Nengeulaula 7:56 - Manobo Western Bukidnon

⁵⁶ Ne ke si Esteban te, “Ahaa niw man! Egkeehè ku en is langit he nepuwasan ne zutun is Kakey te Menusiyà he edhithitindeg te zapit te egkekewanan te Megbevayà.”

Nengeulaula 7:56 Кръстосани препратки

Mateo 25:31

Siak is Kakey te Menusiyà, dutun te kedlikù ku he utew zekelà is gehem te ked-anlag ku wey edumahan ad te langun he menge velinsug̵uen ku, ebpinuu ad is edhadì.

Mateo 3:16

Ne si Jesus, hein nebewtismuwan en, migaun dutun te wahig. Ne zutun nepuwasan is langit ne naahà ni Jesus is Wag̵as he Mulin-ulin he Megbevayà he iring te merepatik he edlugtanà diyà te kandin ne midlatun diyà te kandin.

Mateo 8:20

Ne migkag̵i si Jesus diyà te kandin te, “Is laku ne zuen surung he egkeubpaan din, ne is tagbis, duen din salag, iyan, siak is migeraran te Kakey te Menusiyà, minsan hendei e zà memekehizegà su wazà ed-ubpaan ku.”

Marcos 1:10

Ne te egaun en si Jesus dutun te wahig, segugunè din naahà is langit he nepuwasan ne is Wag̵as he Mulin-ulin, edlugtanà diyà te kandin he iring te merepatik.

Juan 1:51

Ne mid-uman si Jesus megkag̵i kandin te, “Benar is egkeg̵iyen ku kenikew he egkeehè niw keuzemà is langit he egkepuwasan ne siak is Kakey te Menusiyà, duen egkengeehè niw he menge velinsug̵uen te Megbevayà he ebpememenahik wey ebpemenaug diyà te etuvangan ku.”

Nengeulaula 10:11

Neehè din is langit he nepuwasan ne zuen midteyuntun he iring te layag he utew meluag. Midhiketan is heepat he kilid din ne midteyuntun.

Nengeulaula 10:16

Ne ketetelu en mesublì haazà is langun he menge lalag diyà te ki Pedro, ne zutun, in-ulì diyà te langit haazà is midteyuntun.

Nengeulaula 7:57

Ne zutun haazà is menge punuan, nekekulahì dan ne midsabpeng dan is telinga zan su wey kenè dan en mezineg is menge lalag ni Esteban ne midlingketawan dan.

Impezayag 11:19

Ne ziyà te langit mibpuwasan is simbahan he Valey te Megbevayà ne naahà dutun te seled is kavan he midteg̵uan duen te insurat he menge pesarig te Megbevayà. Ne zutun neserasab is kilat, ne zuen utew memezag̵ing, ne mibpemeransì, ne midlinug, ne mibpenggiyew te utew zezekelà.

Impezayag 19:11

Ne zutun neehè ku is langit he nepuwasan ne zuen dutun kudà he meputì ne egkeserig̵an wey metinumanen is ed-untud dutun. Metazeng is kedhukum din ne metazeng daan is kebpekidtebek din te menge kuntada zin.

Impezayag 4:1

Ne zutun selakew en maan is impaahà kediey te Nengazen. Neehè ku is gemawan diyà te langit he nepuwasan. Ne zuen dutun egkag̵i ziyà te kediey ne haazà is egkag̵i ne iyan ded sikan is nezineg ku hein aney he henduen is kezag̵ing din te vudyung he edag̵ing. Ne ke sikandin te, “Hendini ka te zivavew ne ibpeehè ku kenikew is kinahanglan he egkeulaula keuzemà.”