Nengeulaula 5:40 - Manobo Western Bukidnon

⁴⁰ iyan, impeseled dan en maan haazà is menge epustul ne impevug̵el zan. Ne migkeg̵iyan dan haazà is menge epustul he kenè dan ipenurù is kedtuu te ngazan ni Jesus ne zutun impaawè dan.

Nengeulaula 5:40 Кръстосани препратки

Mateo 10:17

Andam kew su edekepen kew zan, ne ed-uwiten kew zan diyà te hukmanan, ne ebug̵elen kew zan diyà te menge simbahan dan.

Mateo 20:19

ne ibpalad e zan daan diyà te menge etew he kenà menge Hudiyu. Ne is menge etew he kenà menge Hudiyu, ne ed-iringen e zan te velvelayen, ebug̵elen e zan, ne idransang e zan te krus su edhimetayan a. Ne seled te tetelu he andew zutun, ebenhawen a te Megbevayà.”

Mateo 23:34

Su egkeg̵iyen ku keniyu he ibpehendiyan ku pa te keniyu is ebpemeneuven te Megbevayà, wey menge etew he mibeg̵ayan te Megbevayà te ketau, wey menge menunudlù. Ne edhimetayan niw is duma kandan. Ne is duma, idransang niw ziyà te krus ne ebpemug̵elen niw is duma ziyà te seled te menge simbahan niw ne ed-elawen niw sikandan diyà te minsan hendei he inged he egkepeveyaan dan te ebpemelag̵uy.

Marcos 13:9

Ne sikiyu, kinahanglan he purungi niw endama is gehinawa niw, su edekepen kew te menge etew ne ed-uwiten kew zan diyà te hukmanan ne ebug̵elen kew ziyà te menge simbahan dan. Ebpekeetuvang kew te menge gubirnedur wey menge hadì tenged te kedtuu niw kediey wey niw ikewali is Meupiya he Tudtulanen diyà te kandan.

Lucas 20:10

Ne hein tirag̵un en dutun, midsug̵ù din is sulug̵uen din diyà te impemeelima zin su wey meveg̵ayi sikandin te vahin din dutun te paras. Iyan, hein nekeuma haazà is sulug̵uen ne mibpemug̵el zutun te menge ed-elima ne impeulì dan he wazà beg̵ayi.

Nengeulaula 5:28

ke sikandin te, “Imbelaud dey keniyu he kenè niw ipenurù is kedtuu te ngazan ni Jesus. Ne hengkey heini is mid-ulaula niw? Insangyew niw is penurù niw zini te tivuuk he Hiruselim ne kenà taman dà kayi is mid-ulaula niw, kekenà, iyan key pa keniyu ebesulan te kedhimetayi ki Jesus.”

2 Kurintu 11:24

Kelelima e en bug̵ela te menge Hudiyu te menge ketluan wey siyew he lagkut.