Nengeulaula 9:22 - Manobo Western Bukidnon

²² Ne si Seulu, mid-iseg is gehem din te kebpesavut te Lalag te Megbevayà ne kenà sikandin egkezaag te menge Hudiyu ziyà te Demasku su melig-en is menge ketezengan din he si Jesus, iyan sikan is mibpilì te Megbevayà he ibpahadì.

Nengeulaula 9:22 Кръстосани препратки

Lucas 21:15

Su iyan e en metau te idtavak niw te menge insè dan. Ne ibeg̵ey ku zutun keniyu is ketau te ked-isip-isip wey kew meketavak. Ne zutun haazà is menge kuntada niw, kenè dan ebpeketavak te ketezengan niw ne kenè dan daan ebpekepeg̵intarù te tutuu he egkeg̵iyen niw.

Nengeulaula 18:5

Ne hein nekeuma si Silas wey si Timoteo is ebpuun te Mesidunya, wazà duma he vaal ni Pablo, kekenà, iyan dà is kebpesevuta zin te Lalag te Megbevayà su ibpeehè din te menge Hudiyu he tutuu iyan he iyan si Jesus sikan is mibpilì te Megbevayà he ibpahadì.

Nengeulaula 28:23

Ne midtelaan dan is andew ne hein netuman haazà, mezakel is menge Hudiyu he nengetig̵um dutun te ed-ubpaan ni Pablo. Ne nehepunan si Pablo is edseysey wey ebpesavut kandan ke egkemenumenu is kedhadì te Megbevayà. Impesavut din kandan is insurat dengan ni Moises dutun te kesug̵uan wey is insurat daan te ebpemeneuven te Megbevayà su wey meketuu sikandan he iyan si Jesus sikan is hadì.

Nengeulaula 9:20

Ne zutun midseled te simbahan te menge Hudiyu ne impenurù din is keag̵i ni Jesus. Ne ke sikandin te, “Si Jesus, Anak te Megbevayà.”

Nengeulaula 9:21

Ne nengeinuinu is langun he nekezineg kandin ne mibpein-inseey zan te, “Kenè be heini kes etew he mibpesipelahan din is langun diyà te Hiruselim he ed-zap ki Jesus? Umba kun midhendini te Demasku su edekepen din is langun he edtuu ki Jesus ne ed-uwiten din kun diyà te Hiruselim ne ibpeetuvang din sikandan te menge punuan he menge memumuhat.”

Nengeulaula 9:23

Ne wazà dutun utew meug̵et, mid-uyun is menge Hudiyu he edhimetayan dan si Seulu,

Nengeulaula 9:27

Ne midtevangan si Seulu ni Bernabe ne miduma zin diyà te menge epustul ne mibpenudtul zin kandan is kebpaahà te Nengazen ki Seulu ziyà te imbayè din, wey is lalag kandin te Nengazen. Ne midtudtul zin daan he si Seulu, minsan te nekuntada zin is menge Hudiyu diyà te Demasku, wazè din kegkehandek te kedsengyawa zin te kedtuu te ngazan ni Jesus.

1 Kurintu 1:27

Ne minsan pa zutun mibpilì kew te Megbevayà wey kew melibri. Su is menge etew he kunaan te kezekelan ke kenà memetau, iyan mibpilì te Megbevayà su wey mengeeled is uvag memetau. Ne haazà is menge etew he kunaan te kezekelan ke wazà utew egkehimu, mibpilì din daan su wey mengeeled is menge zuen dan uvag gehem.

Gelasya 1:18

Ne tetelu pa zutun he tuig ne human a medhendiyà te inged he Hiruselim wey a mekepenumbaley ziyà te ki Pedro ne ziyà a te kandin taman dà te zezuwa he simana.

Pilipus 4:13

Egkehimu ku is minsan hengkey he ibpeulaula kedì tenged te tavang ni Kristu he iyan edlig-en kedì.

1 Timoteo 1:12

Ebpeselematan ku is Nengazen tew he si Jesu Kristu su mibeg̵ayan e zin te zesen wey ku metuman heini is ebpeveelan din kedì. Mid-isip e zin he metinumanen ne tenged kayi intezù e zin he sulug̵uen din.