Nengeulaula 9:41 - Manobo Western Bukidnon

⁴¹ Ne migewezan ni Pedro is belad din ne impehitindeg din. Ne zutun mid-umew ni Pedro haazà is menge zuma zin he tumutuu he ragkes dutun is menge valu he vahi ne impeehè din kandan si Tebita.

Nengeulaula 9:41 Кръстосани препратки

Marcos 1:31

Ne mibeyaan sikandin ni Jesus ne migewezan din diyà te velad ne impeenew zin. Ne zutundutun ne naawà is dateng din ne midsuba sikandin te ibpekaan din engki Jesus.

Lucas 7:12

Ne hein ebpekeuma zan en dutun te idselang dutun te inged ne nesinug̵ung dan is menge etew he ebpuun dutun te inged he edlanting te minatey su idleveng dan. Maama haazà is minatey he iyan dà anak dutun te meritan he valu. Mezakel is menge etew zutun te inged he miduma zutun te vahi he eduma te edleveng.

Lucas 7:15

Ne zutundutun mid-enew haazà is minatey ne mibpekidlalag kandan. Ne migkeg̵iyan ni Jesus haazà is iney zutun te nevanhew he kuwaa zin en haazà is anak din.

Nengeulaula 20:12

Ne in-ulì dan haazà is kenakan he neuyag ne nengelipey zan utew.

Nengeulaula 3:7

Ne zutun migewezan ni Pedro is kewanan he velad dutun te kenà ebpekehipanew ne mid-enew zin. Ne zutundutun neteg̵uan te zesen is menge paa zutun te etew.

Nengeulaula 6:1

Ne zutun he timpu ed-iseg ebmezakel is menge tumutuu ki Jesus. Is menge tumutuu he Hudiyu he Gerisyahanen is kineg̵iyan dan, duen ibmezaat te g̵ehinawa zan te zuma he menge tumutuu he Hudiyu. Egkag̵i haazà is menge Gerisyahanen he kenà pudu egkeveg̵ayan is kandan he menge valu he vahi ke ebpeneltelazen te kada andew is idtavang dutun te menge valu he vahi.

Nengeulaula 9:13

Ne midtavak si Eneniyas te, “Nengazen, netuenan ku pinaag̵i te mezakel he etew is utew memezaat he mid-ulaula zin diyà te menge sumusundan nu ziyà te Hiruselim.

Nengeulaula 9:32

Ne mibeyaan ni Pedro is langun he menge inged. Ne midhendiyà daan sikandin te menge etew he g̵aked te Megbevayà he ziyà te inged he Lida.

1 Timoteo 5:3

Purungi niw is menge valu he vahi he wazè dan egkeserig̵an te keuyag̵an dan.

1 Timoteo 5:5

Ne sikan is balu he vahi he wazè din egkeserig̵an te keuyag̵an din, iyan din dà egkeserig̵an is Megbevayà, ne maandew wey mezukilem ed-ampù wey ebuyù te tavang diyà te Megbevayà.