Pilipus 1:3 - Manobo Western Bukidnon

³ Dekelà utew is kebpeselemati ku te Megbevayà tew tenged keniyu emun egkeisip ku sikiyu.

Pilipus 1:3 Кръстосани препратки

Ruma 6:17

Dengan iring te nengeuripen kew te mezaat he kebayà, iyan, guntaan utew zekelà is kebpeselemati ku te Megbevayà su mibpurungan niw te edtuman is tutuu he tuluuwen he impenurù keniyu.

1 Kurintu 1:4

Layun dekelà is kebpeselemati ku te Megbevayà tenged te g̵ag̵ew zin keniyu pinaag̵i te kebpekidsevaha niw ki Jesu Kristu.

1 Tiselunika 3:9

Kenè pa hustu is kebpenigudu zey kebpeselamat te Megbevayà tenged keniyu, su utew zey sikiyu ingkelipey. Iyan ebpeketistig̵us kayi is Megbevayà.

2 Tiselunika 1:3

Menge suled, kinahanglan he layun dekelà is kebpeselemati zey te Megbevayà tenged keniyu. Ne hustu heini su layun dekelà is ked-uswag te kedtuu niw wey layun daan ed-iseg is kebmahala niw te uman sevaha he menge zuma niw ziyà te g̵ehinawa niw.

2 Timoteo 1:3

Iring te nengeulaula te menge kepuun ku hustu is tuyù ku te ked-ezapa ku te Megbevayà, ne utew zekelà is kebpeselemati ku kandin dutun te layun ku kenikew ked-empua ziyà te kandin te maandew wey mezukilem.