Nengeulaula 6:9 - Manobo Western Bukidnon

⁹ Ne zuen daan menge kuntada ni Esteban. Iyan is menge Hudiyu he ziyà edsimba te egngezanan te Simbahan te menge Uripen he Nengevelukasan. Is duma kandan ne menge tigSirini, tig-Elihendriya, tigSilisya, wey tig-Asya. Ne ebpekidlewanè dan ki Esteban.

Nengeulaula 6:9 Кръстосани препратки

Mateo 10:17

Andam kew su edekepen kew zan, ne ed-uwiten kew zan diyà te hukmanan, ne ebug̵elen kew zan diyà te menge simbahan dan.

Mateo 23:34

Su egkeg̵iyen ku keniyu he ibpehendiyan ku pa te keniyu is ebpemeneuven te Megbevayà, wey menge etew he mibeg̵ayan te Megbevayà te ketau, wey menge menunudlù. Ne edhimetayan niw is duma kandan. Ne is duma, idransang niw ziyà te krus ne ebpemug̵elen niw is duma ziyà te seled te menge simbahan niw ne ed-elawen niw sikandan diyà te minsan hendei he inged he egkepeveyaan dan te ebpemelag̵uy.

Mateo 27:32

Ne ziyà te zalan he ibayè dan nesinug̵ung dan is etew he tigSirini he egngezanan ki Simon. Ne mibpeg̵es dan haazà ipetiang duen te krus he edtiangen ni Jesus.

Marcos 13:9

Ne sikiyu, kinahanglan he purungi niw endama is gehinawa niw, su edekepen kew te menge etew ne ed-uwiten kew zan diyà te hukmanan ne ebug̵elen kew ziyà te menge simbahan dan. Ebpekeetuvang kew te menge gubirnedur wey menge hadì tenged te kedtuu niw kediey wey niw ikewali is Meupiya he Tudtulanen diyà te kandan.

Lucas 21:12

Iyan, kayi te kenè pa heini egketuman ne edekepen kew te menge etew ne ebpesipelahan kew zan. Ibpeetuvang kew zan te menge punuan te menge simbahan te menge Hudiyu ne egkestiguwen kew zan. Ibpeetuvang kew zaan te menge hadì wey menge gubirnedur tenged te kedsundan niw kediey.

Nengeulaula 11:20

Ne tigSipru wey tigSirini is duma zutun te nemelag̵uy. Ne hein nekeuma zan diyà te Entiyukya, mibpenudtulan dan daan is menge kenà Hudiyu; ne impesavut dan is keag̵i te Nengazen tew he si Jesus.

Nengeulaula 13:1

Ne zuen menge tumutuu ziyà te inged he Entiyukya he menge menunudlù wey ebpemeneuven te Megbevayà. Dutun si Bernabe, si Simeon he migeraran daan te Meitem. Dutun daan si Lucio he tigSirini wey si Menain he ziyè en medekelà te turug̵an su impeelukuy ki Gubirnedur Hirudis hein batè pa. Ne zutun daan si Seulu.

Nengeulaula 13:45

Iyan, hein nengeahà te menge Hudiyu is mezakel he menge etew, nengesina zan engki Pablo ne midsumpalit dan is impenurù ni Pablo ne mibpenulè dan sikandin.

Nengeulaula 15:23

Ne impeuwit dan kandan is surat he edhenduen te, “Sikami is menge suled niw he epustul wey ebmeg̵urangen te menge tumutuu he menge Hudiyu kayi, ebpengemusta key keniyu te langun he kenà menge Hudiyu he menge suled dey te kedtuu ziyan te inged he Entiyukya wey ziyan te menge prubinsya he Sirya wey Silisya.

Nengeulaula 15:41

Ne mid-eneb dan is menge prubinsya he Sirya wey Silisya ne midheg̵etan dan is kedtuu te menge tumutuu.

Nengeulaula 16:6

Ne ziyè dan mekevayà te menge inged he ziyà te Perigya wey Gelasya su wazà sikandan tug̵uti te Wag̵as he Mulin-ulin he ibpesavut dan is Lalag te Megbevayà diyà te prubinsya he Asya.

