Nengeulaula 8:32 - Manobo Western Bukidnon

³² Iyan ebesahan dutun te upisyal is insurat ni Esaias dengan he edhenduen te, “Iring sikandin te vuutan he kerehidu he migkuwa zan su edhimetayan. Ne wazà migkag̵i zin su iring sikandin te nati he kerehidu he kenà ed-erang ke ed-elutan.

Nengeulaula 8:32 Кръстосани препратки

Lucas 23:34

Ne zutun te kemulu zan pa idransang si Jesus, ne mid-ampù sikandin diyà te Megbevayà, ke sikandin te, “Amey ku, peseyluwa nu sikandan su wazè dan metueni ke hengkey heini is ed-ul-ulahan dan.” Ne zutun, haazà is midransang kandin, midripa zan ke hentei is ebpekeangken te menge ugelingen ni Jesus.

Juan 1:29

Hein mid-ilis he andew zutun, naahà ni Juan si Jesus he edhendiyà te kandin, ne ke si Juan diyà te menge etew, “Iyan heini sikan is etew he egngezanan te ibpemuhat he Nati he Kerehidu he ibeg̵ey te Megbevayà su pinaag̵i kandin egkeawà is menge memezaat he ulaula te menusiyà.

Nengeulaula 8:31

Ne midtavak haazà is upisyal te, “Ebmenumenu a te kedsavut kayi te wazà edseysey kedì?” Ne impeuntud din si Felipe.

Ruma 8:36

Su zuen insurat dengan he Lalag te Megbevayà he edhenduen te, “Tenged te midtuuwan dey sikew, layun key hapit edhimetayi te menge etew. Iring key te ayam he kerehidu he in-andam te kedlepaa su ebpespesesag̵ad key zà ke keenu key edhimetayi.”

1 Kurintu 15:3

Ne lavew kayi te langun he impesavut ku keniyu, haazà is impenurù daan kediey. Ne iyan is: si Kristu, mibpehimatey su wey kiw melibri te silut mehitenged te menge salè tew sumalà is impesavut dengan te insurat he Lalag te Megbevayà.

1 Pedro 1:19

Iyan imbelukas din si Kristu he impelengesa he utew mevali. Iring sikandin te nati he kerehidu he wazà igkesawey zuen he impemuhat.