Nengeulaula 6:13 - Manobo Western Bukidnon

¹³ Ne zutun duen impeseled dan he menge etew he ibpeulug dan te salà ki Esteban. Ne migkag̵i haazà te, “Heini si Esteban, kenà ed-engked he edsudì kayi te simbahan tew he Valey te Megbevayà ne edsumpeliten din is kesug̵uan he imbilinbilin kenitew ni Moises.

Nengeulaula 6:13 Кръстосани препратки

Mateo 24:15

Si Daniel, sikan is ebpeneuven te Megbevayà dengan, netagnè din is egngezanan te melimezang he ebpekekaid. (Is ebpekevasa kayi te netagnè din, kinahanglan he sevuta zutun te nekevasa haazà is nevasa zin.) Ne emun egkeehè niw he ziyè en heini ebpekehitindeg te Valey te Megbevayà,

Mateo 26:59

Ne is menge punuan te memumuhat wey is langun he nengetig̵um he ebmeg̵urangen te menge Hudiyu, ebpen-ehè dan te salà he id-ulug dan ki Jesus su wey zan mehimetayi.

Nengeulaula 21:28

Ne mibpememensag dan is egkag̵i te, “Sikiyu is menge zuma zey he Isreyilihanen, tevangi key! Iyan heini sikan is etew he in-eneb din is penurù din te minsan hendei he inged. Ne supak is impenurù din te tivuuk he kehudiyuwan wey supak daan te kesug̵uan tew wey kayi te simbahan tew. Ne g̵untaan impeseled din en kayi te simbahan tew is kenà menge Hudiyu ne neremerikan heini is simbahan he ebulusan te Megbevayà.”

Nengeulaula 25:8

Iyan, mibpengetezengan si Pablo he egkag̵i te, “Wazè e man mekesupak te kesug̵uan tew te menge Hudiyu, ne wazà a zaan mekesupak te simbahan tew wey lavew en is hadì tew he ziyà te inged he Ruma.”

Nengeulaula 6:11

Ne zutun duen menge etew he midsuhulan dan wey zan meulug̵i si Esteban te salà, ne egkag̵i haazà is menge etew te, “Nezineg dey is menge lalag din he supak te kesug̵uan ni Moises wey supak daan te Megbevayà,” ke sikandan.

Nengeulaula 7:58

Ne inggawas dan sikandin puun dutun te inged ne midtuleng dan te vatu. Ne sikan is nemekesumbung kandin, insavuk dan is menge kumbalè dan diyà te uvey te etew he egngezanan ki Seulu.

Hibriyuhanen 7:12

Ne emun ed-ilisan is menge memumuhat, kinahanglan he ed-ilisan daan is kesug̵uan he mibenteyanan dan.