Nengeulaula 8:31 - Manobo Western Bukidnon

³¹ Ne midtavak haazà is upisyal te, “Ebmenumenu a te kedsavut kayi te wazà edseysey kedì?” Ne impeuntud din si Felipe.

Nengeulaula 8:31 Кръстосани препратки

Marcos 10:15

Benar is egkeg̵iyen ku keniyu he ke zuen etew he kenà iring is kedsarig din te Megbevayà te kedsarig te zeisey he vatà, ne kenà egkehedian haazà is etew te Megbevayà.”

Nengeulaula 8:30

Ne hein nekeuvey si Felipe zutun, nezineg din haazà is upisyal he ebasa zutun te insurat ni Esaias. Ne ke si Felipe te, “Egkesavut nu ve heeyan is ebesahan nu?”

Nengeulaula 8:32

Iyan ebesahan dutun te upisyal is insurat ni Esaias dengan he edhenduen te, “Iring sikandin te vuutan he kerehidu he migkuwa zan su edhimetayan. Ne wazà migkag̵i zin su iring sikandin te nati he kerehidu he kenà ed-erang ke ed-elutan.

Ruma 10:14

Iyan, kenà egkehimu he ebpetavang te Nengazen tew he si Jesu Kristu is menge etew he wazà meketuu kandin. Ne kenà daan egkehimu he edtuu te Nengazen is menge etew he wazè pa metudtuli mehitenged kandin. Ne kenà sikandan egkeumahan te tudtul ke wazà ebpenudtul ziyà te kandan.

1 Kurintu 3:18

Kinahanglan he kenè kew mebpetazin te menge ulaula niw su ke zuen sevaha keniyu he ed-isipen din he zuen ketau zin te ked-isip sumalà is ked-isipa kandin te zuma zin he menusiyà, deyzey ke ed-engkezan din is kandin he ketau wey sikandin mehimu he etew he kenà metau sumalà is ked-isipa kandin te menge etew. Ne human egkehimu sikandin he metau iyan he venar.

1 Kurintu 8:2

Is etew he kunaan din ke zekelè en is netuenan din, is hustu he ibpesavut pezem kandin te Megbevayà, wazè din pa metueni.

Santiago 1:10

Kinahanglan he mebmelipayen daan is sepian he tumutuu emun ibpekevavà sikandin te Megbevayà; su is sepian, egkeawà daan sikandin keuzemà iring te kevukad te sagbet.

Santiago 1:21

Engkezi niw en is minsan hengkey he meremerik he ulaula wey is kelelalung. Pesakup kew te Megbevayà; hemeni niw is lalag din he impesavut en keniyu su iyan ebpekelibri keniyu te silut.