Nengeulaula 8:21 - Manobo Western Bukidnon

²¹ Wazè nu kelavet wey ketenged kayi te ebpeveelan kenami su netuenan te Megbevayà he kenà metazeng is egkeisip nu.

Nengeulaula 8:21 Кръстосани препратки

Lucas 1:6

Si Zacarias wey haazà is esawa zin, metazeng sikandan he etew su wazà igkesawey zutun te kebpurungi zan te edtuman te langun he menge tulumanen wey menge sug̵ù te Megbevayà.

Juan 21:17

Ne mid-uman megkag̵i si Jesus te iketelu te, “Simon, anak ni Juan, mahal e ve utew ziyan te g̵ehinawa nu?” Ne mibmesakit is gehinawa ni Pedro zutun te iketelu he ked-ul-uliti ni Jesus te, “Mahal e ve utew ziyan te g̵ehinawa nu?” Ne midtavak si Pedro te, “Netuenan nu is langun; netuenan nu he mahal ka zini te g̵ehinawa ku.” Ne migkeg̵iyan sikandin ni Jesus te, “Semaki nu is menge kerehidu ku.

Nengeulaula 8:37

Ne midtavak si Felipe te, “Egkehimu emun hustu en is kedtuu nu.” Ne midtavak haazà is upisyal te, “Neketuu ad; edtuuwan ku he Anak te Megbevayà si Jesu Kristu.”

Ipisu 5:5

Su ibpesavut ku keniyu is utew tutuu. Is etew he meremerik is ulaula zin wey ke edhilavet te kenè din esawa, ne kenà sikandin egkehedian ni Kristu wey te Megbevayà. Ne iring din ded daan is leg̵ezen he etew su is menge vutang he igkeleg̵ezi zin, egkehimu he menge megbevayè din.

Hibriyuhanen 4:13

Is Megbevayà, kenà sikandin egkeelesan te minsan hengkey. Egkeehè din layun is minsan hengkey he ed-ul-ulahan ta. Ne ke minsan hengkey is ed-ul-ulahan ta, iyan sikandin edsusi.

Impezayag 2:23

Ne is menge sumusundan din, edhimetayan ku. Is menge tumutuu ziyan te langun he menge inged, egketuenan dan he iyan a nesayud ke hengkey is diyà te isip wey g̵ehinawa te etew. Ibeg̵ey ku ziyà te kada sevaha is engayan he igkeveg̵ey kandin sumalà te menge ulaula zin.

Impezayag 20:6

Utew egkengelipey wey edtuvazan te Megbevayà haazà is egkengevanhew zutun te egkehuna he kegkevanhew. Kenè dan en ebpekeragkes duen te ikezuwa he kemetayen he iyan sikan is ranew he regreg. Menge memumuhat sikandan he ed-azap te Megbevayà wey ki Kristu. Ne ebpekehadì dan duma ki Kristu seled te nengkelibu he tuig.

Impezayag 22:19

Ne ke zuen minsan hentei he id-awè din kayi te ibpesavut he impezayag kediey is minsan hengkey, id-awà daan te Megbevayà is kandin he vahin dutun te veg̵as duen te kayu he ebpekeveg̵ey te untung he nekag̵i kayi. Ne id-awà daan diyà te kandin is ketenged din te ked-ubpà dutun te inged te Megbevayà he nekag̵i kayi te libru.