Pilipus 2:14 - Manobo Western Bukidnon

¹⁴ Is langun he ebpeveelan din keniyu, tumana niw te wazà kebpeneremudtemud wey kebelivad.

Pilipus 2:14 Кръстосани препратки

Mateo 20:11

Umba hein edewaten dan en haazà is suhul kandan, ne neepes dan ne migkeg̵iyan dan haazà is etew he mibpeterebahu kandan te,

Marcos 14:5

Mahal utew heeyan su is bali zin, ne subra he tetelu he g̵atus he elad he selapì. Meupiya pa pezem ke imbelegyà, ne is halin, igkepemeg̵ey ziyà te egkengeayuayu.” Ne midsawey zan haazà is mid-ulaula zutun te vahi.

Marcos 9:14

Ne hein neumahan eni Jesus sikan is duma he menge sumusundan din, neehè dan he edlingutan te mezakel he menge etew ne ebpekidlewanà kandan is menge menunudlù te kesug̵uan.

Lucas 5:30

Ne zuen menge Perisiyu wey menge menunudlù te kesug̵uan he nekeahà kayi te menge etew. Ne migkeg̵iyan dan is menge sumusundan ni Jesus te, “Maan is egkaan kew wey ed-inum kew zuma te menge limbungan he menunukut te vuhis wey te menge mesinupaken?”

Nengeulaula 15:2

Ne si Pablo wey si Bernabe, wazè dan dewata haazà is impenurù dutun te menge etew, ne utew mezesen is kebpekidlewanè dan, umba, is menge tumutuu zutun, midsug̵ù dan si Pablo, si Bernabe, wey is duma pa kandan he medhendiyè dan te Hiruselim wey zan ikeinsà haazà diyà te menge epustul wey menge ebmeg̵urangen te menge tumutuu ziyà.

Nengeulaula 15:39

Ne ingkesavè dan haazà, umba mibpesuwayè dan. Ne si Bernabe, miduma zin si Marcos ne mid-untud dan te barku ne midhendiyè dan te Sipru.

Nengeulaula 15:7

Ne hein malù en netegteg̵aad dutun te kebivitiyara zan, midhitindeg si Pedro ne ke sikandin te, “Menge suled, netuenan niw he kayi te kenitew, iyan a sikan is mibpilì dengan te Megbevayà wey ku metudtul ziyà te kenà menge Hudiyu is Meupiya he Tudtulanen wey zan mekepemineg wey meketuu te Megbevayà.

Nengeulaula 6:1

Ne zutun he timpu ed-iseg ebmezakel is menge tumutuu ki Jesus. Is menge tumutuu he Hudiyu he Gerisyahanen is kineg̵iyan dan, duen ibmezaat te g̵ehinawa zan te zuma he menge tumutuu he Hudiyu. Egkag̵i haazà is menge Gerisyahanen he kenà pudu egkeveg̵ayan is kandan he menge valu he vahi ke ebpeneltelazen te kada andew is idtavang dutun te menge valu he vahi.

Ruma 12:18

Himuwa niw is taman te egkehimu niw su wey melinawen is kebpekesavuk niw, ne wazà igkepeuki keniyu te minsan hentei.

Ruma 14:1

Ne ke zuen duma niw he edtuu ki Kristu, iyan, kenè pa meheg̵et is kedtuu zin, dewata niw sikandin, iyan, kenè kew mebpekidlewanà kandin ke is ulaula zin tenged te kedtuu zin, ne kenà utew ebpekeiring te keniyu.

Ruma 16:17

Menge suled, edhengyuen ku keniyu he mebantey kew, ne likayi niw is menge etew he edsamuk te kebpekidsevaha niw wey kedtuu niw te menge tumutuu su edsupaken dan is tutuu he tuluuwen he impenurù keniyu.

1 Kurintu 10:10

Ne kenè tew zaan edtemudmuzan is menge egalen he imbeg̵ey kenitew te Megbevayà su iyan mid-ulaula te zuma kandan ne zutun duen belinsug̵uen he midsug̵ù te Megbevayà he ibpehimatey kandan.

2 Kurintu 12:20

Egkesamuk is gehinawa ku su kela ke zutun te kebpekeuma ku ziyan ne iyan ku egkeahà diyan te keniyu is menge ulaula he kenè ku egkesuatan. Ne emun iyan haazà ne zuen ed-ul-ulahan ku zutun he kenè niw zaan egkesuatan su kinahanglan he edsewayen ku is keniyu he ulaula. Su kela ke zuen ebpekigkuntada ziyan te menge zuma zin, kela ke zuen egkesina, duen petuluy egkepauk, wey leg̵ezen, kela ke zuen diyan ebpenemperasà wey edsulà te zuma zin, kela ke zuen bereituk. Kela ke zuen diyan te keniyu gelbuwen, wey kela ke wazè niw kebpekid-uyun te menge tumutuu.

Gelasya 5:15

Iyan, emun iyan niw zà ed-ul-ulahan is kebpepespesipelehey wey kebpeeg-eg̵età, ne egkepurung egkezeeti is upakat niw te menge tumutuu ki Kristu.

Gelasya 5:26

Kinahanglan he kenè ki ebpelavew, kenè ki zaan ebpekidtebek te menge zuma he etew, kenè ki zaan egkesina te zuma ta.

Pilipus 2:3

Kinahanglan he kenà kew mebpekidlawan ne kenè kew mebpelavew, kekenà, isipa te minsan hentei keniyu he minus is pid-etawan din kenà te zuma zin.

1 Tiselunika 5:13

Kinahanglan he utew niw sikandan tehuza wey mahala tenged te menge vaal zan diyan te keniyu. Ne kinahanglan he melinew is kedepitè niw te kada sevaha.

1 Tiselunika 5:15

Kenè niw itug̵ut he zuen minsan hentei keniyu he ebales te mezaat, kekenà, mebpepurpurungè kew layun. Purungi niw zaan is minsan hentei he etew.

Hibriyuhanen 12:14

Himuwa niw is taman te egkehimu niw su wey melinew is kebpekidepitè niw te minsan hentei ne wey niw metuman is metazeng he ulaula su emun kenè ki metazeng kenè ta is Megbevayà egkeahà keuzemà.

Santiago 1:20

Su emun egkepauk ki kenè ta zutun egketuman is egkesuatan te Megbevayà.

Santiago 3:14

Iyan, emun egkesina sikandin wey mepelevawen, kinahanglan he kenè din izantal is ketau zin wey is meupiya he ulaula zin su tarù is ketau he iring dutun ne ebpekesupak te tutuu he tuluuwen.

Santiago 5:9

Kenè kew, menge suled, meked-eepesà su wey kenè kew mesiluti te Megbevayà. Meg̵aan en ebpekeuma is edsusi te menge ulaula ta; iring te ziyè en te g̵emawan.

1 Pedro 3:11

Engkezi zin en is memezaat he ulaula ne layun meupiya is menge ulaula zin. Layun din pen-ahaa is melinawen he kedepitè dan te menge zuma zin.

1 Pedro 4:9

Kinahanglan he utew kew metulanged is ebpepemenahik te menge humehulevungà diyan te valey niw.

Hudas 1:16

Ne haazà is menge etew he netagnà ni Inuk, menge perelivak wey perevasul sikandan. Iyan dan edtumanen is menge memezaat he kebayè dan. Memepelevawen dan, iyan, edigdig̵en dan is menge zuma he etew su wey zan melimbungi.