Nengeulaula 9:17 - Manobo Western Bukidnon

¹⁷ Ne zutun migenat si Eneniyas ne midhendutun te valey ne hein nekeseled midepenetan din si Seulu te egkag̵i te, “Sikew Seulu, is suled ku, midsug̵ù a zini te Nengazen he si Jesus he mibpaahà kenikew ziyà te imbayè nu. Impehendini e zin su wey mepuwasi en is ked-ehè nu, wey ka meulini te Wag̵as he Mulin-ulin.”

Nengeulaula 9:17 Кръстосани препратки

Mateo 19:13

Duen menge vatà he mid-uwit te menge etew ziyà te ki Jesus wey zin mezepeneti te palad din wey mepenubtuvazi. Ne midawey heini te menge sumusundan din.

Marcos 5:23

Ne midhengyuan din si Jesus te, “Is anak ku he vahi he edrag̵arag̵e en, ne edluwàluwè en te g̵ehinawa. Edhengyuan ku sikew he hendiyè ka te valey ku wey nu penemsama wey meulii ne meuyag.”

Marcos 6:5

Umba, wazà egkein-inuwan he ingkepaahà ni Jesus dutun he inged. Pira zà dutun he egkengezeruwan is midepenetan din te velad din ne nengeulian sikandan.

Lucas 1:41

Ne hein nezineg ni Elisabet haazà is kebpenelehuzan ni Maria ne midredsà medleg̵uwat haazà is batà diyà te g̵etek ni Elisabet. Ne zutun nepurung si Elisabet meulini te Wag̵as he Mulin-ulin.

Lucas 1:67

Ne zutun nepurung meulini is amey zin he si Zacarias te Wag̵as he Mulin-ulin ne migkag̵i zin haazà is impinted kandin ne ke sikandin te,

Lucas 1:76

Ne zutun migkeg̵iyan ni Zacarias haazà is anak din te, “Ne sikew, anak ku, iyan ka egeraran keuzemà he ebpeneuven te utew lavew he Megbevayà. Edsug̵uen ke zin he ibpehuna zuen te Nengazen tew su wey nu mekeg̵iyi is menge etew he endami zan is kebpekeuma zin.

Lucas 15:30

Iyan, heini is anak nu he nekelaga te menge azen nu tenged te kebpengumpadi zin te menge vahi, ne iyan nu mulà midlepaan te impelambù nu he nati!’

Lucas 15:32

Ne kenè ta egkeeg̵en is kelipey ta, su heini is hazi nu, ne iring sikandin te minatey, ne g̵untaan neuyag̵an en. Netazin sikandin, ne g̵untaan neturedu en.’ ”

Lucas 2:11

Su kayi te kezukileman in-anak diyà te Bitlihim he iyan inged ni Hadì David dengan, is Nengazen he iyan kes mibpilì te Megbevayà he ibpahadì. Iyan sikandin edlibri keniyu te silut te Megbevayà.

Nengeulaula 10:36

Netuenan niw en is Meupiya he Tudtulanen he impesavut te Megbevayà kenami te menge kevuwazan ni Israyil su pinaag̵i ki Jesu Kristu he iyan Nengazen te langun he menge etew, impesavut din he egkeawà is pauk te Megbevayà kenitew.

Nengeulaula 13:3

Ne mid-uman dan medsalang te egkaan ne mid-ampù dan diyà te Megbevayà, ne zutun indepenet dan is belad dan ki Bernabe wey ki Seulu ne impeg̵enat dan sikandan.

Nengeulaula 13:52

Ne is menge sumusundan ni Jesus he netag̵ak diyà te inged he Entiyukya, mid-ulinan te Wag̵as he Mulin-ulin ne utew zekelà is kelipey zan.

Nengeulaula 19:6

Ne zutun mibpendepenetan ni Pablo te velad din is menge purù dan, ne mid-ulinan sikandan te Wag̵as he Mulin-ulin ne netekewtekew zan mekekag̵i te menge kineg̵iyan he kenè dan egkesavut. Ne midtudtul zan is impesavut kandan te Megbevayà.

Nengeulaula 2:4

Ne mibpurungan ulini te Wag̵as he Mulin-ulin is kada sevaha kandan, ne netekewtekew zan pintezi te menge kineg̵iyan he kenè dan egketuenan sumalà is gehem he imbeg̵ey kandan te Wag̵as he Mulin-ulin.

