Pilimun 1:6 - Manobo Western Bukidnon

⁶ Ne id-ampù ku zaan he pinaag̵i te kebpekid-upakat nu kenami tenged te kedtuu tew, med-iseg is kedsavut tew te langun he meupiya he intuvad kenitew te Megbevayà tenged te nekidsevaha kiw ki Kristu.

Pilimun 1:6 Кръстосани препратки

Mateo 25:16

Ne sikan is sulug̵uen he mibeg̵ayan te lelima he libu he pisus, impetig̵ayun din haazà is kandin, ne netig̵ayun te lelima pa he libu.

Mateo 5:16

Ne iring din ded daan is menge ulaula niw he meupiya; kinahanglan he kenè niw ieles. Ipeehè niw te menge etew is menge ulaula niw he meupiya ne tenged kayi ebpekezalig dan te Amey tew he Megbevayà he ziyà te langit.

1 Kurintu 16:9

Su mezakel pa zini is egkesuat he ebpemineg te Lalag te Megbevayà ne zekelà is pulus te ked-ubpè ku kayi, asal, mezakel zaan dini is menge kuntada te Megbevayà.

Pilipus 4:8

Ketepusan heini, menge suled, he menge lalag ku keniyu. Iyan niw itag̵ù diyà te isip niw is meupiya, is dait he igkezelig̵i, is tutuu he tuluuwen, is metazeng wey hustu wey mekempet he ulaula, wey is minsan hengkey he igkehimu te minsan hentei he egketahud.

Kulusas 1:9

Ne tenged kayi ibpenigudu zey sikiyu id-ampù puun pa zutun te andew zengan he nezineg dey is tudtul mehitenged te kedtuu niw. Layun dey id-ampù diyà te Megbevayà he veg̵ayi kew zin te kegkesayud te langun he ulaula he ebpeveelan din keniyu, he ke và dà egkeg̵iya, mehimu kew zin he mebmetau ne pinaag̵i te Wag̵as he Mulin-ulin, iveg̵ey zin keniyu is kegketuusi te meupiya wey mezaat.

Kulusas 3:10

Ne g̵untaan midhimu ki en te Megbevayà he veg̵u en he etew he edhimuwen din he iring te kandin. Umba midhimu ki zin he veg̵u su wey ta mepurung mesavut ke hentei sikandin.

Tito 3:14

Ipenurù nu ziyà te menge zuma nu he tumutuu ziyan he kinahanglan he iyan dekelà diyà te g̵ehinawa zan is ked-ulaula zan te meupiya wey zan metevangi is menge edlised. Kenà meupiya ke zuen tumutuu he peg̵ulen su wazà pulus dutun.

Hibriyuhanen 6:10

Su kenà egkehimu he kenà metazeng is kedsusiya keniyu te Megbevayà; su kenà egkehimu he egkelipatan din is langun he meupiya he mid-ulaula niw tenged te mahal sikandin diyà te g̵ehinawa niw su midtevangan niw is menge zuma tew he tumutuu ne minsan guntaan wazè niw engkezi is kedtevangi niw kandan.

Santiago 2:14

Menge suled, wazà pulus te kedtuu te minsan hentei ziyà te Megbevayà emun kenà egketuusan is kedtuu zin pinaag̵i te menge ulaula he meupiya. Is kedtuu he iring dutun, ne kenà tutuu, ne kenà din igkelibri te silut.

Santiago 2:17

Iring din ded daan is etew he egkeg̵iyen din he edtuu sikandin, iyan, kenà meupiya is menge ulaula zin. Egkesavut ta zutun he kenè bes tutuu is kedtuu zin.

1 Pedro 2:12

Kinahanglan he utew metazeng is menge ulaula niw su wey maahà te menge etew he kenà tumutuu. Su minsan ke egkeg̵iyen dan he mezaat is ulaula niw, egketuenan dan gihapun he meupiya is ed-ul-ulahan niw ne ebpekezalig dan te Megbevayà keuzemà te andew te kebulusi zin te menusiyà.

1 Pedro 3:1

Sikiyu zaan is menge vahi, kinahanglan he pesakup kew te esawa niw ne zutun minsan ke kenè dan edtuu te Lalag te Megbevayà kela ke ebpeketuu zan ded ke egkeehè dan is menge ulaula niw he memeupiya. Su iyan heini egkehimu he wali niw kandan.

1 Pedro 3:16

Mebmetinehuzen kew is edtavak wey menayù is kegkag̵i niw. Kinahanglan he wazà salà he netag̵ù diyà te g̵ehinawa niw te menge sumusundan ni Kristu su emun wazà ulaula niw he mezaat egkeeled is edsudì keniyu tenged te egkeg̵iyen dan.

2 Pedro 1:8

Ne emun ed-iseg layun is ked-ul-ulaha niw kayi te langun, kenà egkehimu he kenà utew zekelà is pulus te kedtuuwi niw te Nengazen tew he si Jesu Kristu.