Nengeulaula 7:2 - Manobo Western Bukidnon

² Ne midtavak si Esteban te, “Sikiyu is menge ebmeg̵urangen wey menge suled ku, pemineg̵a niw is menge lalag ku keniyu. Dengan, kes kepuun tew he si Abraham, mibpaahà kandin is mekeg̵eg̵ehem he Megbevayà te kemulu pa ziyà si Abraham ed-ubpà te tanà he Misuputamya hein wazè pa sikandin medhalin diyà te inged he Haran.

Nengeulaula 7:2 Кръстосани препратки

Mateo 6:13

Ipekeziyù key kenikew te mezesen he penuley ne ilikey key kenikew ki Setanas.’

Lucas 2:14

ke sikandan te, “Edelig̵en tew is Megbevayà he ziyà te langit. Ne zini te lumpad te kelibutan mebmelinawen is kebpekesavuk te langun he menge etew he igkesuat te Megbevayà.”

Juan 1:14

Ne sikan is nekag̵i he Lalag te Megbevayà, nehimu he menusiyà ne mid-amur kenitew. Utew sikandin belig̵eg̵awen wey utew tutuu is menge lalag din. Neehè dey is utew zin kebpekelavew he iyan is kebpekelavew te vudtung he Anak te Megbevayà. Ne haazà is kebpekelavew zin, imbeg̵ey kandin te Amey zin he Megbevayà.

Juan 12:41

Umba migkag̵i ni Esaias haazà is menge lalag su netuenan din dengan he utew zekelà is gehem ni Jesus, ne iyan si Jesus egkeg̵iyen din dutun.

Nengeulaula 22:1

Ke sikandin te, “Menge suled wey menge g̵inikanan, pemineg̵a niw is ibpesavut ku keniyu he menge ketezengan ku.”

Nengeulaula 23:7

Ne zutun te nekag̵i zin haazà, ne is menge Sedusiyu wey Perisiyu, nekedsumpakì dan ne nevahinbahin is langun te sikandan.

Nengeulaula 7:1

Ne zutun mid-insaan si Esteban te lavew he memumuhat, ke sikandin te, “Tutuu ve heini is langun he insumbung dan mehitenged kenikew?”

1 Kurintu 2:8

Ne haazà is menge kelibutanen he pengulu, wazè dan mesuati te edsavut ke hengkey is edhimuwen te Megbevayà su ke nesavut dan, wazè dan pezem iransang te krus kes mekeg̵eg̵ehem he Nengazen te langun.

Ipisu 1:17

Is Megbevayà te Nengazen tew he si Jesu Kristu he iyan daan Amey tew he zait he ebentug̵en, edhengyuan ku layun sikandin he pinaag̵i te Wag̵as he Mulin-ulin, ne iveg̵ey zin keniyu is ketau wey ipeg̵awag̵awa zin keniyu is kegketueni niw te menge ulaula zin.

Tito 2:13

Su zuen edteg̵azan ta he andew he zutun ibpeg̵awag̵awa is lavew he Megbevayà he iyan Menluluwas tew he si Jesu Kristu he utew zekelà is gehem din. Iyan sikandin ebperetengen ta.

Hibriyuhanen 1:3

Pinaag̵i kayi te Anak din ibpezayag is mekeg̵eg̵ehem he anlag te Megbevayà su neked-iring dan. Ke hengkey is Megbevayà ne iyan ded daan sikan is Anak din. Ne pinaag̵i te g̵ehem te kegkag̵i kayi te Anak ebeyveyaan din is minsan hengkey he linimbag. Ne hein nepasad din en is ked-ewaa zin te menge salè tew, mid-ulì diyà te langit ne mibpinuu ziyà te egkekewanan te Megbevayà su edhadì.

Hibriyuhanen 11:8

Ne si Abraham daan, duen kandin he kedtuu. Su neketuu sikandin te Lalag te Megbevayà he ewai zin is inged din ne medhendiyà te selakew en he tanà he impenaad te Megbevayà he ibeg̵ey ziyà te kandin wey ziyà te menge kevuwazan din. Ne zutun mid-ewaan din is kandin he inged minsan pa te wazè din hanew zutun te tanà he impenaad kandin.

Santiago 2:1

Menge suled, geina te menge tumutuu ki ki Jesu Kristu, is mekeg̵eg̵ehem he Nengazen, kinahanglan he pedrerepenga ta is kedtehuza ta te langun he menge etew.

Impezayag 4:11

“He Nengazen dey he Megbevayà, dait ka he edelig̵en, dait ka he edtehuzen. Mekeg̵eg̵ehem ka su nenlimbag ka te minsan hengkey. Nesuat ka he edlimbag ne pinaag̵i kayi nehimu is langun.”