Nengeulaula 9:31 - Manobo Western Bukidnon

³¹ Ne zutun mibmelinew is kebpekesavuk te langun he menge tumutuu ki Jesus diyà te prubinsya he Hudiya, wey Semarya wey Geliliya. Neheg̵et is kedtuu zan ne tenged te layun dan ibpehuna is kedtahud dan te Nengazen wey tenged te kedtavang kandan te Wag̵as he Mulin-ulin mid-iseg dan mebmezakel.

Nengeulaula 9:31 Кръстосани препратки

Nengeulaula 12:24

Iyan, mid-iseg is kedsengyawa te menge tumutuu te Lalag te Megbevayà, ne mibmezakel utew is menge tumutuu zutun.

Nengeulaula 16:5

Ne tenged dutun neheg̵et is kedtuu te menge tumutuu ne mid-iseg te kada andew is kezakel te nemeketuu.

Nengeulaula 2:47

Ne nekezalig dan te Megbevayà ne egkengetahud sikandan te minsan hentei. Ne te kada andew zutun duen menge etew he ebpeketuu. Ne is langun dutun, edlibriyen te Megbevayà wey kenè din en sikandan mesiluti ne haazà nemekeuman te menge tumutuu.

Nengeulaula 20:32

Ne g̵untaan idsarig ku sikiyu ziyà te Megbevayà he iyan ebpeketavang keniyu. Ebpeketavang daan is impenurù ku keniyu he g̵ag̵ew zin kenitew. Is Megbevayà, iyan ebpekeveg̵ey kenitew te kezesen te kedtuu. Diyà te kandin egkekuwa ta zaan is kenita he vahin te menge tuvad he ibeg̵ey zin diyà te langun he menge tumutuu zin.

Nengeulaula 5:11

Ne tenged dutun utew en nengehandek is langun he menge tumutuu wey minsan hentei he nekezineg dutun te neulaula.

Nengeulaula 6:7

Ne impeiseg dan is kedweliya zan te Lalag te Megbevayà diyà te mezakel he menge etew. Ne utew mahabet is menge tigHiruselim he nemeketuu ki Jesus. Ne mezakel zaan is menge memumuhat he nemeketuu.

Nengeulaula 8:1

Ingkesuat utew ni Seulu is kedhimetayi zan ki Esteban. Ne inleveng si Esteban te menge tumutuu te Megbevayà. Utew zan ingkeseeng haazà ne midlendag̵an dan. Ne puun dutun te andew te kebpatey ni Esteban, is menge tumutuu, ebpemesipelahan en sikandan te menge punuan he menge Hudiyu ziyà te Hiruselim, ne mibpemelag̵uy zan ne nekedsusuwey zan diyà te tivuuk he prubinsya he Hudiya wey Semarya. Iyan dà wazà mekepelag̵uy is menge epustul.

Ruma 14:17

Su is kedhedii kenita te Megbevayà, ne kenà pinaag̵i te kedtumana ta te menge sug̵ù mehitenged te menge keenen wey inumen he idawey, kekenà, pinaag̵i te kebpeketezenga kenita te Megbevayà he metazeng wey pinaag̵i te melinawen he kebpekidepitè ta te menge zuma ta, wey pinaag̵i zaan te kelipey he ibeg̵ey te Wag̵as he Mulin-ulin.

Ruma 14:19

Umba ebpurungan ta is menge ulaula ta su wey kenà maawà is melinawen he kebpekidepitè ta te menge zuma ta ne wey zaan meheg̵et is kedtuu te kada sevaha kenitew.

Ruma 15:13

Is Megbevayà he iyan puunà te langun he meupiya he ebpeebuten tew, berakat he veg̵ayi kew zin te utew zekelà he kelipey wey melinawen he kebpekesavuk tenged te kedtuu niw kandin su wey pinaag̵i te g̵ehem te Wag̵as he Mulin-ulin meheg̵et is kebpeebuta niw te langun he meupiya he egkezawat niw keuzemà.

Ruma 5:5

Ne umba kenà egkehimu he kenè tew egkekuwa keuzemà is impenaad kenitew te Megbevayà su pinaag̵i te Wag̵as he Mulin-ulin he imbeg̵ey zin kenitew, egketuusan ta he ingkeg̵ag̵ew ki te Megbevayà.

1 Kurintu 14:12

Ne sikiyu, menge suled, geina te egkesuatan niw he meveg̵ayi kew te menge ketau he ibeg̵ey te Wag̵as he Mulin-ulin, kinahanglan he iyan niw vuyua is menge ketau he ebpekeheg̵et te kedtuu te langun niw te menge tumutuu.

1 Kurintu 14:26

Umba, menge suled, ke edtig̵um kew, iyan heini meupiya he ed-ul-ulahan. Meupiya ke zuen sevaha he andam te kegkanta te kedalig te Megbevayà, ne is sevaha, ebpenurù, ne is sevaha, idseysey zin is impesavut kandin te Megbevayà, ne zuen sevaha he egkag̵i te kineg̵iyan he kenè din egketuenan, ne zuen daan sevaha he edluwas kayi. Ne minsan hengkey he ed-ul-ulahan niw zutun ne kinahanglan he ebpekeheg̵et te kedtuu te menge tumutuu.

