Nengeulaula 7:26 - Manobo Western Bukidnon

²⁶ Ne hein nepawà dutun, midlikù med-uman si Moises. Ne zuen neehè din he zezuwa he menge Hudiyu he ebpetebekà. Ne ebpelangen din pezem haazà is dezuwa su ke sikandin te, ‘He menge suled, kenè kew medtebek su teltelesuled kew.’

Nengeulaula 7:26 Кръстосани препратки

Mateo 14:22

Ne zutun impemeuntud ni Jesus te avang is menge sumusundan din wey zan mekehuna mekerapas pehendiyà te zehipag dutun te ranew su ibpemeulì din pa haazà is mezakel he menge etew.

Nengeulaula 7:25

Kunaan ni Moises ke nesavut en te menge zuma zin he Hudiyu he iyan sikandin nepilì te Megbevayà wey zin melibri sikandan te menge tig-Ihiptu, iyan, wazè dan mesavut.

Pilipus 2:1

Menge suled, netuenan ku he ingkeheg̵et te kedtuu niw is kebpekidsevaha niw ki Kristu, ne netuenan ku zaan he naawà is menge keseengan niw mehitenged te hizu zin keniyu. Ne netuenan ku zaan he neupakat kew pinaag̵i te Wag̵as he Mulin-ulin, ne ebpekedhihizuwè kew wey ebpelimlimuey kew is menge tumutuu.

Pilipus 2:3

Kinahanglan he kenà kew mebpekidlawan ne kenè kew mebpelavew, kekenà, isipa te minsan hentei keniyu he minus is pid-etawan din kenà te zuma zin.