Nengeulaula 5:33 - Manobo Western Bukidnon

³³ Ne hein nezineg heini te menge punuan, utew zan nengepauk ne ed-isipen dan en edhimetayi is menge epustul.

Nengeulaula 5:33 Кръстосани препратки

Mateo 1:19

Ne si Jose, kenà sikandin edsuwey te kesug̵uan he imbilinbilin ni Moises, ne tenged kayi, kenè din edleusen te ed-esawa si Maria, iyan, kenè din daan egkesuatan he meeled-eled si Maria, umba ed-isipen din he edhusayen dà heini te meeles.

Mateo 10:21

Su zutun he timpu zuen menge etew he ibpehimetayan dan is menge suled dan. Ne zuen daan menge amey he ibpehimetayan dan is menge anak dan. Ne zuen menge etew he egkuntedahan dan wey ibpehimetayan dan is menge lukes dan.

Mateo 10:25

Umba, siak is egalen niw wey ebpenurù keniyu, kinahanglan he egkeiringan a keniyu. Su siak is egalen niw, emun egngezanan a te menge etew ki Endedaman, wey pe be kenà tuwas pa he mezaat is igngazan dan keniyu te menge sakup ku?

Mateo 24:9

Egkuntedahan kew te tivuuk he menusiyà tenged te menge sumusundan ku sikiyu. Ne edekepen kew te menge etew ne ibpalad kew zan diyà te edrasey keniyu ne is duma keniyu edhimetayan dan.

Lucas 20:19

Ne zutun, is menge menunudlù te kesug̵uan wey menge punuan te menge memumuhat te Megbevayà, nesavut dan he iyan din sikandan egkeg̵iyen dutun te sempità, ne ed-isipen dan dutun pezem edekepa si Jesus, iyan, nahandek dan te mezakel he menge etew.

Lucas 6:11

Ne zutun, ne utew nengepauk haazà is menge Perisiyu wey haazà is menge menunudlù te kesug̵uan ne mibpelelelag̵è dan ke hengkey is ed-ul-ulahan dan ki Jesus.

Juan 15:20

Tentenuzi niw is migkag̵i ku keniyu he is sulug̵uen, kenà lavew te egalen din. Su ke mibpesipelahan e zan is egalen niw, iyan kew pe be kenè dan pesipelahi. Ke edtumanen te menge etew is kedì he penurù, edtumanen dan daan is keniyu.

Juan 16:2

Su id-awè dan is ketenged niw te kedseled diyà te simbahan, ne kenà iyan dà heini su keuzemà ke zuen edhimatey keniyu, kunaan din ke igkesuat te Megbevayà haazà is mibeelan din.

Nengeulaula 2:37

Ne hein nezineg haazà te menge etew utew zan nekedsendit. Ne ke sikandan diyà te ki Pedro wey te menge zuma zin he epustul te, “Menge suled, ebmenumenu key?”

Nengeulaula 22:22

Ne te nekag̵i haazà ni Pablo wazè en mebpemineg haazà is menge etew. Mibpememensag dan te, “Himetayi en su zait he edhimetayan!”

Nengeulaula 7:54

Ne hein nezineg te menge punuan he menge Hudiyu haazà is lalag ni Esteban, utew zan nengepauk. Ne migkeg̵etket is bag̵ang dan te kegkererengiti zan utew.

Nengeulaula 9:23

Ne wazà dutun utew meug̵et, mid-uyun is menge Hudiyu he edhimetayan dan si Seulu,