2 Kurintu 10:8

Kenè en buwa kinahanglan he egkeg̵iyen ku keniyu he zuen kebayàbayà ku keniyu he imbeg̵ey kedì te Megbevayà. Iyan, ke henduen be te utew subra is idantal ku, kenè ku igkeeled heini su wazè din iyan iveg̵aya kayi te kebayàbayà dini te kediey su wey ku mezezeeti is kedtuu niw, kekenà, imbeg̵ey zin kediey su wey ku melig-eni is kedtuu niw.

2 Kurintu 12:19

Kunaan niw vuwa ke pinaag̵i kayi te egkeg̵iyen ku ibpesavut ku keniyu he wazè dey menge sayep, iyan, kenà iyan heeyan tuyù ku. Su ebpeketistig̵us is Megbevayà he heini is migkag̵i ku keniyu, ne iyan hustu he egkeg̵iyen tenged te kebpekidsevaha ku ki Kristu. Ne, minahal ku he menge suled, insurat ku heini is langun, su wey meheg̵et is kedtuu niw.

2 Kurintu 13:10

Umba ebpesuratan ku sikiyu te zini e pa te meziyù su ke ebpekeuma a ziyan kenè en kinahanglan he meg̵amit ku is keg̵ehem ku te epustul te kedsilut. Imbeg̵ey kedì te Megbevayà heini is keg̵ehem. Kenà iyan imbeg̵aya zin kayi te keg̵ehem su wey maawà is upakat niw te tumutuu, kekenà, wey meheg̵et is upakat niw.

2 Kurintu 7:1

Ne g̵eina te iyan heini impenaad kenita te Megbevayà, ne edlumpiyuwen ta is menge ulaula ta su wey wazà minsan hengkey he meremerik he ulaula te lawa ta wey meremerik he isip ta. Ne ebpurungan ta is ulaula ta su wey meheg̵eti is kebmetazeng ta pinaag̵i te layun ta kedtehuza kandin.

Ipisu 4:12

Umba imbeg̵ey zin heini is menge ketau su wey kiw mehimani ne wey tew meulaula is ebpeveelan kenitew te Megbevayà ne wey melig-eni is kedtuu tew te menge tumutuu he iyan lawa ni Kristu.

Ipisu 4:16

Su iring kiw te lawa, ne sikandin iyan ulu. Ne sikitew is lawa, ne ebpekesarig kiw kandin te ulu. Ne is minsan hengkey he parti kayi te lawa, ne ebpekesarig daan te menge zuma zin he parti. Ne emun hustu is baal zutun te kada sevaha he parti, edtulin haazà is tivuuk he lawa pinaag̵i te kebpekedtetevangà te minsan hendei he parti zin. Ne sikitew zaan, ebpekeiseg is kebpekeiring tew te ulaula ni Kristu pinaag̵i te kebpurungi te kada sevaha te zuma zin.

Ipisu 4:29

Kinahanglan he kenà ebpekezezaat is kebpemèbè niw, kekenà, iyan keg̵iya niw is menge lalag he ebpekeveg̵ey he tavang te kedtuu te menge zuma niw su wey zekelà is pulus diyà te ebpemineg sumalà is egkinehenglanen dan.

Ipisu 5:21

Mebpetetehuzè kew te kada sevaha tenged te kedtahud niw ki Kristu.

Pilipus 2:1

Menge suled, netuenan ku he ingkeheg̵et te kedtuu niw is kebpekidsevaha niw ki Kristu, ne netuenan ku zaan he naawà is menge keseengan niw mehitenged te hizu zin keniyu. Ne netuenan ku zaan he neupakat kew pinaag̵i te Wag̵as he Mulin-ulin, ne ebpekedhihizuwè kew wey ebpelimlimuey kew is menge tumutuu.

Kulusas 1:10

Su emun ebeelan din is iring kayi, ne human egkehimu is menge ulaula niw he zait he menge ulaula te menge etew he neg̵aked te Nengazen tew, ne egkehimu zaan he layun niw egkeveeli is egkesuatan din; layun niw egkeulaula is minsan hengkey he menge meupiya he ulaula. Ne layun daan ed-iseg is kegketueni niw te menge ulaula te Megbevayà.

1 Tiselunika 5:11

Ne g̵eina te netuenan niw en heini peliplipayè kew ne lig-eni niw is kedtuu te uman sevaha keniyu, iring te neveelan niw en.

1 Timoteo 1:4

wey med-engked dan te ked-istudyu te menge sayep he menge g̵ug̵ud, wey te menge melug̵ayad he g̵ug̵ud te kepuun te menge etew. Su emun iyan heini ed-istudyuwan dan ebpekidlewanè dan dà ke hengkey is hustu. Kenà egkehimu he pinaag̵i kayi egketuenan ta is ibpesavut te Megbevayà pinaag̵i te kedtuu.

Hibriyuhanen 4:9

Ne tenged kayi, sikitew is menge sakup te Megbevayà guntaan, nesavut tew en he egkehimu kiw he ebpekeseled wey kiw mekehimeley zuma te Megbevayà iring te midhimeley is Megbevayà dutun te ikepitu he andew.

Hudas 1:20

Ne sikiyu mulà, menge minahal ku he suled, peniguduwi niw is kebpetebtevangè niw su wey meheg̵et is kedtuu niw te tuluuwen he impetuuwan kenitew te Megbevayà. Pekezesen kew ampù pinaag̵i te g̵ehem he ibeg̵ey te Wag̵as he Mulin-ulin.