Nengeulaula 8:39 - Manobo Western Bukidnon

³⁹ Ne hein migaun dan dutun te wahig, intik-ew in-awà dutun si Felipe te Wag̵as he Mulin-ulin ne nahanew te ked-ahà dutun te upisyal. Ne haazà is upisyal, midlaus pehendiyà te inged din ne utew zekelà is kelipey zin.

Nengeulaula 8:39 Кръстосани препратки

Mateo 13:44

Is kedhadì te Megbevayà ne iring daan te vulawan he inggadung diyà te pemuleey. Duen etew he neketuredu zutun ne midtembunan din umani he utew sikandin nelipey ne mid-ulì ne imbelegyè din is langun he menge azen din ne midlikù dutun ne mibpemasa zin haazà is pemuleey.

Mateo 3:16

Ne si Jesus, hein nebewtismuwan en, migaun dutun te wahig. Ne zutun nepuwasan is langit ne naahà ni Jesus is Wag̵as he Mulin-ulin he Megbevayà he iring te merepatik he edlugtanà diyà te kandin ne midlatun diyà te kandin.

Marcos 1:10

Ne te egaun en si Jesus dutun te wahig, segugunè din naahà is langit he nepuwasan ne is Wag̵as he Mulin-ulin, edlugtanà diyà te kandin he iring te merepatik.

Nengeulaula 13:52

Ne is menge sumusundan ni Jesus he netag̵ak diyà te inged he Entiyukya, mid-ulinan te Wag̵as he Mulin-ulin ne utew zekelà is kelipey zan.

Nengeulaula 16:34

Impepemenahik din si Pablo wey si Silas diyà te valey zin ne impekaan din. Ne sikandin wey haazà is pemilya zin, utew zan nengelipey su neketuu zan en te Megbevayà.

Nengeulaula 8:29

Ne zutun migkeg̵iyan si Felipe te Wag̵as he Mulin-ulin te, “Hendiyè ka ne uvayi nu heeyan is kelisa.”

Nengeulaula 8:38

Ne impeteren din haazà is kelisa ne mibpenaug dan is dezuwa, si Felipe wey haazà is upisyal, ne midhendutun dan te wahig ne mibewtismuwan sikandin ni Felipe.

Nengeulaula 8:8

Ne utew nengelipey is menge etew zutun he inged.

Ruma 5:2

Tenged te kedtuu tew ki Jesus midhimu zin en he meg̵eg̵awi kenitew is Megbevayà. Umba zekelà is kelipey ta su egkeperateng ta he keuzemà ebpekeambit ki te utew kegkelavew te Megbevayà.

Pilipus 3:3

Iyan kiw kes tutuu he menge sakup te Megbevayà, ne kenà iyan sikandan, su pinaag̵i te Wag̵as he Mulin-ulin ed-azap kiw te Megbevayà ne edlipey kiw tenged te upakat tew ki Jesu Kristu. Ne kenè tew iyan edserig̵an is kelibutanen he ulaula iring te kebpesirkunsidar.

Pilipus 4:4

Egkeg̵iyan ku sikiyu he sigudu kew lipey tenged te kebpekidsevaha niw te Nengazen, su meupiya ke zekelà layun is kelipey niw.

Santiago 4:16

Iyan, sikiyu mulà, memepedelig̵en su idantal niw is ed-ul-ulahan niw, ne mezaat is iring dutun.