Pilimun 1:10 - Manobo Western Bukidnon

¹⁰ edhengyuan ku sikew he peseyluwa nu si Unisimu. Tenged te kedtuu zin ki Kristu iring sikandin te tutuu en he anak ku su pinaag̵i kedì nehimu sikandin he tumutuu zini te pirisuwan.

Pilimun 1:10 Кръстосани препратки

Marcos 9:17

Ne midtavak is sevaha zutun te menge mezakel he etew te, “Is anak ku he maama, ne kenà ebpekekag̵i su edlelungen te mezaat he mulin-ulin, ne mid-uwit ku zini su wey mevewii.

Ruma 12:1

Na, menge suled, tenged te utew zekelà he hizu kenitew te Megbevayà, edhengyuan ku sikiyu he ipeveyveyai niw kandin is lawa niw wey g̵ehinawa niw. Iyan heini ibpemuhat he kenà edhimetayan, ne kinahanglan he wazà igkesawey zuen su wey mesuati te Megbevayà. Ne iyan heini hustu he ked-ezapa niw kandin.

1 Kurintu 4:14

Menge suled, kenà iyan igkeg̵iya ku kayi su wey kew meeled, kekenà, su wey ku sikiyu mepenurù su nehimu kew en he menge minahal he anak ku pinaag̵i te kedtuu niw ki Kristu.

1 Kurintu 4:15

Su minsan pa te utew mezakel is menge etew he ed-ag̵ak keniyu te menge tumutuu ki Kristu, sebsevaha ku zà is iring te amey niw tenged te kedtuu niw. Su hein impesavut ku keniyu is Meupiya he Tudtulanen, nehimu a he amey niw zutun te kedtuu niw ki Jesu Kristu.

Gelasya 4:19

Henduen be te menge anak ku en sikiyu su minahal ku sikiyu. Iring te edlised is bahi ke ed-anak, egkereg̵enan a zaan te ked-isipa ku keniyu su egkesuatan ku he meg̵aan niw itug̵ut he iyan ebayàbayà keniyu si Kristu.

Kulusas 4:9

Iyan duma ni Tikiku, si Unisimu, is sevaha zaan he suled tew he metinumanen daan te menge sug̵ù te Nengazen. Minahal zey zaan sikandin. Duma niw si Unisimu he tigKulusas. Edtudtulan kew zan te langun he neulaula zini.

Pilimun 1:11

Dengan wazè nu pulus ki Unisimu, iyan, guntaan edekelà utew is pulus tew kandin.

Pilimun 1:13

Neisip ku he meupiya pezem ke iyan sikandin duma ku kayi su wey mehimu sikandin he iyan tavang nu kedì te kemulu e pa nepirisu zini tenged te kedsengyawa ku te Meupiya he Tudtulanen.

3 Juan 1:4

Iyan utew ku igkelipey is kegkezineg ku te tudtul he edtuman en te tutuu he tuluuwen is menge anak ku te kedtuu.