Nengeulaula 7:51 - Manobo Western Bukidnon

⁵¹ Ne ke si Esteban te, “Sikiyu is menge zuma ku he Hudiyu, utew memehunit is gehinawa niw. Kenè kew egkesuat he ebpemineg; ne kenè kew zaan edtuman te Lalag te Megbevayà. Kenè kew ed-engked he edsupak te Wag̵as he Mulin-ulin. Kes mid-ulaula te menge kepuun tew, iyan daan ed-ul-ulahan niw.

Nengeulaula 7:51 Кръстосани препратки

Nengeulaula 6:10

Iyan, mibeg̵ayan si Esteban te ketau te Wag̵as he Mulin-ulin umba wazè dan igkelawan te ketezengan din.

Nengeulaula 7:27

Iyan, haazà is nekesalà te zuma zin, kenà ebpemineg; intukù din si Moises, ne ke sikandin te, ‘Hentei is mibeg̵ey kenikew te keg̵ehem te kedatùdatù kenami?

Nengeulaula 7:35

Ne heini si Moises,” ke si Esteban diyà te menge punuan, “daan he wazè dan dewata te menge Hudiyu is penavang din, kekenà, migkeg̵iyan dan dà te, ‘Hentei is mibeg̵ey kenikew te keg̵ehem te kedatùdatù kenami?’” Ne ke si Esteban en maan te, “Ne pinaag̵i zutun te velinsug̵uen he mibpaahà kandin dutun te egkeregreg he sagbet, midsug̵ù si Moises te Megbevayà. Ne midhimu zin si Moises he pengulu he iyan edlibri te menge Hudiyu.

Nengeulaula 7:39

Ne wazà tumana te menge kepuun tew is ibpeulaula ni Moises kandan. Ne kenè dan egkesuatan he pengulu zan sikandin. Ne neisip dan he meupiya ke edlikù dan diyà te Ihiptu.

Nengeulaula 7:9

Ne ke si Esteban te, “Si Jose is sevaha he anak ni Hakub, nesina kandin is menge kakey zin ne imbelegyè dan sikandin ne neuwit diyà te Ihiptu. Iyan, midumahan si Jose te Megbevayà,

Ruma 2:25

Sikiyu is menge Hudiyu, kunaan niw ke zekelà is pulus te kebpesirkunsidar niw, ne zuen iyan pulus te kebpesirkunsidar ta emun egkepurungan ta te edtuman is kesug̵uan, iyan, ke kenè ta egkepurungan te edtuman is kesug̵uan ne iring ki zed te menge kenà Hudiyu he wazè mebpesirkunsidar.

Ipisu 4:30

Ne kenè niw ul-ulaha is minsan hengkey he kenà egkesuatan te Wag̵as he Mulin-ulin su iyan sikandin tuus diyan te keniyu he g̵aked kew te Megbevayà, wey tuus daan he keuzemà egkeuma is andew he zutun edhimesaza te Megbevayà is langun he nepuunan din en he vaal te kedlibriya zin keniyu te kebpekesalà.

Pilipus 3:3

Iyan kiw kes tutuu he menge sakup te Megbevayà, ne kenà iyan sikandan, su pinaag̵i te Wag̵as he Mulin-ulin ed-azap kiw te Megbevayà ne edlipey kiw tenged te upakat tew ki Jesu Kristu. Ne kenè tew iyan edserig̵an is kelibutanen he ulaula iring te kebpesirkunsidar.

Kulusas 2:11

Ne tenged kayi, minsan kenè kew menge Hudiyu, is midhimu keniyu te Megbevayà, ne iring duen te kedsirkunsidara zengan te menge Hudiyu su nehimu kew en he menge g̵aked te Megbevayà pinaag̵i te kebpekidsevaha niw ki Kristu. Iyan, selakew heini, su kenà pinaag̵i te kebpelii te lawa zà duen, kekenà, in-awà ni Kristu is gehem te mezaat he kebayà te lawa niw.