi su wey kiw zin mezawat he esawa zin. Ne wazè en igkesawey zin kayi te kenitew su nepurung kiw en melumpiyuwi ne utew kiw mekempet diyà te kandin.

Pilipus 1:10

su wey niw layun metueni ke hengkey is hustu ne wey niw layun heini meulaula. Ne zutun wazà keuzemà igkesawey ziyan te keniyu su egkehimu kew he wag̵as dutun te kedlikù ni Kristu.

Pilipus 3:6

Ne tuus te utew meheg̵et dini te g̵ehinawa ku is kedtumana ku te menge tulumanen dey te menge Hudiyu, su mibpemesipelahan ku is menge tumutuu ki Jesus. Ne sumalà te kedtumana ku te kesug̵uan he imbilinbilin ni Moises wazè ku netuenan he supak ku te Megbevayà.

1 Tiselunika 5:23

Is Megbevayà, ne iyan ebeg̵ey te kelinew, berakat he purungi zin lumpiyuwi is ulaula niw. Lig-eni zin is tivuuk he g̵ehinawa niw, isip niw, wey lawa niw su para wazà igkesewayi keniyu keuzemà te kedlikù te Nengazen tew he si Jesus.

1 Timoteo 3:10

Ke zuen etew he ebpilien niw he diyekunu, kinahanglan he edsusiyen pa is menge ulaula zin. Ne emun wazà netuenan he mezaat he ulaula zin, egkehimu he ebpilien sikandin he diyekunu.

1 Timoteo 3:2

Iyan, is ed-uwit te menge tumutuu, kinahanglan he wazà igkesewayi kandin. Sevaha zà is esawa zin ne kenè din selselai. Kinahanglan he egketengkaan layun is ed-ul-ulahan din; metau sikandin he ed-isip te hustu wey telehuzen sikandin. Kinahanglan he meelima sikandin te menge meg̵eliyug din. Kinahanglan daan he metau he ebpenurù.

1 Timoteo 5:14

Ne tenged kayi egkesuatan ku he mebpeuman mebpeesawa is menge menguhed he valu he vahi su wey mekeanak sikandan ne med-elima te pemilya zan. Ne zutun wazà igkesewayi kandan te menge kuntada tew.

1 Timoteo 5:20

Is ebmeg̵urangen he layun ebpekesalà, sewaya nu ziyà te etuvangan te menge tumutuu su wey mahandek is menge zuma he ebmeg̵urangen.

1 Timoteo 5:7

Heini is impenurù ku, ipurung nu isug̵ù diyà te menge tumutuu ziyan su wey wazà igkesewayi kandan.

Tito 1:6

Is ebmeg̵urangen, kinahanglan he wazà supak din, sevaha zà is esawa zin, ne kenè din selselai. Kinahanglan he menge tumutuu is menge anak din, ne kenà sikandan ed-isipen te menge etew he iyan dan dà ebpen-ahaan is kelibutanen he kelipey. Kinahanglan he metinumanen sikandan te menge idsug̵ù kandan.

Tito 2:10

ne kenè dan mebpenakew, kekenà, ipeehè dan he egkeserig̵an sikandan te egalen dan. Emun iyan haazà ulaula te menge sulug̵uen he tumutuu egkesavut te menge etew he utew tutuu is tuluuwen he ibpenurù ta mehitenged te Megbevayà he iyan menluluwas tew.

Tito 2:15

Ne heini is langun he migkag̵i ku, ipenurù nu ziyà te menge etew ziyan. Gemita nu is keg̵ehem nu te kebayàbayà kandan. Sembag̵i nu wey dewaya nu sikandan. Kinahanglan he kenè ka lulupig̵an te minsan hentei.

Hibriyuhanen 7:26

Iyan si Jesus lavew he memumuhat he egkinehenglanen tew su wazà igkesewayi te menge ulaula zin, wazè din salà, ne wazè din sayep. Ne kenà sikandin iring te menge mekesesalà he menusiyà, ne midhimu sikandin te Megbevayà he lavew te minsan hentei ziyà te langit.

1 Pedro 2:12

Kinahanglan he utew metazeng is menge ulaula niw su wey maahà te menge etew he kenà tumutuu. Su minsan ke egkeg̵iyen dan he mezaat is ulaula niw, egketuenan dan gihapun he meupiya is ed-ul-ulahan niw ne ebpekezalig dan te Megbevayà keuzemà te andew te kebulusi zin te menusiyà.

1 Pedro 2:9

Iyan, sikitew mulà, pinilì kiw zin. Menge memumuhat kiw te mibpilì he hadì he iyan si Kristu. Iyan kiw menge sakup din; iyan kiw menge g̵aked din he etew. Umba mibpilì kiw zin su wey tew mesangyew is tudtul te utew egkein-inuwan he menge vaal zin. Iyan sikandin nengelintau wey kiw meketuu wey kiw maawà dutun te kerusireman. Ne g̵untaan edteyawan kiw zin, he ke và dà egkeg̵iya, utew en meupiya is kedtuvazi zin kenitew.

2 Pedro 3:14

Na menge suled, geina te kemulu tew pa edteg̵azi haazà is andew, kinahanglan he ebpurungan tew edtengkai is menge ulaula tew su wey wazà igkesewayi kenitew te Megbevayà ne wey melinew is kedepità te uman sevaha kenitew ziyà te kandin.

Impezayag 2:5

Tentenuzi niw sikan is kedekelaa niw zengan kediey ziyà te g̵ehinawa niw; iniyug̵i niw is mezaat he ulaula ne ul-ulaha niw is meupiya he mid-ulaula niw zengan su emun kenà, ebeyaan ku sikiyu. Ne id-awè ku is sulù niw ziyà te selevukè din emun kenè niw edlikuan is daan he ulaula niw.

Impezayag 3:9

Ne haazà is menge etew he egkag̵i he menge Hudiyu sikandan, tarù is egkeg̵iyen dan su menge sakup sikandan ni Setanas. Edhimuwen ku he mekeluhud sikandan diyan te etuvangan niw. Ne zutun egketuenan dan he iyan kew mahal zini te g̵ehinawa ku.