Nengeulaula 9:27 - Manobo Western Bukidnon

²⁷ Ne midtevangan si Seulu ni Bernabe ne miduma zin diyà te menge epustul ne mibpenudtul zin kandan is kebpaahà te Nengazen ki Seulu ziyà te imbayè din, wey is lalag kandin te Nengazen. Ne midtudtul zin daan he si Seulu, minsan te nekuntada zin is menge Hudiyu diyà te Demasku, wazè din kegkehandek te kedsengyawa zin te kedtuu te ngazan ni Jesus.

Nengeulaula 9:27 Кръстосани препратки

Nengeulaula 11:22

Heini is neulaula, nezineg te menge tumutuu he ziyà te Hiruselim ne midsug̵ù dan si Bernabe ziyà te Entiyukya.

Nengeulaula 11:25

Ne midhendiyà si Bernabe te Tarsu su ebpen-ahaan din si Seulu.

Nengeulaula 12:25

Ne mid-ulì si Bernabe wey si Seulu is ebpuun diyà te inged he Hiruselim hein neipus dan is mibpeveelan kandan, ne miduma zan daan si Juan, sikan is ed-umawen ki Marcos.

Nengeulaula 13:2

Ne zutun te ked-azap dan te Nengazen wey kedsalang dan te egkaan su ed-ampù dan, duen impesavut te Wag̵as he Mulin-ulin kandan. Ke sikandin te, “Ipeveyveyai niw kedì si Bernabe wey si Seulu su wey zan meveeli is ibpeveelan ku kandan.”

Nengeulaula 15:2

Ne si Pablo wey si Bernabe, wazè dan dewata haazà is impenurù dutun te menge etew, ne utew mezesen is kebpekidlewanè dan, umba, is menge tumutuu zutun, midsug̵ù dan si Pablo, si Bernabe, wey is duma pa kandan he medhendiyè dan te Hiruselim wey zan ikeinsà haazà diyà te menge epustul wey menge ebmeg̵urangen te menge tumutuu ziyà.

Nengeulaula 4:13

Ne zutun, haazà is menge punuan he menge Hudiyu, hein neehè dan he kenà egkehandek si Pedro wey si Juan he egkag̵i wey hein netuenan dan he kenà metikang is netunghaan dutun te zezuwa ne kenà metikang is pid-etawan dan, ne nengeinuinu zan. Ne human dan dutun mekilala he menge zuma zengan ni Jesus si Pedro wey si Juan.

Nengeulaula 4:29

Ne ahaa nu man guntaan, Nengazen, is menge pelihandek dan kenami. Iveg̵ey nu kenami g̵untaan te menge sulug̵uen nu is kevurut wey key kenà mahandek te kedsangyew te lalag nu.

Nengeulaula 4:36

Ne zuen duma zan he tigSipru he Hudiyu zaan he kevuwazan duen te tipehuna he si Levi. Iyan ngazan din si Jose ne migeraran te menge epustul ki Bernabe he ke và dà egkeg̵iya, ebpekeveg̵ey te kezesen te kedtuu.

Nengeulaula 9:17

Ne zutun migenat si Eneniyas ne midhendutun te valey ne hein nekeseled midepenetan din si Seulu te egkag̵i te, “Sikew Seulu, is suled ku, midsug̵ù a zini te Nengazen he si Jesus he mibpaahà kenikew ziyà te imbayè nu. Impehendini e zin su wey mepuwasi en is ked-ehè nu, wey ka meulini te Wag̵as he Mulin-ulin.”

Nengeulaula 9:29

Ne ebpekidlalag wey ebpekidibati te menge Hudiyu he Gerisyahanen is kineg̵iyan dan. Ne ed-isipen dan en sikandin edhimetayi.

1 Kurintu 15:8

Ne siak daan, iyan a ketepusan en he mibpaahaan din. Ne zutun te kebpeketuu ku iring a te vatà he neteg̵el is ked-enaka kandin su minsan te kenà a pezem edtuu zutun, neketuu a g̵ihapun.

1 Kurintu 9:6

Ne egkehimu ve he iyan key zà ki Bernabe wazè din ketenged te kebuyù te igkeuyag dey ziyà te ebpekezawat te menge penurù dey?

Gelasya 2:13

Ne iring din ded daan dutun is mid-ulaula te zuma he menge tumutuu he Hudiyu su midlikey zan daan, ne minsan si Bernabe, ne neuwit daan dutun.

Gelasya 2:9

Ne si Santiago, si Pedro, wey si Juan, haazà is menge egalen dutun, hein nesavut dan he insarig kediey te Megbevayà heini is baal ku, mibpekigkumusta zan kenami ki Bernabe he tuus te teltelezuma key pudu is edtuman te ebpeveelan te Megbevayà. Neuyunan dey he iyan key ebpenudtul ziyà te menge etew he kenà Hudiyu ne iyan dan ebpenudtul ziyà te menge Hudiyu.