Nengeulaula 9:6 - Manobo Western Bukidnon

⁶ Enew ka ne laus ka ziyà te inged ne zuen dutun etew he ebpenurù kenikew te ebpeveelan ku kenikew.”

Nengeulaula 9:6 Кръстосани препратки

Mateo 19:30

Iyan, mezakel is menge etew g̵untaan he henduen be te zekelà is pid-etawan dan, iyan, utew minus is pid-etawan dan keuzemà. Ne mezakel zaan is etew g̵untaan he utew minus is pid-etawan dan, iyan, keuzemà, utew zekelà is pid-etawan dan,” ke sikandin.

Lucas 3:10

Ne haazà is menge etew, mid-insaan dan si Juan, ke sikandan te, “Hengkey is ed-ul-ulahan dey wey key mekelikey keniyan te egkeg̵iyen nu?”

Nengeulaula 10:22

Ne migkag̵i zan te, “Impehendini key ni Kepitan Cornelio. Metazeng sikandin he etew. Ed-azap sikandin te Megbevayà, ne telehuzen daan sikandin te langun he menge Hudiyu. Migkeg̵iyan sikandin te velinsug̵uen te Megbevayà te, ‘Ipaangey nu si Simon Pedro wey nu mezineg is ibpesavut din,’ ” ke sikandan.

Nengeulaula 10:32

Ne g̵untaan ipaangey nu te menge sulug̵uen nu ziyà te inged he Hupi is etew he egngezanan ki Simon Pedro. Diyà ed-ubpà te valey te etew he Simon daan is ngazan din he mememaal te g̵elemiten puun te lundis. Diyà te veyvey is baley zin.’

Nengeulaula 10:6

Diyà sikandin te valey te etew he egngezanan daan ki Simon he mememaal te g̵elemiten puun te lundis. Diyà sikandin ed-ubpà te veyvey.”

Nengeulaula 2:37

Ne hein nezineg haazà te menge etew utew zan nekedsendit. Ne ke sikandan diyà te ki Pedro wey te menge zuma zin he epustul te, “Menge suled, ebmenumenu key?”

Nengeulaula 22:10

Ne nekeinsà a te, ‘Nengazen, hengkey is ebpeveelan nu kediey?’ Ne migkag̵i kedì is Nengazen te, ‘Enew ka ne laus ke en diyà te Demasku ne zutun ibpesavut kenikew is langun he intuvad en kenikew te Megbevayà he ebpeveelan kenikew.’

Nengeulaula 26:16

Enew ka. Mibpaahà a kenikew wey ku sikew mehimu he sulug̵uen ku. Tudtula nu ziyà te zuma he menge etew is kebpeehè ku kenikew g̵untaan wey tudtula nu zaan is ibpeehè ku zaan kenikew keuzemà.

Nengeulaula 9:5

Ne migkag̵i si Seulu te, “Hentei ka?” Ne midtavak te, “Iyan a si Jesus kes ebpesipelahan nu.

Ruma 10:20

Ne keladu pa utew is Lalag te Megbevayà he impenudtul zengan ni Esaias su edhenduen te, “Neturedu a te menge etew he kenà ebpen-ahà kedì, ne minsan ke wazè e zan iinsà, impesavut ku kandan ke hentei a,” ke sikandin.

Ruma 10:3

Su wazè dan dewata is paag̵i te Megbevayà te kebpeketerenga zin kandan. Ne iyan dan migamit is keugelingen dan he paag̵i he iyan is kedtumana te kesug̵uan ne wazè dan medsunud te paag̵i te Megbevayà te kebpeketerenga zin kandan.

Ruma 5:20

Ne umba imbeg̵ey te Megbevayà is kesug̵uan su wey med-iseg is kegketueni te menge etew te kezekelà te kedsupaka zan kandin. Ne zutun te mid-iseg mebmezakel is menge kedsupak, impeiseg ipezekelà te Megbevayà is gag̵ew zin te menge etew.

Ruma 7:9

Hein aney, wazè ku metueni ke hengkey is kesug̵uan, ne zutun, henduen be te wazè ku salà. Ne hein impenurù kedì is kesug̵uan, netuenan ku he mezaat bes is menge ulaula ku. Ne tenged kayi nesavut ku he ziyè e ves ebpekezunggù te kemetayen he wazè din pidtemanan!

Pilipus 2:12

Ne umba, menge suled, iring te layun kew ebpememineg te menge sug̵ù ku, ne kenà dutun dà te kebpekiduma ku keniyu, kekenà, minsan te wazà a ziyan te keniyu, ne iring din ded daan guntaan kinahanglan is uman sevaha keniyu, ne himuwa zin is taman te egkehimu zin he edumahan te kegkehandek te Megbevayà su wey mepasad haazà is nepuunan en te Megbevayà te kedlibriya zin keniyu te silut.

Santiago 4:6

iyan, mezesen pa utew is tavang kenita te Megbevayà.” Ne tenged dutun duen insurat he lalag din he edhenduen te, “Egkuntedahan te Megbevayà is mepelevawen, iyan, edtevangan din mulà is ebpesakup kandin.”