Nengeulaula 9:40 - Manobo Western Bukidnon

⁴⁰ Ne impeg̵awas ni Pedro is langun te sikandan ne midluhud sikandin is ed-ampù diyà te Megbevayà. Ne zutun midsineruwan din haazà is lawa zutun te minatey ne ke sikandin te, “He Tebita, enew ka.” Ne migimerat si Tebita ne neehè din si Pedro, ne mid-enew ne mibpinuu.

Nengeulaula 9:40 Кръстосани препратки

Mateo 6:6

Iyan, sikiyu, ke ed-ampù kew, med-ulì is kada sevaha ziyà te valey zin, ne medlelekeb wey kenà maahà, ne zutun med-ampù te Amey tew he Megbevayà he kenà egkeahà. Ne is Amey tew he Megbevayà, iyan dà ebpekeahà kandin ne iyan edsuhul kandin keuzemà.

Mateo 9:25

Ne hein nemen-awè en haazà is menge etew, ne midseled si Jesus dutun te rug̵u te vatà. Ne migewezan din diyà te velad ne zutundutun mid-enew haazà is batà.

Marcos 9:25

Ne naahà ni Jesus he ed-iseg ebmezakel is menge etew zutun, su zuen mezakel he ebpemelelag̵uy pehendutun, ne migkeg̵iyan din haazà is mezaat he mulin-ulin te, “Sikew is mezaat he mulin-ulin he igkevengel wey igkeemew te menge etew, awè ka keniyan te edlelungen nu he vatà. Ne kenè ke en medlikù diyà te kandin!”

Lucas 22:41

Ne zutun midlaus si Jesus diyà te uvey zà ne midluhud ne mid-ampù diyà te Megbevayà.

Lucas 8:54

Ne mid-uvayan ni Jesus haazà is batà ne migewezan din diyà te velad ne mid-umew zin he ke sikandin te, “Bayi, enew kad.”

Nengeulaula 20:36

Ne hein nekepasad si Pablo is egkag̵i zutun, midluhud sikandin ne mibpengumew-umew zin is Megbevayà.

Nengeulaula 21:5

Iyan, hein neume en is kegenat dey, mid-awè key zutun te inged. Ne nemenduma kenami is langun he menge tumutuu, maama se vahi wey menge anak dan. Ne midluhud key zutun te veyvey te zag̵at is ed-ampù.

Nengeulaula 28:8

Nezeruwan is amey ni Publiyu. Edhidhizeg̵à su edetengen wey mesakit is getek din. Ne midseled si Pablo zutun te rug̵u zin ne in-ampù din. Midepenetan din haazà ne neulian.

Nengeulaula 7:60

Ne zutun nekeluhud ne mid-uman megkag̵i te, “He Nengazen, kenè nu isipa he idsilut kandan heini is salè dan.” Ne te nekag̵i zin haazà, naawà is gehinawa zin.