Nengeulaula 9:23 - Manobo Western Bukidnon

²³ Ne wazà dutun utew meug̵et, mid-uyun is menge Hudiyu he edhimetayan dan si Seulu,

Nengeulaula 9:23 Кръстосани препратки

Nengeulaula 13:50

Ne is menge punuan dutun te inged he Entiyukya wey is menge vai he ed-azap te Megbevayà, midhimu sikandan te menge Hudiyu he mengepauk dan ki Pablo wey ki Bernabe. Ne midsegseg dan haazà is dezuwa zutun te inged.

Nengeulaula 14:19

Ne nekeuma is menge Hudiyu he tig-Entiyukya ziyà te prubinsya he Pisidya wey elin dutun is menge Hudiyu he tig-Ikunya. Midhimu zan he mengepauk engki Pablo haazà is menge etew. Midtuleng dan si Pablo te vatu ne miguyud dan in-awà dutun te inged su kunaan dan ke minatey en.

Nengeulaula 14:2

Ne sikan is menge Hudiyu he wazà medtuu, midhimu zan he mengepauk te menge tumutuu is kenà menge Hudiyu.

Nengeulaula 15:26

Heini is dezuwa, impelavi zan kenà te untung dan is kedtumana zan te ebpeveelan kandan te Nengazen tew he si Jesu Kristu.

Nengeulaula 20:3

Ne zutun sikandin med-ubpà taman te tetelu he vulan. Ne zutun neisip din he ed-untud te barku su edhendiyà te Sirya, ne neisip daan dutun te menge Hudiyu he edekepen dan sikandin dutun te kegenat din, umba, nahalin is gehinawa zin su neisip din maan he edlikù diyà te imbayè din pehendiyà te Mesidunya.

Nengeulaula 23:12

Ne hein nepawà midtig̵um is menge Hudiyu su zuen pezem ed-ul-ulahan dan ki Pablo. Ke sikandan te, “Kenè kiw egkaan wey ed-inum taman te kenè tew pa egkepatey si Pablo.”

Nengeulaula 9:16

Ne ibpesavut ku kandin he mezakel is menge kemereg̵enan he egkeeg̵iyan din tenged te sulug̵uen ku sikandin.”

Nengeulaula 9:22

Ne si Seulu, mid-iseg is gehem din te kebpesavut te Lalag te Megbevayà ne kenà sikandin egkezaag te menge Hudiyu ziyà te Demasku su melig-en is menge ketezengan din he si Jesus, iyan sikan is mibpilì te Megbevayà he ibpahadì.

2 Kurintu 11:26

Ne zutun te menge kedhipanew ku ne nengeeg̵iyan ku is mezakel he menge kemereg̵enan tenged te kedalem te wahig, wey tenged te menge tulisan, wey tenged te menge kuntada ku he menge zuma ku he Hudiyu wey menge kenà Hudiyu. Mezakel is menge hitavù kediey ziyà te menge inged wey ziyà te wazà meg̵inged wey ziyà te zag̵at wey pinaag̵i te menge tarù he tumutuu.