Nengeulaula 7:35 - Manobo Western Bukidnon

³⁵ Ne heini si Moises,” ke si Esteban diyà te menge punuan, “daan he wazè dan dewata te menge Hudiyu is penavang din, kekenà, migkeg̵iyan dan dà te, ‘Hentei is mibeg̵ey kenikew te keg̵ehem te kedatùdatù kenami?’” Ne ke si Esteban en maan te, “Ne pinaag̵i zutun te velinsug̵uen he mibpaahà kandin dutun te egkeregreg he sagbet, midsug̵ù si Moises te Megbevayà. Ne midhimu zin si Moises he pengulu he iyan edlibri te menge Hudiyu.

Nengeulaula 7:35 Кръстосани препратки

Marcos 12:26

Ne mehitenged te menge minatey he ebenhawen, wazè niw ve mevasa ziyà te libru he insurat dengan ni Moises kes egkeregreg he sagbet he zutun mibpaahà kandin is Megbevayà? Su minsan te minatey en dutun si Abraham wey si Isaak wey si Hakub, migkag̵i is Megbevayà diyà te ki Moises te, ‘Iyan a Megbevayà he ed-ezapen ni Abraham wey ni Isaak wey ni Hakub,’

Lucas 19:14

Iyan, is menge meg̵inged dutun te inged te prinsipi, ne ingkeepes dan sikandin, ne hein migenat en, duen midsug̵ù dan he ibpetelukun kandin wey zan ikepesayud is lavew he hadì dutun te ebeyaan te prinsipi he kenè dan igkesuat he iyan mekehadì kandan haazà is prinsipi.

Juan 18:40

Ne mibpememensag dan te, “Kenà iyan sikandin, kekenà, iyan nu ipaawà si Berabas.” (Ne haazà si Berabas, tulisan.)

Juan 19:15

Ne zutun mibpememensag en maan haazà is menge Hudiyu te, “Himetayi en, iransang te krus!” Ne migkag̵i ziyà te kandan si Pilatu te, “Ibperansang ku ve is hadì niw te krus?” Ne midtavak is menge punuan he memumuhat te, “Iyan dà hadì dey si Cesar!”

Nengeulaula 2:36

Na,” ke si Pedro, “kinahanglan he edsevuten tew te langun he menge kevuwazan ni Israyil he si Jesus, sikan is inransang niw te krus, midhimu en te Megbevayà he Nengazen wey hadì tew te langun.”

Nengeulaula 3:22

Migkag̵i si Moises dengan te, ‘Is Megbevayè tew he Nengazen te langun, edsug̵uen din dini te keniyu is ebpeneuven din iring te kedsug̵ua zin kedì. Ne haazà is edsug̵uen din, duma tew zaan he Hudiyu. Kinahanglan he edtumanen niw is minsan hengkey he sug̵ù din keniyu.

Nengeulaula 5:31

Ne midtulus din en ne ziyè en sikandin te zapit te egkekewanan te Megbevayà. Sikitew is menge kevuwazan ni Israyil, egalen tew sikandin wey iyan kenitew edlibri te silut. Ne ebpeiniyug̵an din kenitew is mezaat he ulaula ne ebpeseyluwen kiw zin.

Nengeulaula 7:30

Ne neug̵et pa zutun, menge kepatan he tuig, duen belinsug̵uen te Megbevayà he mibpaahà ki Moises diyà te Siney, diyà te tanà he kenà ed-ubpaan te etew. Naahà ni Moises is belinsug̵uen te Megbevayà diyà te merapung he zug̵iyen he sagbet he egkeregreg.

Nengeulaula 7:51

Ne ke si Esteban te, “Sikiyu is menge zuma ku he Hudiyu, utew memehunit is gehinawa niw. Kenè kew egkesuat he ebpemineg; ne kenè kew zaan edtuman te Lalag te Megbevayà. Kenè kew ed-engked he edsupak te Wag̵as he Mulin-ulin. Kes mid-ulaula te menge kepuun tew, iyan daan ed-ul-ulahan niw.

Kulusas 1:15

Heini is Anak te Megbevayà, ne iyan kebpeg̵awag̵awa te kenà egkeahà he Megbevayà. Is Anak, ne lavew sikandin te minsan hengkey he linimbag din

Hibriyuhanen 2:2

Su is kesug̵uan he imbeg̵ey zengan te Megbevayà pinaag̵i te menge velinsug̵uen din, netuenan tew he is minsan hentei he nekesupak kayi, midsilutan te Megbevayà sumalà is supak din.

Impezayag 15:3

Ne egkentahan dan is kentahan duen te sulug̵uen te Megbevayà he si Moises he iyan sikan is kentahan he idalig dutun te nati he kerehidu. Ke sikandan te, “Sikew is Megbevayà, mekeg̵eg̵ehem ka he Nengazen te langun. Utew zekelà wey utew egkein-inuwi is langun he menge vaal nu! Hadì ka te langun he menge g̵inhedian. Metazeng wey tutuu is menge ulaula nu!