Nengeulaula 18:24

Ne zutun, diyà te Ipisu zuen nekeuma he Hudiyu he tig-Elihendriya he egngezanan ki Epulus. Metau he edikursu ne metau zaan he edseysey te insurat he Lalag te Megbevayà.

Nengeulaula 19:10

Ne seled te zezuwa he tuig iyan haazà mid-ulaula zan, ne insangyew is Lalag te Nengazen diyà te langun he menge Hudiyu wey se kenà Hudiyu he menge meg̵inged dutun te prubinsya he Asya.

Nengeulaula 19:26

Siguradu neehè niw wey nezineg niw en is ebeelan kayi te etew he egngezanan ki Pablo. Egkeg̵iyen din he is menge ziwata he ebeelan te etew, kenà hustu he ed-ezapen. Mezakel is menge etew he nemeketuu te egkeg̵iyen din ne kenà dini zà te inged tew he Ipisu, kekenà, te tivuuk he prubinsya tew he Asya.

Nengeulaula 21:27

Ne hein ikepitu en he andew, duen menge Hudiyu he tig-Asya he nekeahà ki Pablo ziyà te Valey te Megbevayà. Ne mibpetavang dan te utew mezakel he menge etew zutun te simbahan su wey zan mezakep si Pablo.

Nengeulaula 21:39

Ne midtavak si Pablo te, “Hudiyu a he sakup te zekelà he inged diyà te prubinsya he Silisya su ziyà a ianak te Tarsu. Edhengyuen ku kenikew he tug̵uti a he melelag̵i ku is menge etew.”

Nengeulaula 22:19

Ne midtavak ku is Nengazen, ke siak te, ‘Iyan, netuenan dan en he mibeyaan ku is menge tumutuu kenikew ziyà te menge simbahan ne mibpendakep ku wey mibpemug̵el ku zaan sikandan.

Nengeulaula 22:3

“Hudiyu e man; diyà a ianak te prubinsya he Silisya, diyà te inged he Tarsu asal kayi a medekelà te Hiruselim su mibpenurù a ni Gemelil. Impenurù kediey is kebpurungi kedtumana te kesug̵uan he nesunud te g̵in-epuan tew. Utew meheg̵et dutun is kedtumana ku te kunaan ku he ibpetuman kedì te Megbevayà su iring a keniyu g̵untaan.

Nengeulaula 23:34

Ne mibasa zin haazà is surat ne in-insè din ki Pablo ke hendei sikandin he prubinsya mesakup. Ne hein midtavak si Pablo te, “Sakup a ziyà te prubinsya he Silisya,”

Nengeulaula 24:18

Ne zutun te ed-ul-ulahan ku en heini, neehè e zan diyà te simbahan he Valey te Megbevayà dutun te nepasad ku en is betasan dey te kegkelumpiyuwi. Wazà mezakel he etew he zuma ku; ne wazà daan edsinamuk.

Nengeulaula 26:11

Kenè en egkepangkus is kebpesiluti ku kandan diyà te menge simbahan su ebpeg̵esen ku pezem sikandan he engkezi zan is kedtuu zan. Ne tenged te utew ku sikandan nepeuki, mid-alew ku sikandan minsan diyà te menge meziyù he inged wey ku sikandan mesiluti.

Nengeulaula 6:10

Iyan, mibeg̵ayan si Esteban te ketau te Wag̵as he Mulin-ulin umba wazè dan igkelawan te ketezengan din.

1 Kurintu 1:20

Ne egkesavut ta kayi he wazè en pulus te ketau te menge uluwanen, ne wazà daan pulus te kedsavut te nemeketunghà wey te menge metau he egkag̵i zini te kelibutan. Su impesavut en te Megbevayà he is ketau he zini zà ebpuun te kelibutan, wazè en pulus diyà te kandin.

Gelasya 1:21

Ne zutun mibeyaan ku is prubinsya he Sirya wey Silisya.