Nengeulaula 6:7 - Manobo Western Bukidnon

⁷ Ne impeiseg dan is kedweliya zan te Lalag te Megbevayà diyà te mezakel he menge etew. Ne utew mahabet is menge tigHiruselim he nemeketuu ki Jesus. Ne mezakel zaan is menge memumuhat he nemeketuu.

Nengeulaula 6:7 Кръстосани препратки

Mateo 19:30

Iyan, mezakel is menge etew g̵untaan he henduen be te zekelà is pid-etawan dan, iyan, utew minus is pid-etawan dan keuzemà. Ne mezakel zaan is etew g̵untaan he utew minus is pid-etawan dan, iyan, keuzemà, utew zekelà is pid-etawan dan,” ke sikandin.

Lucas 2:34

Ne in-ampù daan sikandan ni Simeon he tuvazi sikandan te Megbevayà ne migkeg̵iyan din si Maria, sikan is iney zuen te vatà te, “Heini is anak nu, nepilì sikandin te Megbevayà su wey pinaag̵i kandin mevahinbahin kiw is menge kevuwazan ni Israyil. Ne is edsundan kandin ne egkelibri, ne sikan is kenà edsundan, ne edsilutan te Megbevayà. Egketuusan he sugù sikandin te Megbevayà, iyan, edsumpeliten sikandin te mezakel he menge etew,

Juan 12:42

Ne minsan pa zutun mezakel is nemeketuu ki Jesus he menge punuan he menge Hudiyu, iyan, wazè dan keg̵iya he neketuu zan kandin su nahandek dan te menge Perisiyu su kela ke ewaa is ketenged dan te kedseled te menge simbahan.

Nengeulaula 12:24

Iyan, mid-iseg is kedsengyawa te menge tumutuu te Lalag te Megbevayà, ne mibmezakel utew is menge tumutuu zutun.

Nengeulaula 13:8

Ne haazà is selemengkiru, ne egngezanan daan ki Ilimas, ne egkuntedahan din ensi Seulu ne midhimu zin is taman te egkehimu zin wey kenà meketuu ki Jesus haazà is gubirnedur.

Nengeulaula 14:22

Ne impesavut dan te menge tumutuu zutun is ibmezesen te kedtuu zan. Migkag̵i zan kandan he kinahanglan he kenè dan engkezi is kedtuu zan ki Jesus. Ke sikandan te, “Sikita is tumutuu, wey ki zà egkehedii te Megbevayà ke egkeantus ta is mezakel he kemereg̵enan.”

Nengeulaula 19:20

Ne iring dutun he paag̵i mid-iseg wey nekeeneb is gehem te Lalag te Nengazen diyà te menge etew zutun he inged.

Nengeulaula 2:47

Ne nekezalig dan te Megbevayà ne egkengetahud sikandan te minsan hentei. Ne te kada andew zutun duen menge etew he ebpeketuu. Ne is langun dutun, edlibriyen te Megbevayà wey kenè din en sikandan mesiluti ne haazà nemekeuman te menge tumutuu.

Nengeulaula 21:20

Ne hein nezineg dan haazà is tudtul ni Pablo, nemekezalig dan te Megbevayà. Ne migkeg̵iyan dan si Pablo te, “Netuenan nu, Suled, he utew zaan mezakel is menge zuma tew he Hudiyu he nemeketuu en ki Jesus, ne mibpurungan dan tumana is imbilinbilin kenitew he kesug̵uan.

Nengeulaula 6:1

Ne zutun he timpu ed-iseg ebmezakel is menge tumutuu ki Jesus. Is menge tumutuu he Hudiyu he Gerisyahanen is kineg̵iyan dan, duen ibmezaat te g̵ehinawa zan te zuma he menge tumutuu he Hudiyu. Egkag̵i haazà is menge Gerisyahanen he kenà pudu egkeveg̵ayan is kandan he menge valu he vahi ke ebpeneltelazen te kada andew is idtavang dutun te menge valu he vahi.

