Nengeulaula 9:8 - Manobo Western Bukidnon

⁸ Ne mid-enew si Seulu ne hein migimerat, ne kenè en ebpekeahà ne mid-ag̵ak dan dà sikandin pehendiyà te Demasku.

Nengeulaula 9:8 Кръстосани препратки

Nengeulaula 13:11

Ne g̵untaan,” ke si Pablo, “edsilutan ka te Nengazen. Egkelakap ka, ne egkeug̵et ka egkeulii ne kenè ka ebpekeahà.” Ne zutundutun mibmerusirem is ked-ahà ni Ilimas. Ne nekekawàkawà su ebpetavang te menge etew he mekeag̵ak kandin.

Nengeulaula 22:11

Ne nelakap a tenged dutun te midsirang kedì he utew merayag, umba mid-ag̵ak e zà te menge zuma ku pehendiyà te Demasku.

Nengeulaula 9:18

Ne zutundutun henduen be te zuen nelekat diyà te mata ni Seulu ne nepuwasan is ked-ehè din. Ne mid-enew ne mibpebewtismu.

Nengeulaula 9:9

Ne seled te tetelu he andew is kenà ebpekeahà ne wazè din nekaan wey neinum.

2 Kurintu 11:32

Dengan, hein diyà a te inged he Demasku, is gubirnedur he intezù ni Hadì Eritas, midsug̵ù din is menge sundaru he ventayi zan is pultahan he idselang dutun te kutà te inged su wey e zan mezakep ke egawas a zutun.

Gelasya 1:17

ne wazà a zaan medhendiyà te inged he Hiruselim su wey ku mesampit kes nengehuna he epustul ni Jesu Kristu, kekenà, midhendiyà a te prubinsya he Erabya ne zutun, midlikù a ziyà te inged he Demasku.