Nengeulaula 5:4 - Manobo Western Bukidnon

⁴ Te wazè niw pa ivelegyà, kenè be keniyu he tanà? Ne minsan dutun te ingkevelegyè niw en, kenè be keniyu pa he vayàbayà is selapì? Ne maan is neisip niw heini is mezaat he ulaula? Kenà etew zà is edlimbungan niw, kekenà, iyan is Megbevayà.”

Nengeulaula 5:4 Кръстосани препратки

Lucas 10:16

Ne zutun migkeg̵iyan din haazà is menge sumusundan din te, “Is minsan hentei he etew he ebpemineg te ibpenurù niw, ne iring te iyan e zin nepemineg. Ne sikan is etew he kenè kew zin edseg̵ipaan, ne iring te iyan a wazè din seg̵ipaa. Ne sikan is etew he kenà edseg̵ipà kedì, ne iyan wazè din seg̵ipaa is Megbevayà he midsug̵ù kedì.”

Nengeulaula 5:3

Ne migkeg̵iyan sikandin ni Pedro te, “Eneniyas, maan is ebpevayàbayè ka ki Setanas su edlimbungan niw is Wag̵as he Mulin-ulin su kenè niw id-amin is selapì.

Nengeulaula 5:9

Ne migkag̵i en maan si Pedro te, “Maan is mid-uyunan niw he ebpenggezaman niw is Wag̵as he Mulin-ulin? Ebpekeume en maan kes menge maama he midleveng te esawa nu. Ne ed-uwiten ke zan daan su idleveng ka.”

1 Kurintu 8:8

Ne sikitew, netuenan tew he kenà iyan is egkeenen tew wey is kenè tew egkeenen igkesuat te Megbevayà su emun egkaan ki te usa ne wazè din pulus diyà te Megbevayà ne emun kenè ki egkaan te usa ne iring din ded daan.

1 Tiselunika 4:8

Emun ebpesegdanen niw heini is penurù ku keniyu, kenè niw iyan dà egkepesagdan is penurù te etew, kekenà, iyan niw egkepesagdan is penurù te Megbevayà. Iyan sikandin kes mibeg̵ey kenitew te Wag̵as he Mulin-ulin.

Pilimun 1:14

Iyan, kenè ku pa heini ebeelan te wazè nu pa itug̵ut kediey. Kenà a ebpeg̵es he ikehizu a kenikew. Su iyan meupiya is ebpuun te meliwanag he g̵ehinawa is kedhimuwa nu kayi.

Santiago 1:15

Ne emun edtumanen din is suat din, ebpekesalà sikandin. Ne iyan dutun pangkus te etew ke ebpeniguduwan din is ked-ulaula te mezaat is kemetayen.