Nengeulaula 8:30 - Manobo Western Bukidnon

³⁰ Ne hein nekeuvey si Felipe zutun, nezineg din haazà is upisyal he ebasa zutun te insurat ni Esaias. Ne ke si Felipe te, “Egkesavut nu ve heeyan is ebesahan nu?”

Nengeulaula 8:30 Кръстосани препратки

Mateo 13:19

Ke zuen menge etew he egkezineg dan is lalag mehitenged te kedhadì te Megbevayà, iyan, kenè dan edsevuten, ne iring haazà te venì he ziyà mengeulug te zalan. Edlepew si Setanas ne ed-eg̵awen din haazà is lalag he nezineg dan.

Mateo 13:23

Ne sikan is benì he ziyà mengeulug te meupiya he tanà, ne iyan is Lalag te Megbevayà he is nemekezineg duen, nesavut dan, ne ebpulus diyà te kandan. Is duma, ne ebpulus te zeisek diyà te kandan; ne is duma, ne ebpulus te malù dekelà; ne is duma, ebpulus te utew zekelà diyà te kandan.”

Mateo 13:51

Ne mid-insaan ni Jesus is menge sumusundan din te, “Egkesavut niw ve heini is egkeg̵iyen ku?” “Uya, Datù, egkesavut dey,” ke sikandan.

Mateo 15:10

Ne zutun mid-umew ni Jesus is mezakel he menge etew zutun he med-uvey zan diyà te kandin. “Pemineg kew,” ke sikandin, “wey niw mesavut.

Mateo 24:15

Si Daniel, sikan is ebpeneuven te Megbevayà dengan, netagnè din is egngezanan te melimezang he ebpekekaid. (Is ebpekevasa kayi te netagnè din, kinahanglan he sevuta zutun te nekevasa haazà is nevasa zin.) Ne emun egkeehè niw he ziyè en heini ebpekehitindeg te Valey te Megbevayà,

Marcos 13:14

Ne is egngezanan te melimezang he ebpekekaid, emun egkeehè niw he ziyè en haazà te simbahan he Valey te Megbevayà he wazà itug̵ut kandin, ne sikan is diyà te prubinsya he Hudiya, mebpelag̵uy zan pehendiyà te vuntud. (Is ebpekevasa kayi te tagnà dengan mehitenged kayi, kinahanglan he sevuta zin.)

Juan 4:34

“Iring te egkekaan ku,” ke si Jesus, “is kedtumana ku te egkesuatan te Megbevayà he midsug̵ù kediey wey is kedhimesaza ku te impeveelan din kediey su iyan ibmezesen ku.

Juan 5:39

Ed-istudiyuwan niw is ingkesurat he lalag din su kunaan niw ke tenged dutun ebpekeangken kew te untung he wazà pidtemanan. Edtistig̵usan a te insurat he Lalag te Megbevayà,

Nengeulaula 8:27

Ne migenat dutun si Felipe. Ne zuen dutun etew he tig-Itiyupya he midhendiyà te Hiruselim su edsimba te Megbevayà. Upisyal sikandin he sinerig̵an te kendaki he ke và dà egkeg̵iya, bai, diyà te Itiyupya. Insarig kandin te vai is langun he ketig̵eyunan din. Ne hein ed-ulì en haazà is upisyal he ed-untud te kelisa ebesahan din sikan is libru he insurat dengan ni Esaias he ebpeneuven te Megbevayà.

Nengeulaula 8:29

Ne zutun migkeg̵iyan si Felipe te Wag̵as he Mulin-ulin te, “Hendiyè ka ne uvayi nu heeyan is kelisa.”

Nengeulaula 8:31

Ne midtavak haazà is upisyal te, “Ebmenumenu a te kedsavut kayi te wazà edseysey kedì?” Ne impeuntud din si Felipe.

Nengeulaula 8:5

Ne si Felipe, is sevaha kayi, ne midhendiyà sikandin te inged dutun te prubinsya he Semarya ne inwali zin diyà te menge tigSemarya ke hentei sikan is mibpilì te Megbevayà he ibpahadì.

1 Kurintu 14:19

Iyan, minsan pa zutun, emun diyà a te ketig̵uman te menge tumutuu, kenè ku egemiten su meupiya pa zutun is kegkeg̵iya ku te minsan lelima zà he lalag he egkesavut he ebpeketavang te menge zuma ku, kenà is kegkeg̵iya te liblibuwen he menge lalag he kenà egkesavut.

Ipisu 5:17

Kenè niw ul-ulaha is wazè din pulus he ulaula, kekenà, purungi niw sevuta ke hengkey is ebpeveelan keniyu te Megbevayà.

Impezayag 13:18

Iyan dà ebpekesavut dutun is etew he mibeg̵ayan te Megbevayà te ketau. Sikan is uluwanen, egkesavut din is kehulug̵an dutun te lumiru te langgam su lumiru haazà te menusiyà. Ne haazà is lumiru, ne heenem he g̵atus wey keneman wey heenem.