Nengeulaula 7:59 - Manobo Western Bukidnon

⁵⁹ Ne zutun te kedtulenga zan ki Esteban, nengumew-umew sikandin te Nengazen. Ke sikandin te, “He Jesus he Nengazen ku, dewata nu is gimukud ku.”

Nengeulaula 7:59 Кръстосани препратки

Lucas 23:46

Ne zutun ne migkulahì si Jesus is egkag̵i te, “Amà, ibpeg̵ewezan ku en kenikew is gimukud ku.” Ne iyan dà haazà ne naawà is gehinawa zin.

Nengeulaula 2:21

Ne zutun he timpu, is minsan hentei he ebpehizuhizu kediey te Nengazen, edlibriyen ku sikandin te silut.” ’ ”

Nengeulaula 22:16

Ne kenè ka medlanganlangan, kuwa ke en wey ka mebewtismuwi. Pengumew-umew ka te Nengazen wey ka mepesaylu te menge salè nu.’

Nengeulaula 9:14

Ne midhendini te Demasku su intug̵ut kandin te menge punuan he memumuhat is kebpendekepa te langun he ebpengumew-umew kenikew.”

Nengeulaula 9:21

Ne nengeinuinu is langun he nekezineg kandin ne mibpein-inseey zan te, “Kenè be heini kes etew he mibpesipelahan din is langun diyà te Hiruselim he ed-zap ki Jesus? Umba kun midhendini te Demasku su edekepen din is langun he edtuu ki Jesus ne ed-uwiten din kun diyà te Hiruselim ne ibpeetuvang din sikandan te menge punuan he menge memumuhat.”

2 Timoteo 2:22

Iniyug̵i nu is menge mezaat he kebayà te menge menguhed. Hemeni nu is metazeng he ulaula; layun ka sarig te Megbevayà; mahala nu ziyà te g̵ehinawa nu is minsan hentei he tumutuu; peniguduwi nu he melinew is kedepitè niw te menge zuma nu su iyan heini menge ulaula te langun he menge etew he ebpetavang te Megbevayà tenged te iyan dà egkesuatan dan is kedtumana zan te menge sug̵ù din.