Nengeulaula 8:35 - Manobo Western Bukidnon

³⁵ Ne zutun midseysayan sikandin ni Felipe. Midhunaan din haazà is ebesahan te upisyal ne impesavut din kandin is Meupiya he Tudtulanen te keag̵i ni Jesus.

Nengeulaula 8:35 Кръстосани препратки

Mateo 5:2

ne mibpenurù din sikandan.

Lucas 24:27

Ne zutun midseysey ni Jesus kandan ke hengkey is langun he menge lalag te Megbevayà mehitenged kandin he insurat te langun he menge ebpemeneuven te Megbevayà igenat dà ki Moises dengan taman te huziyan he menge ebpemeneuven.

Nengeulaula 10:34

Ne zutun migkag̵i si Pedro te, “Netuenan ku en he venar iyan he wazà ibpelavi te Megbevayà te minsan hentei,

Nengeulaula 11:20

Ne tigSipru wey tigSirini is duma zutun te nemelag̵uy. Ne hein nekeuma zan diyà te Entiyukya, mibpenudtulan dan daan is menge kenà Hudiyu; ne impesavut dan is keag̵i te Nengazen tew he si Jesus.

Nengeulaula 17:18

Ne zuen dutun menge menunudlù te menge penurù dengan ni Ipikuranu wey ni Sinu. Mibpekidibati zan daan ki Pablo. Ne is duma zutun egkag̵i te, “Paglung heini he mepedelig̵en. Hengkey vuwa pezem is egkeg̵iyen din?” Ne is duma egkag̵i te, “Iyan buwa ibpesavut din is menge selakew pa he menge ziwata he edsimbahan diyà te meziyù he inged.” Umba egkekag̵i zan haazà su impesavut kandan ni Pablo is keag̵i ni Jesus wey is kegkevanhew zin.

Nengeulaula 18:28

Su utew mezesen is menge ketezengan din dutun te insurat he Lalag te Megbevayà he iyan si Jesus sikan is mibpilì te Megbevayà he ibpahadì. Ne pinaag̵i zutun, diyà te etuvangan te mezakel he menge etew, nezaag din is menge Hudiyu he mibpekidibati kandin.

Nengeulaula 19:13

Ne zuen menge Hudiyu he ebpenhipanew su ebewian dan is menge etew he edlelungen te mezaat he mulin-ulin. Ne neisip dan is egezaman dan ebewii is edlelungen te mezaat he mulin-ulin he egemiten dan is ngazan ni Jesus. Ne migkeg̵iyan dan is mezaat he mulin-ulin te, “Pinaag̵i te g̵ehem te ngazan ni Jesus he idsangyew ni Pablo, ewai nu en heeyan he etew.”

Nengeulaula 28:23

Ne midtelaan dan is andew ne hein netuman haazà, mezakel is menge Hudiyu he nengetig̵um dutun te ed-ubpaan ni Pablo. Ne nehepunan si Pablo is edseysey wey ebpesavut kandan ke egkemenumenu is kedhadì te Megbevayà. Impesavut din kandan is insurat dengan ni Moises dutun te kesug̵uan wey is insurat daan te ebpemeneuven te Megbevayà su wey meketuu sikandan he iyan si Jesus sikan is hadì.

Nengeulaula 3:20

Ne edsug̵uen din dini te kenitew si Jesus he iyan kes mibpilì din he ibpahadì kenitew.

Nengeulaula 5:42

Ne te kada andew ziyè dan gihapun te simbahan wey ziyà te menge valey is ebpenurù te Meupiya he Tudtulanen te keag̵i ni Jesus, sikan is mibpilì te Megbevayà he ibpahadì.

Nengeulaula 8:34

Ne mid-insà haazà is upisyal ziyà te ki Felipe te, “Hentei vuwa is egkeg̵iyen kayi te ebpeneuven te Megbevayà? Iyan be sikandin wey ke selakew en be he etew?”

Nengeulaula 9:20

Ne zutun midseled te simbahan te menge Hudiyu ne impenurù din is keag̵i ni Jesus. Ne ke sikandin te, “Si Jesus, Anak te Megbevayà.”

1 Kurintu 1:23

Ne sikitew mulà, ibpenurù tew is mehitenged ki Kristu he inransang te krus. Is menge Hudiyu, igkeepes dan utew heini ne is menge Gerisyahanen ne kunaan dan ke tarù ne wazè din pulus.

1 Kurintu 2:2

Su neisip ku he iyan ku zà ibpesavut diyan is penurù mehitenged ki Jesu Kristu wey is kedrensanga kandin te krus.

2 Kurintu 6:11

Sikiyu is menge suled ku ziyan te Kurintu, wazè dey ieles keniyu is isip dey. Layun kew mahal zini te g̵ehinawa zey.

Ipisu 4:21

Tutuu iyan he impesavut keniyu is keag̵i ni Kristu ne impesavut daan keniyu is tutuu he tuluuwen he impenurù din.