Nengeulaula 9:38 - Manobo Western Bukidnon

³⁸ Ne is inged he Hupi, uvey te inged he Lida, ne is menge sumusundan diyà te Hupi, hein nezineg dan he ziyà si Pedro te Lida, midsug̵ù dan diyà te kandin is dezuwa he maama he impepenudtul kandin te, “Hendini ka g̵aanggaan.”

Nengeulaula 9:38 Кръстосани препратки

Nengeulaula 10:5

Ne g̵untaan sug̵ua nu ziyà te inged he Hupi is ed-angey te etew he egngezanan ki Simon Pedro.

Nengeulaula 10:8

Midtudtul kandan ni Cornelio is nehitavù kandin ne midsug̵ù din sikandan diyà te inged he Hupi.

Nengeulaula 11:13

Ne midtudtulan key ni Cornelio he zuen belinsug̵uen te Megbevayà he mibpaahà kandin diyà te valey zin. Ne migkag̵i kandin haazà is belinsug̵uen te, ‘Sug̵ua nu ziyà te inged he Hupi is ed-angey te etew he egngezanan ki Simon Pedro.

Nengeulaula 11:26

Ne hein neturedu zin, miduma zin diyà te Entiyukya. Ne seled te sengetuig, diyè dan is dezuwa med-amur te menge tumutuu ziyà te Entiyukya ne mezakel is mibpemenurù dan. Ne ziyà te Entiyukya, sikan is menge sumusundan, aney en gerari he menge Kristiyanus.

Nengeulaula 11:5

Ke sikandin te, “Diyà a te inged he Hupi is ed-ampù ne zuen impaahà kediey te Megbevayà. Neehè ku is midteyuntun he ebpuun te langit he iring te zekelà he layag he midhiketan is heepat he kilid din ne neketanà diyà te uvey ku.

Nengeulaula 9:19

Ne migkaan ne nekeulì is desen din. Ne seled te nepipira he andew zutun, mibpekiduma si Seulu te menge sumusundan ni Jesus diyà te Demasku.

Nengeulaula 9:32

Ne mibeyaan ni Pedro is langun he menge inged. Ne midhendiyà daan sikandin te menge etew he g̵aked te Megbevayà he ziyà te inged he Lida.

Nengeulaula 9:36

Ne ziyà te inged he Hupi, duen sumusundan he vahi he egngezanan ki Tebita, ne emun kineg̵iyan he Gerisyahanen, iyan ngazan din si Durkas, he ke và dà egkeg̵iya, Kuleping. Ne heini is bahi, mezakel is menge meupiya he vaal zin; layun edtavang te egkengeayuayu.

Nengeulaula 9:42

Ne nekeeneb haazà he tudtul te tivuuk he inged he Hupi, ne mezakel is nemeketuu te Nengazen he si Jesus.

Nengeulaula 9:43

Ne si Pedro, mid-ubpaubpè pa zutun, diyà te valey te etew he egngezanan ki Simon he mememaal te g̵elemiten puun te lundis he egenguwen din.