Nengeulaula 6:5 - Manobo Western Bukidnon

⁵ Ne hein nezineg haazà te menge tumutuu, nengesuat dan dutun te sambag te menge epustul. Ne mibpilì dan si Esteban. Ne si Esteban, utew mezesen is kedtuu zin wey nepurung sikandin ulini te Wag̵as he Mulin-ulin. Ne elin dutun te nepilì dan si Felipe, si Pukuru, si Nikenur, si Timen, si Perminas, wey si Nikulas he tig-Entiyukya. Ne haazà si Nikulas, kenà Hudiyu, iyan, neketuu zengan te tinuuwan te menge Hudiyu.

Nengeulaula 6:5 Кръстосани препратки

Mateo 23:15

Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Edlayun kew te zag̵at ne edhipenawen niw is meluag he tanà wey niw mekabig is etew; ne is egkekabig niw, edhimuen niw he tuwas pa he zait sikandin he edsilutan diyà te Impirnu, kenà sikiyu.

Nengeulaula 11:19

Ne zuen menge tumutuu he nememelag̵uy tenged te menge kebpesipelahi zutun te menge edsarig ki Jesus hein mibunù si Esteban. Ne nemekedsusuwey zan pehendiyà te tanà he Pinisi wey te pulu ziyà te zag̵at he egngezanan te Sipru wey ziyè dan daan te inged he Entiyukya. Ne mibpenudtul zan is Lalag te Megbevayà, iyan, diyè dà te menge Hudiyu.

Nengeulaula 11:20

Ne tigSipru wey tigSirini is duma zutun te nemelag̵uy. Ne hein nekeuma zan diyà te Entiyukya, mibpenudtulan dan daan is menge kenà Hudiyu; ne impesavut dan is keag̵i te Nengazen tew he si Jesus.

Nengeulaula 11:22

Heini is neulaula, nezineg te menge tumutuu he ziyà te Hiruselim ne midsug̵ù dan si Bernabe ziyà te Entiyukya.

Nengeulaula 11:24

Ne si Bernabe, meupiya is ulaula zin, ne meheg̵et is ked-ulini kandin te Wag̵as he Mulin-ulin ne meheg̵et daan is kedtuu zin te Megbevayà, ne mezakel zutun is nemeketuu te Nengazen tew he si Jesus.

Nengeulaula 11:26

Ne hein neturedu zin, miduma zin diyà te Entiyukya. Ne seled te sengetuig, diyè dan is dezuwa med-amur te menge tumutuu ziyà te Entiyukya ne mezakel is mibpemenurù dan. Ne ziyà te Entiyukya, sikan is menge sumusundan, aney en gerari he menge Kristiyanus.

Nengeulaula 11:27

Ne zutun he timpu, duen ebpuun diyà te Hiruselim he menge ebpeneuven te Megbevayà he midtupang su edhendiyè dan te inged he Entiyukya.

Nengeulaula 13:1

Ne zuen menge tumutuu ziyà te inged he Entiyukya he menge menunudlù wey ebpemeneuven te Megbevayà. Dutun si Bernabe, si Simeon he migeraran daan te Meitem. Dutun daan si Lucio he tigSirini wey si Menain he ziyè en medekelà te turug̵an su impeelukuy ki Gubirnedur Hirudis hein batè pa. Ne zutun daan si Seulu.

Nengeulaula 15:22

Ne zutun, is menge epustul wey ebmeg̵urangen wey is langun he menge tumutuu he Hudiyu, neisip dan he ebpilì dan te menge zuma zan he ibpezuma zan ki Pablo wey ki Bernabe ziyà te Entiyukya. Ne iyan nepilì dan si Silas wey si Hudas he sevaha he ngazan din si Bersabas. Ne haazà is dezuwa, telehuzen sikandan te menge tumutuu zutun.

Nengeulaula 2:4

Ne mibpurungan ulini te Wag̵as he Mulin-ulin is kada sevaha kandan, ne netekewtekew zan pintezi te menge kineg̵iyan he kenè dan egketuenan sumalà is gehem he imbeg̵ey kandan te Wag̵as he Mulin-ulin.

Nengeulaula 21:8

Ne hein nepawà, migenat key en maan ne nekezunggù key ziyà te Sisarya. Ne ziyè key medhulavung te valey ni Felipe, sikan is ebpesavut te Meupiya he Tudtulanen. Iyan sikandin sevaha zutun te pitu he maama he nepilì dengan diyà te Hiruselim he timbang te menge epustul.

Nengeulaula 22:20

Ne hein midhimetayan si Esteban, is sevaha he etew he wazè din menug̵uni is untung din dini te kelibutan tenged kenikew, dutun a su mid-uyun a zaan dutun te kedhimetayi kandin. Iyan a impevantey te menge kumbalà te midhimatey kandin.’

Nengeulaula 6:10

Iyan, mibeg̵ayan si Esteban te ketau te Wag̵as he Mulin-ulin umba wazè dan igkelawan te ketezengan din.

Nengeulaula 6:3

Umba, menge suled,” ke sikandan, “meupiya ke ebpilì kew te pitu he menge zuma niw he telehuzen. Kinahanglan he iyan ebpilien is menge maama he memetau he netuenan niw he nepurung sikandan ulini te Wag̵as he Mulin-ulin. Ne ibeg̵ey zey ziyà te kandan is keg̵ehem te kebahinbahin.

Nengeulaula 6:8

Ne si Esteban, midtuvazan sikandin te Megbevayà ne zekelà is gehem din. Mezakel is menge egkein-inuwan wey menge singyal he ingkepeehè din diyà te menge etew.

Nengeulaula 7:1

Ne zutun mid-insaan si Esteban te lavew he memumuhat, ke sikandin te, “Tutuu ve heini is langun he insumbung dan mehitenged kenikew?”

Impezayag 2:15

Ne zuen daan duma keniyu he edtuuwan dan is menge penurù te menge etew he Nikuleyta.

Impezayag 2:6

Duen daan egkesuatan ku he ulaula niw su igkepauk niw is menge mezaat he ulaula te menge Nikuleyta he igkepauk ku zaan.