Nengeulaula 5:32 - Manobo Western Bukidnon

³² Ne sikami, ebpeketistig̵us key he nengeulaula heini is langun. Ne ebpirmahan daan heini te Wag̵as he Mulin-ulin su mibpeulinan kandin te Megbevayà is langun he edtuman te menge sug̵ù din.”

Nengeulaula 5:32 Кръстосани препратки

Juan 7:39

(Is wahig he ebpekeveg̵ey te untung he migkag̵i ni Jesus iyan is Wag̵as he Mulin-ulin. Egkezawat heini te minsan hentei he edtuu ki Jesus, asal zutun he timpu wazè pa iveg̵ey is Wag̵as he Mulin-ulin su wazè pa si Jesus med-ulì diyà te langit.)

Nengeulaula 1:8

Iyan,” ke si Jesus, “ebeg̵ayan kew zin te g̵ehem emun egkelumunan kew en te Wag̵as he Mulin-ulin, ne is tudtul te keag̵i ku, idsangyew niw zini te Hiruselim wey id-eneb niw zini te prubinsya he Hudiya wey ziyà daan te prubinsya he Semarya wey minsan hendei zini te egketemanan te kelibutan.”

Nengeulaula 10:44

Ne te kemulu pa egkag̵i si Pedro zutun, mibulusan te Wag̵as he Mulin-ulin is langun he etew he ebpemineg dutun.

Nengeulaula 13:31

Ne hein nevanhew en si Jesus, seled te mezakel he menge andew is layun din kebpaahà te menge etew he iyan menge zuma zin hein mid-awà sikandin diyà te prubinsya he Geliliya ne midhendiyà te inged he Hiruselim. Ne sikandan guntaan, ibpenudtul zan si Jesus diyà te menge zuma tew he kevuwazan ni Israyil.

Nengeulaula 15:28

Impesavut kenami te Wag̵as he Mulin-ulin ne neuyunan dey zaan he kenè dey keniyu ibpetuman is memereg̵en he imbilinbilin he kesug̵uan; iyan dà heini is utew kinahanglan he edtumanen niw.

Nengeulaula 2:32

Ne ke si Pedro te, “Iyan egkeg̵iyen din si Jesus he mibanhew te Megbevayà. Ne is langun te sikami, ebpeketistig̵us key he nevanhew su neehè en te menge mata zey.

Nengeulaula 2:4

Ne mibpurungan ulini te Wag̵as he Mulin-ulin is kada sevaha kandan, ne netekewtekew zan pintezi te menge kineg̵iyan he kenè dan egketuenan sumalà is gehem he imbeg̵ey kandan te Wag̵as he Mulin-ulin.

Nengeulaula 5:29

Ne zutun midtavak si Pedro wey is duma he menge epustul te, “Kinahanglan he edtumanen dey is sug̵ù te Megbevayà kenà is menge sug̵ù he mibeelan te etew.

Ruma 8:16

Iyan is Wag̵as he Mulin-ulin is ebpesavut kenitew he menge anak kiw iyan te Megbevayà.

2 Kurintu 13:1

Iketelu en heini te kebpenumbaley ku ziyan. Ke zuen etew he ebpehusey kedì ne zuen idsumbunga zin te zuma zin he tumutuu, kinahanglan he ebentayan ta is sug̵ù diyà te insurat he Lalag te Megbevayà he edhenduen te, “Ke zuen idsumbunga niw te zuma niw kinahanglan he edtistig̵usan te menge tetelu ne emun kenà ne menge zezuwa he etew.”

1 Pedro 1:12

Impezayag kandan te Megbevayà he kenà kandan he ibmeupiya haazà is netagnè dan dutun, kekenà, kenitew g̵untaan. Ne g̵untaan impesavut en keniyu is tutuu mehitenged dutun te netagnè dan. Duen menge etew he midsug̵ù te Megbevayà su wey zan metudtul keniyu is Meupiya he Tudtulanen. Mid-ulinan sikandan te Wag̵as he Mulin-ulin he midsug̵ù te Megbevayà. Ne heini is impesavut dan keniyu, minsan is menge velinsug̵uen te Megbevayà ziyà te langit, egkesuatan dan he mesavut dan heini.