Nengeulaula 21:20

Ne hein nezineg dan haazà is tudtul ni Pablo, nemekezalig dan te Megbevayà. Ne migkeg̵iyan dan si Pablo te, “Netuenan nu, Suled, he utew zaan mezakel is menge zuma tew he Hudiyu he nemeketuu en ki Jesus, ne mibpurungan dan tumana is imbilinbilin kenitew he kesug̵uan.

Nengeulaula 26:15

Ne ke siak te, ‘Hentei ka?’ Ne midtavak is Nengazen te, ‘Iyan a si Jesus, is ebpesipelahan nu.

Nengeulaula 4:31

Ne hein nekeampù dan, ne neg̵ezam dan he egkehuyung haazà is baley he netig̵uman dan. Ne mibpurungan ulini te Wag̵as he Mulin-ulin is kada sevaha kandan, ne wazè dan ikehandek is kedsengyawa zan te Lalag te Megbevayà.

Nengeulaula 6:6

Ne impeetuvang dan diyà te menge epustul haazà is nengepilì dan ne in-ampù sikandan te menge epustul ne midepenetan sikandan dutun te menge epustul su iyan haazà paag̵i te kebeg̵ayi kandan te keg̵ehem.

Nengeulaula 8:17

Ne midepenetan sikandan ni Pedro wey ni Juan ne puun dutun mid-ulinan sikandan te Wag̵as he Mulin-ulin.

Nengeulaula 9:18

Ne zutundutun henduen be te zuen nelekat diyà te mata ni Seulu ne nepuwasan is ked-ehè din. Ne mid-enew ne mibpebewtismu.

Ruma 15:7

Is menge zuma niw he tumutuu, ne zewata niw he iring te menge tempezè niw en te pused niw su midawat kew zaan ni Kristu he iring te tempezè din en te pused. Ne emun ed-ul-ulahan niw heini egkezalig is Megbevayà.

1 Kurintu 15:47

Ne haazà is nehuna he etew he si Adan, linimbag sikandin ne is limbag̵an din ne iyan is tanà, iyan, haazà is etew he ed-ilis kandin he iyan si Kristu, ne ebpuun sikandin mulà diyà te langit.

1 Kurintu 15:8

Ne siak daan, iyan a ketepusan en he mibpaahaan din. Ne zutun te kebpeketuu ku iring a te vatà he neteg̵el is ked-enaka kandin su minsan te kenà a pezem edtuu zutun, neketuu a g̵ihapun.

1 Kurintu 9:1

Intug̵ut kedì he iyan a ebayàbayà te ebeelan ku su zuen ku keg̵ehem te kegkeepustul. Iyan inggerari kedì he epustul su mibpaahà kedì dengan si Jesus is Nengazen tew. Ne kenà dutun dà taman su pinaag̵i kedì nemeketuu kew te Nengazen.

1 Timoteo 4:14

Kenè nu lipati haazà is ketau he imbeg̵ey zengan kenikew te Megbevayà pinaag̵i te kebpenuvadtuvad te ebpeneuven wey pinaag̵i te kedempaa kenikew te menge ebmeg̵urangen.

1 Timoteo 5:22

Kinahanglan he kenè nu zegdeg̵usuwi is kebpilì nu te ed-uwit te menge tumutuu su ke ebpekesalà sikandin iyan ka egkevesulan. Ne kinahanglan he wazà igkevesuli kenikew he iring kayi.

2 Timoteo 1:6

Ne tenged dutun kenè nu lipati he kinahanglan he g̵emita nu is ketau nu he imbeg̵ey zengan kenikew te Megbevayà dutun te kedlilai ku kenikew pinaag̵i te kedempaa ku te purù nu.

Pilimun 1:16

Ne g̵untaan kenà sikandin uripen nu zà duen, kekenà, utew pa mahal kenà is uripen su suled nu en daan tenged te kedtuu zin ki Kristu. Utew sikandin mahal zini te g̵ehinawa ku ne mahal pa zaan diyan te kenikew, kenà tenged dà te uripen nu, kekenà, tenged daan te suled nu en tenged te Nengazen.

Hibriyuhanen 6:2

Kenè tew ed-ul-ulitan is ked-istudyu te kebpemewtismu, wey is kedewata te Wag̵as he Mulin-ulin, is kegkevenhawa kenita keuzemà, wey is kedsusiya te Megbevayà keuzemà te tivuuk he menusiyà,

2 Pedro 3:15

Kenè niw lipati he iyan ibpelevaya te Megbevayà kenitew su wey melibri ki te silut din. Iyan daan heini impesavut keniyu te emig̵u tew he si Pablo zutun te surat he impeuwit din keniyu. Impinted heini kandin te Megbevayà.