Nengeulaula 6:1 - Manobo Western Bukidnon

¹ Ne zutun he timpu ed-iseg ebmezakel is menge tumutuu ki Jesus. Is menge tumutuu he Hudiyu he Gerisyahanen is kineg̵iyan dan, duen ibmezaat te g̵ehinawa zan te zuma he menge tumutuu he Hudiyu. Egkag̵i haazà is menge Gerisyahanen he kenà pudu egkeveg̵ayan is kandan he menge valu he vahi ke ebpeneltelazen te kada andew is idtavang dutun te menge valu he vahi.

Nengeulaula 6:1 Кръстосани препратки

Mateo 23:13

Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Su ke zuen etew he ibeg̵ey zin pezem is gehinawa zin diyà te hadì tew he Megbevayà, kenè niw edtug̵utan, ne kenè niw zaan ibpeveyveyaan is gehinawa niw te Megbevayà.

Nengeulaula 11:20

Ne tigSipru wey tigSirini is duma zutun te nemelag̵uy. Ne hein nekeuma zan diyà te Entiyukya, mibpenudtulan dan daan is menge kenà Hudiyu; ne impesavut dan is keag̵i te Nengazen tew he si Jesus.

Nengeulaula 11:26

Ne hein neturedu zin, miduma zin diyà te Entiyukya. Ne seled te sengetuig, diyè dan is dezuwa med-amur te menge tumutuu ziyà te Entiyukya ne mezakel is mibpemenurù dan. Ne ziyà te Entiyukya, sikan is menge sumusundan, aney en gerari he menge Kristiyanus.

Nengeulaula 11:29

Ne tenged dutun neuyun is menge sumusundan diyà te Entiyukya he ed-emutè dan te selapì. Ne mebeg̵ey is kada sevaha sumalà is egkehimu zin wey zan metevangi is menge egkengeayuayu he menge zuma zan he menge tumutuu ziyà te prubinsya he Hudiya.

Nengeulaula 2:41

Ne zutun, mezakel is nemeketuu te impesavut kandan ni Pedro ne mibpebewtismu sikandan. Ne zutun he andew neumanan kes menge tumutuu te tetelu he libu.

Nengeulaula 2:45

Imbelegyè dan is menge azen dan wey menge tanà ne is halin dutun, ne mibpenalad dan diyà te langun he menge zuma zan sumalà is kinahanglan te kada sevaha.

Nengeulaula 2:47

Ne nekezalig dan te Megbevayà ne egkengetahud sikandan te minsan hentei. Ne te kada andew zutun duen menge etew he ebpeketuu. Ne is langun dutun, edlibriyen te Megbevayà wey kenè din en sikandan mesiluti ne haazà nemekeuman te menge tumutuu.

Nengeulaula 4:35

ne ibeg̵ey zin is halin dutun diyà te menge epustul ne ebeg̵ayan te menge epustul is minsan hentei he edlised.

Nengeulaula 4:4

Ne minsan pa zutun, neketuu is mezakel he nekepemineg engki Pedro. Ne tenged dutun is kezakel te menge maama zutun te nemeketuu ki Jesus ne migawhat te lelima he libu.

Nengeulaula 5:14

Ne layun ed-iseg is kegkeumani te menge tumutuu. Ne tenged dutun utew zan en mezakel is menge maama wey vahi he nemeketuu te Nengazen he si Jesus.

Nengeulaula 5:28

ke sikandin te, “Imbelaud dey keniyu he kenè niw ipenurù is kedtuu te ngazan ni Jesus. Ne hengkey heini is mid-ulaula niw? Insangyew niw is penurù niw zini te tivuuk he Hiruselim ne kenà taman dà kayi is mid-ulaula niw, kekenà, iyan key pa keniyu ebesulan te kedhimetayi ki Jesus.”

Nengeulaula 6:2

Ne zutun midtig̵um te menge epustul is langun he menge tumutuu ne ke sikandan te, “Kenà meupiya ke sikami is menge epustul, emun ed-engkezan dey is kebpenurù te Lalag te Megbevayà wey zey mevahinbahin is ibpenavang.

