Pilimun 1:17 - Manobo Western Bukidnon

¹⁷ Ne emun ed-isipen a kenikew he timbang nu, ig̵alewg̵alew nu si Unisimu iring te kegelg̵elawa nu kediey.

Pilimun 1:17 Кръстосани препратки

Mateo 10:40

Is etew he edawat keniyu, edawat daan kediey; ne is edawat kediey, edawat daan te Megbevayà he midsugù kedì.

Mateo 18:5

Is etew he tenged te kedtuu zin kedì edewaten din ne ebpurungan din is minsan hentei he vatà he iring kayi, ne nezawat e zin en daan.

Mateo 25:40

Ne zutun, siak is hadì, edtavak a te, ‘Egkeg̵iyen ku keniyu he ke mid-ulaula niw heini ziyà te minsan sevaha kayi te menge suled ku, he ke và dà egkeg̵iya, menge tumutuu kedì, minsan ke utew minus is pid-etawen din, neulaula niw en heini ziyà te kedì.’

Nengeulaula 16:15

Mibpebewtismu sikandin wey is menge emurè din dutun te valey zin. Ne migkeg̵iyan key zin te, “Emun ed-isipen a keniyu he tutuu is kedtuu ku te Nengazen, diyè kew pemenahik te valey ku.” Ne wazè din mehimuwa zutun he wazè key mekezuma kandin.

2 Kurintu 8:23

Si Tito, iyan timbang ku te kedhimuwa ku te kedtavang keniyu. Ne heini is menge suled tew he zezuwa he eduma kandin pehendiyan, menge sug̵ù sikandan te menge g̵urupu te tumutuu zini. Pinaag̵i kandan egkevantug layun si Kristu ziyà te menge etew.

Ipisu 3:6

Ibpesavut ku keniyu heini is in-eles dengan he sikiyu is kenà menge Hudiyu, pinaag̵i te kedtuuwi niw te Meupiya he Tudtulanen, edtuvazan kew zaan te Megbevayà te langun he meupiya he idtuvad din te menge Hudiyu. Ne idragkes kew zaan dutun te lawa ni Kristu. Ne egkezawat niw is menge penaad te Megbevayà tenged te kebpekidsevaha niw ki Jesu Kristu.

Pilipus 1:7

Hustu iyan is ked-isipa ku keniyu te iring kayi su minsan ke pinirisu a wey ke kenà a pinirisu wey ke edsangyew a te Meupiya he Tudtulanen wey ke edtevaken ku is menge kuntada te Lalag te Megbevayà, mahal kew layun dini te g̵ehinawa ku su pudu kiw ingkeg̵ag̵ew te Megbevayà.

1 Timoteo 6:2

Ke tumutuu ki Kristu is egalen, kinahanglan he kenà maawà is kedtahud kandin te sulug̵uen din he tumutuu tenged te telesuled dan pinaag̵i ki Kristu. Kinahanglan he tuwas pa he meupiya is baal te sulug̵uen din tenged te tumutuu wey minahal te Megbevayà sikan is egketevangan dan pinaag̵i te vaal zan. Iyan heini ipenurù nu wey ipesavut nu ziyà te menge tumutuu.

Pilimun 1:10

edhengyuan ku sikew he peseyluwa nu si Unisimu. Tenged te kedtuu zin ki Kristu iring sikandin te tutuu en he anak ku su pinaag̵i kedì nehimu sikandin he tumutuu zini te pirisuwan.

Pilimun 1:12

Ibpeulì ku en diyan te kenikew si Unisimu he utew ku pezem minahal.

Pilimun 1:18

Ke zuen salè din diyan te kenikew wey ke zuen utang din diyà te kenikew, isipa nu he kediey.

Hibriyuhanen 3:1

Ne tenged kayi, menge suled ku te kedtuu, mid-umbita kew zaan te Megbevayà wey kew mekeubpà keuzemà diyà te langit. Purungi niw isipa si Jesus. Iyan sikandin kes midsug̵ù te Megbevayà dini te kelibutan wey sikandin mehimu he lavew he memumuhat he edtavang kenitew kayi te kebpesakup tew te Megbevayà.

Hibriyuhanen 3:14

Su sikitew, emun edhemenan tew is daan he kedsarig tew ki Kristu, duen tew pudu upakat kandin.

Santiago 2:5

Pemineg̵a niw, menge minahal ku he suled, is ibpesavut ku keniyu. Duen mibpilì te Megbevayà he egkengeayuayu. Ne minsan deisek is ketig̵eyunan dan midhimu te Megbevayà he zekelà mulà is kedsarig dan kandin ne iyan sikandan edtuvazan din pinaag̵i te kedhadì din sumalà is penaad din diyà te langun he ebmahalen dan sikandin diyà te g̵ehinawa zan.

1 Pedro 5:1

Sikiyu is ebmeg̵urangen te menge tumutuu, duen idhangyù ku keniyu su ebmeg̵urangen a zaan. Nekevantey a te kedresaya zengan ki Kristu ne iring keniyu, ebpekeseled a zaan te vulawan he ed-ulian he ibpeg̵awag̵awa keuzemà.

1 Juan 1:3

Edtudtulen ku en keniyu haazà is neehè dey wey nezineg dey ziyà te kandin su wey kew mebpekid-upakat kenami su nekid-upakat key zaan te Amey tew he Megbevayà wey te Anak din he si Jesu Kristu.