Ruma 1:5

Pinaag̵i ki Jesu Kristu midtuvazan a te Megbevayà su midhimu e zin he epustul, he ke và dà egkeg̵iya, sug̵ù, su wey mevantug si Jesus. Umba mid-ulaula zin heini su wey ku mepenurù is menge etew he kenà menge Hudiyu ziyà te minsan hendei he inged wey zan mekepemineg ne wey zan meketuu ki Jesu Kristu.

Ruma 16:26

Ne haazà is tuluuwen he in-eles dengan, impezayag en te Megbevayà pinaag̵i te menge surat dengan te menge ebpeneuven din. Ne g̵eina te iyan sug̵ù te wazè din kemetayen he Megbevayà, idsangyew en heini is tuluuwen diyà te menge etew ziyà te minsan hendei su wey meketuu is langun ne ebpeketuman te menge sug̵ù din.

Gelasya 1:23

Netudtulan dà sikandan te menge etew he siak is ebpendakep te menge tumutuu ki Jesus dutun te nengehuna he andew, ne g̵untaan idsangyew ku en is tinuuwan he iyan ibpendekepa ku kandan su wey zan meewai.

Gelasya 6:10

Ebpurungan ta layun is minsan hentei he etew, lavew en is menge zuma ta he tumutuu ki Kristu.

Kulusas 1:6

Heini is migkag̵i he Meupiya he Tudtulanen, pinaag̵i te kedtuu kayi, mezakel en he menge etew ziyà te minsan hendei he inged is mibmeupiya is menge ulaula zan. Ne kenà duen dà taman su ed-iseg ebmezakel is menge tumutuu pinaag̵i te Meupiya he Tudtulanen, iring te layun daan ed-iseg ebmezakel is menge tumutuu ziyan te keniyu puun pa zutun te andew zengan he nezineg niw is tudtul te g̵ag̵ew kenitew te Megbevayà wey netuenan niw he venar iyan.

2 Tiselunika 1:8

Dutun, edsilutan din sikandan is wazà medtetenged te Megbevayà wey wazà mebpemineg te Meupiya he Tudtulanen te keag̵i te Nengazen tew he si Jesus.

2 Timoteo 2:9

Ne tenged kayi te kebpenudtul ku te Meupiya he Tudtulanen midrasey a te menge kuntada te Megbevayà ne neeg̵en a te kedina he iring te mesinupaken, iyan, kenà mulà egkeeg̵en is Lalag te Megbevayà.

Hibriyuhanen 11:8

Ne si Abraham daan, duen kandin he kedtuu. Su neketuu sikandin te Lalag te Megbevayà he ewai zin is inged din ne medhendiyà te selakew en he tanà he impenaad te Megbevayà he ibeg̵ey ziyà te kandin wey ziyà te menge kevuwazan din. Ne zutun mid-ewaan din is kandin he inged minsan pa te wazè din hanew zutun te tanà he impenaad kandin.

Hibriyuhanen 5:9

Ne hein nepasad din en is langun he impetuman kandin te Megbevayà, nehimu sikandin he Menluluwas te langun he ebpemineg kandin su wey meveg̵ayi sikandan te untung he wazè din pidtemanan.

Hudas 1:20

Ne sikiyu mulà, menge minahal ku he suled, peniguduwi niw is kebpetebtevangè niw su wey meheg̵et is kedtuu niw te tuluuwen he impetuuwan kenitew te Megbevayà. Pekezesen kew ampù pinaag̵i te g̵ehem he ibeg̵ey te Wag̵as he Mulin-ulin.

Hudas 1:3

Minahal ku he menge suled, minsan pa te iyan aney he egkesuatan ku is ebaal a te surat he ibpeuwit ku ziyan wey ku ikeseysey ziyan te keniyu is kedlibriya kenitew te Megbevayà, iyan, utew en guntaan epiki he ebpesuratan ku sikiyu wey ku sikiyu mesembag̵i. Kinahanglan, menge suled, he pekezesen kew sukul te menge etew he edhelinen dan pezem is tutuu he tuluuwen he imbeg̵ey te Megbevayà. Haazà is tuluuwen, imbeg̵ey zin kenitew te menge g̵aked din ne kinahanglan he kenè en ed-umanan te minsan hentei.