Nengeulaula 6:7

Ne impeiseg dan is kedweliya zan te Lalag te Megbevayà diyà te mezakel he menge etew. Ne utew mahabet is menge tigHiruselim he nemeketuu ki Jesus. Ne mezakel zaan is menge memumuhat he nemeketuu.

Nengeulaula 9:29

Ne ebpekidlalag wey ebpekidibati te menge Hudiyu he Gerisyahanen is kineg̵iyan dan. Ne ed-isipen dan en sikandin edhimetayi.

Nengeulaula 9:39

Ne migenat si Pedro is eduma kandan. Ne hein nekeuma si Pedro miduma zan diyà te rug̵u he ziyà te zivavew. Ne zuen dutun menge valu he vahi ne midlingutan dan si Pedro te ebpemenineg̵ew. Ne impeehè dan kandin is menge kumbalà wey zuma pa he ugelingen he mibpenahì ni Durkas hein uuyag pa.

Nengeulaula 9:41

Ne migewezan ni Pedro is belad din ne impehitindeg din. Ne zutun mid-umew ni Pedro haazà is menge zuma zin he tumutuu he ragkes dutun is menge valu he vahi ne impeehè din kandan si Tebita.

Ruma 12:7

Ne emun iyan imbeg̵ey kenita is ketau te kedtavang te menge zuma ta, kinahanglan he ebpeniguduwan ta is kedtavang. Ne emun duen ketau ta te kebpenurù te Lalag te Megbevayà, ne ebpurungan ta is kebpenurù ta.

1 Kurintu 10:10

Ne kenè tew zaan edtemudmuzan is menge egalen he imbeg̵ey kenitew te Megbevayà su iyan mid-ulaula te zuma kandan ne zutun duen belinsug̵uen he midsug̵ù te Megbevayà he ibpehimatey kandan.

2 Kurintu 11:22

Haazà he menge etew, egkeg̵iyen dan he menge pinilì sikandan te Megbevayà su menge Hudiyu zan, menge kevuwazan ni Israyil wey menge kevuwazan te kepuun ni Israyil he si Abraham. Ne siak daan, Hudiyu a he kevuwazan daan ni Israyil wey ni Abraham.

Pilipus 3:5

Su hein walu en he andew is ked-enaka kedì, ne midsirkunsidar a. Is menge g̵inikanan ku, ne kevuwazan sikandan ni Benjamin he anak te kepuun dey he si Israyil. Ne tudalis a he Hudiyu. Mibpurungan ku te edtuman is kesug̵uan he imbilinbilin ni Moises su Perisiyu a.

1 Timoteo 5:3

Purungi niw is menge valu he vahi he wazè dan egkeserig̵an te keuyag̵an dan.

1 Timoteo 5:9

Kenè niw ilista is balu he vahi he minus pa te keneman is penuig̵an din. Kinahanglan he wazè din selselai is esawa zin.

Hibriyuhanen 13:1

Kinahanglan he peniguduwi niw is kebmahala niw ziyà te g̵ehinawa niw te menge zuma niw he tumutuu.

Santiago 1:27

Is etew he hustu is ked-azap din te Megbevayà, edlikayan din is menge mezaat he ulaula he iyan ed-ul-ulahan te menge etew zini te kelibutan he kuntada te Megbevayà. Meupiya mulà is ulaula zin. Ebpurungan din is menge edlised he menge ilu he vatà wey menge valu he vahi. Iyan heini egkesuatan te Amey tew he Megbevayà he paag̵i te ked-ezapa tew kandin.

Santiago 4:5

Kenè niw isipa he kenà tutuu sikan is insurat he Lalag te Megbevayà he edhenduen te, “Is gehinawa he imbeg̵ey kenita te Megbevayà, nehimu he mezesen is kegkesuati zin te mezaat he ulaula,

Santiago 5:9

Kenè kew, menge suled, meked-eepesà su wey kenè kew mesiluti te Megbevayà. Meg̵aan en ebpekeuma is edsusi te menge ulaula ta; iring te ziyè en te g̵emawan.